Byggðarráð Borgarbyggðar

Sveitarstjóri lagði fram upplýsinga varðandi gjaldskrá fyrir slökkviliðið á árinu 2013.
Byggðarráð samþykkti gjaldskrána.

Lagt fram fundarboð á félagsfund í veiðifélagi Gljúfurár sem haldinn verður 9. febrúar n.k.
Samþykkt að Sigurjón Jóhannsson verði fulltrúi Borgarbyggðar á fundinum.

Lögð fram umsókn um stofnun lóðar fyrir fjarskiptastöð á Þverfelli, dags. 24. janúar 2013 frá Kjartani Gunnsteinssyni f.h. Neyðarlínunnar ohf.
Byggðarráð samþykkti að lóðin yrði stofnuð.

Lagt fram erindi frá Orkuveitu Reykjavíkur þar sem óskað er eftir samþykki eigenda vegna sölu á höfuðstöðvum Orkuveitunnar við Bæjarháls og Réttarháls í Reykjavík.
Byggðarráð samþykkti fyrir sitt leyti að húsið verði selt.

Lagt fram erindi frá Jóni Sævari Þorbergssyni f.h. eigenda félagsins Brákarbraut 19 ehf, þar sem óskað er eftir að fá lóðina að Brákarbraut 21.
Samþykkt að óska eftir frekari upplýsingum frá bréfritara.

Lögð fram endurskoðuð drög að samningi við Brákarhlíð um vaktþjónustu í Borgarbraut 65a og Ánahlíð.
Samþykkt að fela sveitarstjóra að vinna áfram að samningnum og leggja fyrir fund sveitarstjórnar.

Rætt um húsnæðisframlag vegna hjúkrunarálmu við Brákarhlíð.

Á fundinn mættu Bjarki Þorsteinsson forstöðumaður Brákarhlíðar, Jökull Helgason úr byggingarnefnd og Pálmi Sævarsson frá Verkís og kynntu framvinduskýrslu um framkvæmdir við hjúkrunarálmu við Brákarhlíð í Borgarnesi.

Lögð fram fundargerð 12. fundar nefndar um nýja fjallskilasamþykkt.
Fyrirhugaður er kynningarfundur um fjallskilasamþykktina í Valfelli þriðjudaginn 12. febrúar n.k. kl. 20,30.

Lögð fram fundargerð fjallskilanefndar BSN frá miðvikudeginum 6. febrúar 2013.
Samþykkt að vísa 1. lið, nýting afréttarlands á Bjarnadal, til fjallskilanefndar Borgarbyggðar.
Sveitarstjóra var falið að svara nefndinni varðandi 3. lið.

Lagt fram minnisblað sveitarstjóra varðandi úttekt á sameiningu Grunnskóla Borgarfjarðar og Varmalandsskóla.
Samþykkt að kynna málið fyrir fræðslunefnd og skólaráði Grunnskóla Borgarfjarðar.