Byggðarráð Borgarbyggðar

Rætt um mögulega yfirtöku Brákarhlíðar á rekstri húsnæðis hjúkrunarálmunnar við heimilið.
Lagt fram minnisblað um áhrif samningsins á fjárhagsáætlun Borgarbyggðar 2013.
Samþykkt að fela sveitarstjóra að ganga frá samningnum.

Bjarki vék af fundi meðan að þessi liður var ræddur.

Rætt um erindi forstöðumanns Safnahúss vegna kostnaðar við flutning á gögnum í geymslur á Sólbakka.
Samþykkt að fela sveitarstjóra að afla frekari gagna vegna málsins.

Lagt fram kostnaðarmat með skýrslu Haraldar Más Stefánssonar um Skallagrímsvöll.
Samþykkt að fela umhverfis- og skipulagssviði að afla frekari upplýsinga og skoða þá samninga sem í gildi eru varðandi viðhald og viðgerðir á vellinum.

Lagðar fram fundargerðir frá 4., 5. og 6. funda vinnuhóps um endurskoðun á samþykktum ásamt stöðuskýrslu um vinnuna.

Á fundinn mætti Bjarni Þorsteinsson slökkviliðsstjóri og sat fundinn meðan liðir 5, 6 og 7 voru ræddir.

Lögð fram drög að samningi milli Slökkviliðs Borgarbyggðar og Brunavarna Suðurnesja um gagnkvæma aðstoð við slökkvistarf eða viðbrögð við mengunaróhöpp.
Byggðarráð samþykkti samninginn.

Lagt fram samkomulag um samstarf vegna þjálfunar slökkviliðsmanna milli Slökkviliðs Borgarbyggðar og Brunavarna Suðurnesja.
Byggðarráð samþykkti samkomulagið.

Rætt um kostnað Slökkviliðs Borgarbyggðar við að slökkva sinuelda og þær viðræður sem farið hafa fram í framhaldi af tíðum sinubrunum að undanförnu.
Byggðarráð fagnar því að umhverfis- og auðlindaráðuneytið sé búið að skipa starfshóp til að fara yfir þessi mál og hvetur ráðuneytið til að endurskoða lög um sinubruna í þeim tilgangi að þrengja heimildir og tryggja að öryggi sé eins mikið og hægt er.
Einnig var samþykkt að fela lögfræðingi að kanna réttarstöðu Borgarbyggðar til að endurkrefja kostnað við slökkvistarf.

Lagt fram yfirlit um arðgreiðslur Lánasjóðs sveitarfélaga ohf vegna ársins 2012.

Á fundinn mættu Anna Ólafsdóttir, Ingibjörg Ingimarsdóttir, Guðrún H. Pálmadóttir, Rebekka Þiðriksdóttir, Ingibjörg Hargrave og Arndís Guðmundsdóttir sem eru starfsmenn á fjármála- og stjórnsýslusviði Borgarbyggðar til viðræðna um leiðréttingu á skerðingu launa sem starfsmenn urðu fyrir árið 2009.
Samþykkt að óska eftir frekari gögnum fyrir næsta fund byggðarráðs.

Á fundinn mætti Sigurþór Kristjánsson forstöðumaður Óðals og kynnti hugmyndir um Borgarnesbíó.
Byggðarráð samþykkti að veita kr. 600.000 í þetta verkefni og verður kostnaðurinn tekinn inn í viðauka við fjárhagsáætlun.

Lagður fram samningur Borgarbyggðar og Ungmennasambands Borgarfjarðar um íþróttastarf eftir breytingar sem gerðar voru á sambandsþingi UMSB.
Byggðarráð samþykkti samninginn.

Rætt um starfsmannamál.

Á fundinn mættu Jón Sævar Þorbergsson og Guðjón Kristjánsson til viðræðna um beiðni Brákarbrautar 19 ehf um kaup á lóð í Brákarey og þær framkvæmdir sem fyrirhugaðar eru við sláturhúsið í Brákarey.

Rætt um styrkumsókn Safnahúss vegna fyrirhugaðrar sýningar um Hallstein og Ásmund Sveinssyni.
Að loknum fundi fóru fundarmenn í heimsókn í Safnahúsið.

Lagt fram fundarboð á aðalfund Límtré Vírnets sem haldinn verður í Reykjavík 04. apríl 2013.

Lagt fram fundarboð á aðalfund Sorpurðunar Vesturlands sem fram fer 19. apríl 2013 á Hótel Borgarnes.
Samþykkt að Páll S. Brynjarsson sveitarstjóri verði fulltrúi Borgarbyggðar á fundinum.

Lögð fram skýrsla starfsmanna Grunnskóla Borgarfjarðar um námsferð til Sauðárkróks

Lögð fram ársskýrsla Safnahúss Borgarfjarðar fyrir árið 2012.