Byggðarráð Borgarbyggðar

Rætt um samþykkt um búfjárhald sem sveitarstjórn vísaði til umfjöllunar í byggðarráði.
Samþykkt að afla frekari upplýsinga til vinna áfram með samþykktina.

Lögð fram umsókn Safnahúss Borgarfjarðar um styrk vegna sýningar um Hallstein og Ásmund Sveinssyni en sveitarstjórn vísaði umsókninni til umfjöllunar byggðarráðs.
Samþykkt að fá Guðrúnu Jónsdóttur forstöðukonu Safnahússins á næsta fund byggðarráðs til að ræða málið.

Rætt um athugasemdir við innheimtu fjallskilagjalda og sveitarstjórn vísaði til umfjöllunar byggðarráðs.
Byggðarráð samþykkti að hafna kröfu um niðurfellingu reiknings vegna viðkomandi máls.

Lagður fram samningur milli búfjáreftirlitsnefndar á svæði 5 og Búnaðarsamtaka Vesturlands en sveitarstjórn vísaði samningnum til umfjöllunar í byggðarráði.
Byggðarráð samþykkti samninginn fyrir sitt leyti.

Lögð fram samþykkt drög að nýrri fjallskilasamþykkt fyrir Akraneskaupstað, Hvalfjarðarsveit, Skorradalshrepp og Borgarbyggð auk bréfs frá Björgu Gunnarsdóttur, starfsmanni nefndar um nýja fjallskilasamþykkt, sem sent hefur verið til sveitarstjórna fjallskilaumdæmisins.
Samþykkt að fara fram á að sveitarstjórn fái kynningu á drögunum.

Rætt um athugasemdir við deiliskipulag Litla-Hrauns en sveitarstjórn vísaði erindinu til umfjöllunar byggðarráðs.
Á fundinn mætti Jökull Helgason forstöðumaður umhverfis- og skipulagssviðs og sat fundinn meðan að liðir 6, 7, 8 og 9 voru ræddir.
Jökull sagði að fyrir dyrum stæði fundur með fulltrúum Borgarbyggðar, landeigenda og Skipulagsstofnunar til að ræða málið.

Lögð fram skýrsla vinnuhóps um skipulag sorphirðu en nefndin lauk störfum þann 12. mars 2013.
Byggðarráð þakkar framkomna skýrslu og var samþykkt að fela umhverfis- og skipulagssviði að kostnaðarmeta tillögur sem fram koma í skýrslunni.

Lagt fram erindi Borgarverks ehf dags. 05.03. 2013 þar sem farið er fram á þátttöku Borgarbyggðar í endurbótum á vegg milli eignarhluta Borgarverks og Borgarbyggðar í Brákarbraut 27.
Afgreiðslu frestað til næsta fundar og óskað eftir umsögn umhverfis- og skipulagssviðs um erindið.

Lagt fram erindi Borgarverks ehf. dags. 05.03. 2013 þess efnis að rampur sem er á lóð Brákarbrautar 27 og Grímshússins verði fjarlægður.
Samþykkt að fela forstöðumanni umhverfis- og skipulagssviðs að ræða við bréfritara um erindið.

Lagt fram erindi nokkurra starfsmanna á fjármála- og stjórnsýslusviði dags. 07.03. 2103 þar sem farið er fram á leiðréttingu launakjara.
Samþykkt að bjóða bréfriturum á næsta fund byggðarráðs.
Jóhannes tók ekki þátt í umræðum vegna tengsla við aðila málsins.

Lagt fram erindi Golfklúbbs Borgarness dags. 19.03.2013 þar sem farið er fram á heimild Borgarbyggðar til breytinga á innra skipulagi golfskálans að Hamri.
Byggðarráð samþykkti að heimila breytingarnar.

Lagt fram kauptilboð í íbúð að Kveldúlfsgötu 18.
Samþykkt að taka tilboðinu.

Lagt fram bréf frá Vók ehf dags. 13.03. 2013 þar sem óskað er eftir stækkun lóðarinnar að Sólbakka 17 um 1.290 fermetra.
Samþykkt að fela forstöðumanni umhverfis- og skipulagssviðs að ræða við bréfritara.

Lagt fram tilboð Ásgeirs Helgasonar og Stefaníu Gissurardóttur í sumarhúsalóð í landi Syðri-Hraundals.
Samþykkt að taka tilboðinu.

Lögð fram fundargerð vinnuhóps um málefni aldraðra frá 19. mars 2013 ásamt stöðuskýrslu.
Byggðarráð þakkar fyrir góða skýrslu og bendir öðrum vinnuhópum á að það sé æskilegt vinnulag að skila stöðuskýrslum.

Ákveðið hefur verið að sveitarstjórnarfulltrúar skipi þrjá þriggja manna hópa til að vinna tillögur um aðgerðaráætlun til úrbóta á starfsemi sveitarfélagsins.
Í hópunum verða:
Atvinnu- og menningarmál - Bjarki Þorsteinsson, Geirlaug Jóhannsdóttir, Sigríður G. Bjarnadóttir.
Þjónusta við íbúa - Dagbjartur I Arilíusson, Ragnar Frank Kristjánsson, Finnbogi Leifsson.
Umhverfismál - Jónína Erna Arnardóttir, Jóhannes Stefánsson, Ingibjörg Daníelsdóttir.

Lagt fram bréf frá Ungmennasambandi Borgarfjarðar dags. 11.03. 2013 þar sem þakkað er fyrir veittan stuðning á árinu 2012

Lagt fram fundarboð á aðalfund Veiðifélags Álftár sem haldinn verður 23. mars 2013 í veiðihúsi félagsins.
Samþykkt að Einar Ole Pedersen verði fulltrúi Borgarbyggðar á fundinum.

Lagt fram fundarboð á aðalfund Veiðifélags Langár sem haldinn verður 06. apríl n.k. í veiðihúsi félagsins.
Samþykkt að Einar Ole Pedersen og Sigurjón Jóhannsson verði fulltrúar Borgarbyggðar á fundinum.

Lögð fram fundargerð búfjáreftirlitsnefndar á svæði 5 (Borgarbyggð og Skorradalshreppur) frá 18. febrúar 2013.
Ákveðið að taka gjaldskrá vegna búfjáreftirlits fyrir á næsta fundi byggðarráðs.

Lögð fram 5. og síðasta fundargerð vinnuhóps um skipulag sorphirðu, dagsett 12. mars 2013.

Lögð fram fundargerð nefndar um nýja fjallskilasamþykkt, dagsett 13. mars 2013.

Rætt um samskipti kjörinna fulltrúa og starfsmanna sveitarfélagsins.

Lögð fram ársskýrsla byggingarfulltrúa fyrir árið 2012.
Byggðarráð þakkar fyrir skýrsluna.

Lögð fram fundargerð 107. stjórnarfundar Faxaflóahafna sem haldinn var 08. mars 2013.