Byggðarráð Borgarbyggðar

Lögð fram beiðni Snjólaugar Árnadóttur f.h. Vegagerðarinnar dags. 18. desember 2012, um stofnun nýrrar lóðar úr landi Snældubeinsstaða undir vegsvæði.
Samþykkt að lóðin verði stofnuð.

Rætt um tillögu að gjaldskrá gatnagerðargjalda.
Vísað til fyrri umræðu í sveitarstjórn.

Rætt um þjónustukönnun Capacent sem gerð var á árinu 2012.
Samþykkt að halda kynningarfund með forstöðumönnum stofnana og sveitarstjórnarfólki og vísa könnuninni til umfjöllunar í nefndum sveitarfélagsins.

Lagt fram bréf frá Mennta- og menningarmálaráðuneytinu dags. 05.12. 2012 varðandi endurskoðun á húsnæðisframlagi til Menntaskóla Borgarfjarðar. Ráðuneytið hafnar tillögu Borgarbyggðar um breytingar á framlaginu.

Byggðarráð leggst ekki gegn því að Menntaskóli Borgarfjarðar skrifi undir samning við ráðuneytið um skólastarf en lýsir jafnframt yfir óánægju með þá fjárhæð sem ráðuneytið hefur ákveðið að verði í samningnum vegna húsnæðiskostnaðar í mennta- og menningarhúsinu Hjálmakletti.

Á fundinn mættu Kjartan Ragnarsson og Sigríður Guðmundsdóttir og kynntu verkefnið um stofnun miðaldabaða í landi Hraunsáss í Borgarbyggð.
Samþykkt að Borgarbyggð veiti kr. 500.000 til verkefnisins.

Rætt um framlög Borgarbyggðar til Brákarhlíðar á árinu 2012.
Samþykkt að Borgarbyggð greiði kr. 4.684.000 í framlag til Brákarhlíðar vegna ársins 2012.
Bjarki tók ekki þátt í afgreiðslu málsins vegna tengsla við Brákarhlíð.

Geirlaug ítrekaði beiðni sína um að lögð verði fram lokaskýrsla vegna byggingar hjúkrunarheimilisins.

Lögð fram drög að erindisbréfi fyrir vinnuhóp um málefni aldraðra í Borgarbyggð.
Gerðar voru breytingar á erindisbréfinu og það þannig samþykkt.

Lagt fram fundarboð á framhaldsfélagsfund í Veiðifélagi Gljúfurár sem halda á 5. janúar 2013 í veiðihúsi félagsins.
Samþykkt að Sigurjón Jóhannsson verði fulltrúi Borgarbyggðar á fundinum.

Lögð fram fundargerð frá 802. fundi stjórnar Sambands íslenskra sveitarfélaga.