Byggðarráð Borgarbyggðar

Rætt um beiðni Þyngslalappar ehf. um styrk til uppbyggingar sýningar í Englendingavík.
Samþykkt að fela sveitarstjóra að ræða við forsvarsmenn Þyngslalappar um erindið.

Lögð fram fundargerð frá félagsfundi í Veiðifélagi Norðurár sem haldinn var 29. janúar 2013.

Lagt fram minnisblað frá félagsmálastjóra varðandi leiðréttingu launa með tilliti til launajafnréttis á milli kynja.
Samþykkt að fela sveitarstjóra og skrifstofustjóra að afla frekari upplýsinga.

Lögð fram drög að erindisbréfi fyrir vinnuhóp vegna endurskoðunar deiliskipulags í gamla miðbænum í Borgarnesi og skipulags fyrir miðsvæði Borgarness.
Samþykkt að skipa í hópinn á næsta fundi byggðarráðs.

Rætt um starfsmannamál.
Samþykkt var að fela sveitarstjóra að auglýsa starf skipulags- og byggingafulltrúa Borgarbyggðar.

Lagðar fram fundargerðir þriggja funda vinnuhóps um endurskoðun á samþykktum Borgarbyggðar sem haldnir voru 05.12."12, 17.01."13 og 07.02.´13.

Rætt um þjónustukönnun Capacent og þá vinnu sem hefur verið í gangi eftir að hún kom fram.

Lagt fram erindi frá undirbúningshópi um stofnun SAGA-jarðvangs, en óskað er eftir að Borgarbyggð tilnefni tvo fulltrúa í undirbúningshópinn.
Byggðarráð tók jákvætt í erindið og var samþykkt að formaður umhverfis- og skipulagsnefndar og einn starfsmaður af umhverfis- og skipulagssviði verði fulltrúar Borgarbyggðar í undirbúningshópnum.

Á fundinn mætti Bjarni Þorsteinsson slökkviliðsstjóri til viðræðna um málefni slökkviliðsins.

Bjarni greindi frá drögum að samningi um gagnkvæma aðstoð milli Slökkviliðs Borgarbyggðar og Brunavarna Suðurnesja og að Slökkvilið Borgarbyggðar kaupi notaðan tankbíl frá Suðurnesjamönnum.
Samþykkt var að heimila slökkviliðsstjóra að halda áfram að vinna að málinu.
Rætt um mögulega æfingaaðstöðu fyrir reykkafara í gömlum vatnstanki í Brákarey.

Á fundinn mætti Einar G. Pálsson fjármálafulltrúi og fór yfir rekstur Borgarbyggðar árið 2012.

Rætt um að selja félagslega íbúð á Kveldúlfsgötu 18.
Samþykkt að íbúðin verði sett á sölu.

Rætt var um umfjöllun fjallskilanefndar um beiðni nokkurra bænda að nýta afréttarland á Bjarnadal.
Fyrirhugaður er kynningarfundur um málið.

Lögð fram fundargerð frá 13. fundi nefndar um nýja fjallskilasamþykkt frá 20. febrúar 2013.