Byggðarráð Borgarbyggðar

Lögð fram umsókn Kristbjörns Jónssonar dags. 10. desember 2012 um stofnun 4.340 m² lóðar úr landi Bóndhóls, sem fengi heitið Bóndhóll lóð A.
Byggðarráð samþykkti að lóðin verði stofnuð.

Lagt fram afrit af bréfi Samkeppniseftirlitsins til Davíðs Ólafssonar þar sem tilkynnt er að ekki sé talin ástæða til frekari skoðunar vegna ábendingar hans um ólöglöglegt samráð í tengslum við útboð á skólaakstri s.l. sumar.

Lagðir fram fjórir úrskurðir kærunefndar útboðsmála í kærum sem bárust vegna útboðs á skólaakstri s.l. sumar.
Í öllum tilfellum er kærunum vísað frá og kröfum kærenda um skaðabætur hafnað.

Lögð fram skýrsla kennara við Tónlistarskóla Borgarfjarðar um námsferð sem þeir fóru til Vínarborgar í haust.
Byggðarráð þakkar Tónlistarskólanum fyrir fróðlega skýrslu.

Lagt fram erindi frá Trélausnum ehf dags. 12.12."12 þar sem lýst er áhuga á að kaupa húsnæði í Brákarey sem er í eigu Borgarbyggðar.
Samþykkt að fela starfsmönnum umhverfis- og skipulagssviðs að ræða við bréfritara og erindinu vísað til vinnuhóps um nýtingu fasteigna Borgarbyggðar.

Lögð voru fram tilboð í fyrrum læknisbústað á Kleppjárnsreykjum. Fimm tilboð bárust.
Samþykkt var að taka hæsta tilboðinu sem var frá Arilíusi Sigurðssyni.

Dagbjartur vék af fundi meðan þessi liður var afgreiddur vegna tengsla við aðila málsins.

Rætt um tilboð Péturs Geirssonar í 3,75% hlut Borgarbyggðar í Hótel Borgarnes hf.
Samþykkt að taka tilboðinu.

Lagður fram lánasamningur við Íslandsbanka vegna lántöku á langtímaláni varðandi Hjálmaklett.

Byggðarráð samþykkti að taka lán hjá Íslandsbanka að fjárhæð kr. 240.000.000 til 29 ára, í samræmi við lánssamning sem lá frammi á fundinum. Til tryggingar láninu stendur tryggingabréf þar sem sveitarfélagið veðsetur bankanum fasteignina Borgarbraut 54 í Borgarnesi, fastanr. 230-7013. Er lánið tekið til skulbreytingar á láni sem gefið var út 19.11.2010 að upphaflegri fjárhæð kr. 210.000.000 en á lokagjalddaga 15.12.2012 var uppgreiðsluverðmæti þess með áföllnum vöxtum kr. 239.576.200.
Jafnframt er Páli S. Brynjarssyni kt. 010365-4819 veitt fullt og ótakmarkað umboð til þess f.h. Borgarbyggðar að undirrita lánssamning við Íslandsbanka sbr. framangreint, sem og til þess að mótttaka, undirrita og gefa út og afhenda hvers kynst skjöl, fyrirmæli og tilkynningar, sem tengjast lántöku þessari.

Rætt um viðauka við samning Borgarbyggðar og Orkuveitu Reykjavíkur um fráveitumál og var eftirfarandi samþykkt gerð:
Byggðaráð Borgarbyggðar leggst ekki gegn fyrirhugaðri 8,5% hækkun á gjaldskrá Orkuveitu Reykjavíkur fyrir fráveitu, enda hefur sú ákvörðun engin áhrif á efni samnings aðila frá 15. desember 2005. Lögð er áhersla á að eigendur Orkuveitu Reykjavíkur ljúki viðauka við samninginn fyrir 1. mars nk. þar sem m.a. verði kveðið á um að sama gjaldskrá sé fyrir fráveitu á öllu svæðinu.

Lagt fram erindi félagsmálastjóra þar sem óskað er eftir að íbúð við Árberg verði tekin af sölu.
Samþykkt að verða við erindinu.

Lögð fram drög að samningi við Vinnumálastofnun um átaksverkefni í sköpun nýrra starfa.
Byggðarráð samþykkti samninginn.

Lögð fram stefna Gunnars Jónssonar á hendur Borgarbyggð vegna Króks í Norðurárdal.
Samþykkt að fela Inga Tryggvasyni hdl að fara með málið f.h. Borgarbyggðar.

Lagt fram minnisblað um þjónustu að Borgarbraut 65a.
Finnbogi lagði fram svohljóðandi tillögu:
"Byggðarráð samþykkir að fela sveitarstjóra að ræða við Brákarhlíð um öryggisþjónustu í Borgarbraut 65a og leggja upplýsingar fyrir næsta fund byggðarráðs."

Tillagan var samþykkt samhljóða.

Á fundinn mætti Jökull Helgason forstöðumaður umhverfis- og skipulagssviðs.

Lagt var fram bréf frá Erlu Delberts og Jóni Nikolaisonar vegna skipulagsmála og tafa við málsmeðferð Borgarbyggðar á máli varðandi skipulagsmál í sumarbústaðahverfi í Borgarbyggð.
Byggðarráð áréttar fyrri afstöðu að lokið verði við skipulagstillögu í Seláshverfi í landi Ánabrekku. Skipulagsfulltrúa var falið að kynna tillöguna fyrir hagsmunaaðilum og auglýsa í framhaldi af kynningu.

Forstöðumaður umhverfis- og skipulagssviðs kynnti tillögu að nýrri gjaldskrá gatnagerðargjalda.

Rætt um tillögu um fjárveitingu til framkvæmda við kirkjugarðinn í Borgarnesi.
Samþykkt að greiða allt að 6 millj kr til framkvæmdanna og var sveitarstjóra falið að ræða við sóknarnefnd Borgarneskirkju og stjórn kirkjugarðasjóðs um verkefnið. Fjárhæðin komi sem viðauki við fjárhagsáætlun ársins 2012.

Jökull vék af fundi.

Lögð fram þjónustukönnun Capacent árið 2012.

Geirlaug vék af fundi.

Lögð fram tillaga að fjárframlögum aðila til byggðaþróunarverkefnis á sunnanverðu Snæfellsnesi fyrir árin 2012 og 2013.
Samþykkt að hlutur Borgarbyggðar á árinu 2012 verði kr. 480.000 og komi sem viðauki við fjárhagsáætlun.

Lagt fram yfirlit um breytingar sem tengjast fjárhagsáætlun 2012.
Breytingarnar voru samþykktar sem viðauki við fjárhagsáætlun ársins.

Lögð fram tillaga um tekjumörk vegna afsláttar elli- og örorkulífeyrisþega af fasteignaskatti.
Tillagan var samþykkt.

Að undanfarnu hafa staðið yfir viðræður á milli eigenda Orkuveitu Reykjavíkur um ábyrgðargjald.
Byggðarráð samþykkti að fylgja tillögu Reykjavíkurborgar um álagningu ábyrgðargjalds á Orkuveituna.

Lögð fram fundargerð 104. fundar stjórnar Faxaflóahafna sem haldinn var 14. desember s.l.

Lögð fram fundargerð 173. fundar stjórnar Orkuveitu Reykjavíkur sem haldinn var 23. nóvember s.l.




Samþykkt að næsti fundur byggðarráð verði haldinn fimmtudaginn 3. janúar 2013.