Byggðarráð Borgarbyggðar

Lagt fram fundarboð á aðalfund Veiðifélagsins Hvítár sem haldinn var 10. apríl s.l. í Valfelli.
Ingibjörg Daníelsdóttir var fulltrúi Borgarbyggðar á fundinum.

Rætt um starfsmannamál.

Á fundinn mætti Björg Gunnarsdóttir umhverfis- og landbúnaðarfulltrúi til viðræðna um tillögur að samþykkt um búfjárhald í Borgarbyggð.
Samþykkt að óska eftir umsögn Búnaðarsamtaka Vesturlands, lögfræðings og Landgræðslunnar um tillögurnar.

Rætt um tengivegi og framkvæmdir við þá.
Samþykkt var að óska eftir samráði við Vegagerðina um forgangsröðun á uppbyggingu tengivega í Borgarbyggð. Einnig ítrekar byggðarráð fyrri áskorun um að lagt verði bundið slitlag í sumar á Reykholtsdalsveg inn að Logalandi.

Rætt um stöðu þjóðlendumála.
Samþykkt að fela sveitarstjóra að boða hagsmunaaðila til fundar með sveitarstjórn.
Samþykkt að senda frekari upplýsingar til Óbyggðanefndar.

Rætt um leiðréttingu á launakjörum þeirra starfsmanna sem fengu skerðingu á sínum launakjörum.

Eiríkur vék af fundi meðan að þessi liður var ræddur.

Á fundinn mætti Oddur G. Jónsson frá KPMG ehf og kynnti drög að ársreikningi Borgarbyggðar fyrir árið 2012.
Byggðarráð samþykkti að vísa ársreikningnum til fyrri umræðu í sveitarstjórn.

Lagður var fram tölvupóstur frá Guðjóni Bragasyni sviðsstjóra lögfræðisviðs Sambands íslenskra sveitarfélaga varðandi verklag við staðfestingu kjörskrár við komandi Alþingiskosningar.
Svohljóðandi tillaga var samþykkt:
"Byggðarráð leggur til að sveitarstjórn samþykki að fela sveitarstjóra að semja kjörskrá. Jafnframt verði sveitarstjóra veitt fullnaðarheimild til að fjalla um athugasemdir, gera nauðsynlegar leiðréttingar og úrskurða um ágreiningsmál sem kunna að koma fram að kjördegi vegna Alþingiskosninga 27. apríl n.k. í samræmi við 27. gr. laga um kosningar til Alþingis."

Lagður fram tölvupóstur frá Dagbjarti I. Arilíussyni þar sem hann óskar eftir að láta af störfum í sveitarstjórn Borgarbyggðar vegna anna í vinnu.

Lögð fram umsókn Sjéntilmannaklúbbs Bifrastar dags. 24.03."13 um styrk vegna uppsetningar leiktækja á Bifröst.
Samþykkt að fela sveitarstjóra að ræða við bréfritara.

Framlögð ályktun frá ráðstefnunni Ungt fólk og lýðræði sem haldin var á Egilsstöðum 20. - 22. mars s.l. þar sem skorað er á stjórnvöld að leita meira til ungmenna og taka tillit til þeirra skoðana á málefnum samfélagsins.

Framlögð fundargerð frá 183. fundi stjórnar Orkuveitu Reykjavíkur sem haldinn var 15. mars 2013.

Framlögð fundargerð frá 184. fundi stjórnar Orkuveitu Reykjavíkur sem haldinn var 22. mars 2013.

Rætt um fyrirhugaðan íbúafund sem haldinn verður í Hjálmakletti mánudaginn 15. apríl n.k.