Byggðarráð Borgarbyggðar

Lagt fram bréf frá Magnúsi Ögmundssyni vegna deiliskipulags á jörðinni Múlakoti í Stafholtstungum.
Byggðarráð gerir ekki athugasemdir við að deiliskipulagi jarðarinnar verði breytt.

Lagt fram bréf, dagsett 9. janúar 2013, frá Björgu Gunnarsdóttur umhverfis- og landbúnaðarfulltrúa um fyrirhugaða endurgreiðslu vegna refaveiða.
Vísað til landbúnaðarnefndar.

Lagðar fram fundargerðir frá 68., 69., 70 og 71. fundi Menningarráðs Vesturlands.

Lögð fram umsókn dags. 14. janúar 2013 frá Sigvalda Jónssyni um stofnun 1000 m² íbúðarhúsalóðar út úr jörðinni Hægindi.
Byggðarráð gerir ekki athugasemdir við að lóðin verði stofnuð.

Lögð fram skýrsla Bjarna Kr. Þorsteinssonar slökkviliðsstjóra um starfsemi slökkviliðsins á árinu 2012.
Byggðarráð þakkar slökkviliðsstjóra fyrir skýrsluna.

Lögð fram tillaga að nýrri gjaldskrá gatnagerðargjalda en hún var tekin til fyrri umræðu á fundi sveitarstjórnar í janúar.

Lögð fram ályktun frá Hestamannafélaginu Skugga þar sem skorað er á Borgarbyggð að skipuleggja svæði fyrir fjárhúsabyggð við Borgarnes.
Vísað til landbúnaðarnefndar og umhverfis- og skipulagsnefndar.

Lagt fram erindi Félags nýrra íslendinga um að fá Hjálmaklett fyrir þjóðahátíð á árinu 2013.
Erindið var tekið fyrir í Borgarfjarðarstofu sem mælti með því að hátíðin fái Hjálmaklett og verði studd fjárhagslega.
Byggðarráð samþykkti að styrkja hátíðina með því að leyfa að hún verði haldin í Hjálmakletti og fá auk þess krónur kr. 100.000 í styrk.

Á fundi sveitarstjórnar 10. janúar var umfjöllun um gjaldskrár félagsheimila vísað til byggðarráðs en hún hafði áður verið til umfjöllunar í Borgarfjarðarstofu.
Vísað til áframhaldandi vinnu í Borgarfjarðarstofu.

Rætt um yfirfærslu á búnaði og húsgögnum til Menntaskóla Borgarfjarðar.
Á fundinn mætti Konráð Konráðsson frá KPMG Endurskoðun til viðræðna um málið.
Samþykkt að fela Konráð að gera tillögu að hvernig með málið skuli fara í samstarfi við starfsmenn Borgarbyggðar.

Lagt fram bréf frá H.J.Sveinssyni ehf. þar sem mótmælt er álagningu fjallskilagjalda á jörðina Sólheimatungu í Borgarbyggð.
Samþykkt að óska eftir áliti frá Inga Tryggvasyni hdl. um erindið.

Rætt um neyðarþjónustu í íbúðum að Borgarbraut 65a í Borgarnesi og lagt fram minnisblað sveitarstjóra um málið.
Lögð var fram fundargerð frá fundi vinnuhóps um málefni aldraðra sem haldinn var 21. janúar 2013.
Samþykkt að óska eftir að forstöðumaður búsetuþjónustunnar komi á næsta fund byggðarráðs.

Lögð fram umsögn, dagsett 9. janúar 2013, frá Björgu Gunnarsdóttur umhverfis- og landbúnaðarfulltrúa um endurheimt votlendis á Hvanneyri.
Samþykkt að veita kr. 400.000 vegna þessa verkefnis og verður það tekið af umhverfislið á fjárhagsáætlun 2013

Á fundinn mætti Jökull Helgason forstöðumaður umhverfis- og skipulagssviðs.
Lagt var fram minnisblað Jökuls um beiðni Skipulagsstofnunar um hvort framkvæmd við ísgöng í Langjökli skuli háð mati á umhverfisáhrifum.
Afgreiðslu frestað til næsta fundar byggðarráðs.

Lögð var fram umsögn Borgarbyggðar um hvort og á hvaða forsendum fyrirhugaðar breytingar á sorpurðunarstaðnum í Fíflholtum skuli háðar mati á umhverfisáhrifum.
Afgreiðslu frestað til næsta fundar byggðarráðs.

Lögð fram fundargerð frá 105. fundi stjórnar Faxaflóahafna sem haldinn var 11. janúar 2013.