Byggðarráð Borgarbyggðar

Framlagt erindi frá fjallskilanefnd Oddstaðaréttar þar sem óskað er eftir heimild til að rífa hluta af réttinni, auk þess sem farið er fram á fjárveitingu á árinu 2013 til þess að endurbæta réttina.
Byggðarráð samþykkti að óska eftir hugmyndum fjallskilanefndarinnar varðandi áframhaldandi uppbyggingu Oddsstaðaréttar.

Framlagt bréf Sigurðar og Guðbjargar á Oddsstöðum dags. 11.10."12 þar sem þau benda á að hluti Oddstaðaréttar sé hættulegur og hann þurfi að rífa.

Framlögð ályktun starfsmannafundar Grunnskólans í Borgarnesi til byggðarráðs varðandi skólaakstur í Borgarnesi.
Samþykkt að fela sveitarstjóra að kanna lögmæti þess að aldurstakmörk í starfsmannastefnu sveitarfélagsins gildi einnig um bílstjóra við skólaakstur.

Rætt um ritun sögu Borgarness í tengslum við 150 ára verslunarafmæli staðarins.
Samþykkt að vísa erindinu til gerðar fjárhagsáætlunar.
Samþykkt að fela sveitarstjóra að gera tillögu að verkáætlun.

Framlagt bréf frá Eftirlitsnefnd með fjármálum sveitarfélaga dags. 08.10."12 varðandi fjárhagsleg viðmið sveitarstjórnarlaga.
Samþykkt að óska eftir fundi með starfsmanni nefndarinnar.

Framlagt erindi frá OpenStreetMap dags. 06.09.´12 varðandi aðgang að gögnum sveitarfélagsins til að birta á heimasíðu félagsins.
Byggðarráð tók jákvætt í erindið og var umhverfis- og skipulagssviði falið að vera í sambandi við bréfritara.

Jökull Helgason forstöðumaður umhverfis- og skipulagssviðs sat fundinn meðan að liðir 6 og 7 voru ræddir.

Rætt um bréf Umhverfisstofnunar þar sem sveitarfélög eru minnt á skil vegna flokkunar vega á miðhálendinu.
Sveitarstjórn vísaði erindinu til umfjöllunar í byggðarráði.
Byggðarráð samþykkti að óska eftir stuðningi Umhverfisráðuneytisins við þetta verkefni.

Lögð fram fundargerð vinnuhóps um breytingar á skipulagi sorphirðu dags. 25.09."12 ásamt drögum að skýrslu nefndarinnar.
Samþykkt að óska eftir að vinnuhópurinn kynni skýrsluna fyrir sveitarstjórn og umhverfis- og skipulagsnefnd strax og hún er tilbúin.

Á fundi sveitarstjórnar var þessu erindi vísað til umfjöllunar í byggðarráði en það hafði áður verið rætt í velferðarnefnd.
Samþykkt að óska eftir að velferðarnefnd taki saman upplýsingar um þær aðgerðir sem sveitarfélög hafa gripið til, til að jafna launamun kynjanna.

Rætt um tillögu að breytingu á skipulagsskrá Snorrastofu en sveitarstjórn vísaði erindinu til umfjöllunar í byggðarráði.
Samþykkt að fela sveitarstjóra að gera tillögu að umsögn Borgarbyggðar um breytingarnar.

Framlagt bréf Fjölbrautaskóla Vesturlands dags. 10. október 2012 varðandi framlag sveitarfélaga til tækjakaupa skólans á árinu 2013.
Byggðarráð samþykkt erindið.

Framlögð umsókn eigenda Grímsstaða í Reykholtsdal um stofnun lóðar út úr jörðinni.
Lóðin er 3.879 fermetrar að stærð.
Samþykkt að verða við beiðninni.

Framlögð umsókn eigenda Staðarhúsa um stofnun lóðar út úr jörðinni.
Lóðin er 3,1 ha að stærð.
Samþykkt að verða við beiðninni.

Framlögð umsókn eigenda Hvítárvalla um stofnun lóðar út úr jörðinni.
Lóðin er 2.033 fermetrar að stærð.
Samþykkt að verða við beiðninni.

Framlagt bréf Golfklúbbs Borgarness dags. 10.10.´12 varðandi ýmis verkefni í tengslum við starfsemi klúbbsins.
Samþykkt að óska eftir að fulltrúar Golfklúbbsins komi á fund byggðarráðs til viðræðna um erindið.

Framlagt bréf Landssambands hestamanna dags. 03.10."12 þar sem farið er fram á fjárstuðning sveitarfélagsins við skráningu reiðleiða á öllu landinu.
Samþykkt að óska eftir umsögn Borgarfjarðarstofu um erindið.

Framlagt bréf Akraneskaupstaðar dags. 08.10."12 varðandi stofnun þróunar- og nýsköpunarfélags sem ætlað er að efla atvinnuuppbyggingu á svæðinu í kringum Grundartanga.
Byggðarráð samþykkti að Borgarbyggð verði með í stofnun félagsins.

Framlagt bréf Samtaka sveitarfélaga á Vesturlandi dags. 09.10."12 varðandi sóknaráætlanir landshluta.
Byggðarráð gerir ekki athugasemdir við þá uppbyggingu sem stefnt er að.

Rætt um vinnu við fjárhagsáætlun fyrir árið 2013.
Tillögur forstöðumanna stofnana að rekstraráætlun verða lagðar fyrir byggðarráð í næstu viku.

Framlagt bréf samstarfshóps um forvarnir í Borgarbyggð varðandi reglur um aldursmörk á skemmtanir í húsnæði og eigu sveitarfélagsins.
Samþykkt að óska eftir umsögn tómstundanefndar um erindið.

Rætt um skýrslu vinnuhóps sem nýverið gerði úttekt á rekstri Orkuveitu Reykjavíkur.

Byggðarráð Borgarbyggðar þakkar úttektarnefnd fyrir greinargóða og ítarlega skýrslu um orsakir fjárhagsstöðu Orkuveitu Reykjavíkur. Það er ljóst að eigendastefna fyrirtækisins sem nýverið var samþykkt af öllum eigendum tekur á mörgum þeirra þátta sem úttektarnefndin gangrýnir. Þrátt fyrir það tekur byggðarráð Borgarbyggðar undir ályktun borgarráðs Reykjavíkurborgar um að fela eigendanefnd að meta hvort eigendastefnan með fullnægjandi hætti taki á þeim þáttum sem gagnrýndir eru í skyrslunni, auk þess sem eigendanefnd hugi að því hvort lagaumgjörð OR sé fullnægjandi og ef svo er ekki láti vinna tillögu að skýrari umgjörð. Jafnframt er tekið undir óskir um að stjórn OR leggi mat á hvort þær umbætur sem ráðist hefur verið í nái til allra þeirra þátta sem gagnrýni úttektarinnar beinist að.

Samþykkt að taka tillögu Geirlaugar frá í apríl 2011 um skipan áheyrnarfulltrúa Borgarbyggðar í stjórn OR fyrir á næsta fundi byggðarráðs.

Framlagt erindi Bjargar Gunnarsdóttur umhverfis- og landbúnaðarfulltrúa varðandi húsnæði í Brákarey vegna gæludýraeftirlits.
Byggðarráð samþykkti erindið.

Framlögð fundargerð stjórnar Faxaflóahafna frá 12. október 2012.