Byggðarráð Borgarbyggðar

Lagt fram bréf, dagsett 22. apríl 2013, frá Björgu Gunnarsdóttur, umhverfis- og landbúnaðarfulltrúa þar sem farið er fram á aukafjárveitingu á fjárhagsáætlun ársins 2013 til ljúka við girðingar sem byrjað var á í fyrra.
Samþykkt að veita kr. 500.000 í þetta verkefni.

Rætt um fyrirkomulag timbur- og járnsöfnunar frá lögbýlum en sveitarstjórn vísaði málinu til byggðarráðs.
Samþykkt að afla frekari upplýsinga frá Íslenska gámafélaginu og lögfræðingi varðandi heimildir til gjaldtöku vegna flokkunar.

Lagt fram kauptilboð Hólmfríðar Helgu Jósefsdóttur í sumarhúsalóðina að Hraunteigi 14 í Syðri-Hraundal.
Samþykkt að fela sveitarstjóra að gera gagntilboð.

Lögð fram drög að verkefnalista Staðardagskrár 2013 fyrir árin 2013-2014 en sveitarstjórn vísað þessu máli til byggðarráðs.
Samþykkt að senda verkefnalistann til nefnda sveitarfélagsins og skipa vinnuhóp til að halda utan um verkefnið.

Lögð fram umsókn frá Icefitness um styrk vegna Skólahreysti 2013.
Samþykkt að styrkja verkefnið um kr. 50.000

Lögð fram áskorun frá aðalafundi Búnaðarfélags Mýramanna þar sem sveitarfélagið er hvatt til að flýta breytingu á aðalskipulagi í Brákarey.
Sveitarstjórn Borgarbyggðar hefur þegar samþykkt breytingu á aðalskipulagi í Brákarey.

Framlögð staðfesting á úthlutun styrks að upphæð kr. 5.000.000 til Borgarbyggðar úr framkvæmdasjóði ferðamannastaða.
Byggðarráð lýsir ánægju með þau framlög sem komið hafa til góðra verkefna í héraðinu.

Lagt fram fundarboð á aðalfund Faxaflóahafna sem fram fer 17. maí n.k. í Sjóminjasafninu Grandagarði.
Samþykkt að sveitarstjóri verði fulltrúi Borgarbyggðar á fundinum.

Lagt fram bréf dagsett 22.04.13 frá Björgu Gunnarsdóttur umhverfis- og landbúnaðarfulltrúa varðandi nýtingu fjármagns á biðreikningi til endurbóta Hlíðartúnshúsanna.
Samþykkt að verða við erindinu og skal hluta fjármagnsins varið til að merkja húsin betur.

Rætt um tillögu fræðslunefndar um aukinn kennslukvóta í Grunnskóla Borgarfjarðar á Kleppjárnsreykjum.
Lagt fram erindi náms- og starfsráðgjafa varðandi erindið.
Kostnaður við aukninguna er um 4 millj króna.
Byggðarráð samþykkti að auka kennslukvótann.

Rætt um endurbætur á húsnæði Grunnskólans í Borgarnesi.

Lagt fram erindi frá leikskólanum Klettaborg þar sem óskað er eftir fjárveitingu til búnaðarkaupa. Fræðslunefnd mælir með styrkveitingu.
Samþykkt að veita kr. 200.000 til búnaðarkaupa.

Lögð fram tillaga að úthlutunarreglum vegna styrkja til tómstundamála.
Byggðarráð samþykkti reglurnar.

Lagt fram erindi frá Veiðifélaginu Hvítá um friðunaraðgerðir vegna bleikjuveiði á Seleyri.
Samþykkt að óska eftir fundi með fulltrúa Veiðimálastofnunar og Stangveiðifélags Borgarness um málið.

Lögð fram skýrsla frá vinnuhópi um öldrunarþjónustu í Borgarbyggð.
Byggðarráð þakkar vinnuhópnum fyrir vel unnin störf
Samþykkt að vísa skýrslunni til velferðarnefndar og halda sameiginlegan fund sveitarstjórnar, vinnuhópsins og velferðarnefndar um málið.

Lagt fram erindi frá Leikdeild umf. Skallagríms dags. 20.04.2013 varðandi félagsheimilið Lyngbrekku.
Samþykkt að vísa erindinu til Borgarfjarðarstofu og húsnefndar Lyngbrekku.

Lagt fram bréf frá stjórn Orkuveitu Reykjavíkur þar sem óskað er eftir samþykki eigenda fyrir því að Gagnaveita Reykjavíkur sæki um undanþágu frá upplýsingalögum.
Byggðarráð gerir ekki athugasemdir við að sótt verði um undanþáguna.

Lögð fram stöðuskýrsla Plansins, sem er aðgerðaráætlun Orkuveitu Reykjavíkur.

Lögð fram beiðni Orkuveitu Reykjavíkur um heimild frá eigendum til að ganga til samninga um að gera nýjan láns- og áhættuvarnarsamning.
Byggðarráð samþykkti erindið fyrir sitt leyti.

Lögð fram fundargerð frá 185. fundi stjórnar Orkuveitu Reykjavíkur sem haldinn var 05. apríl 2013.

Rætt um málefni dansskóla Evu Karenar.
Lagður fram undirskriftalisti nemenda og velunnara skólans þar sem lýst er stuðningi við að dansskólinn haldi áfram starfssemi og hvatt er til að Borgarbyggð leggi sitt af mörkum til að skólinn geti starfað áfram.

Frá árinu 2010 hefur Dansskóli Evu Karenar leigt aðstöðu í Hjálmakletti. Húsaleigan að teknu tilliti til vinnuframlags dansskólans við breytingar á húsnæðinu og stuðnings í gegnum Dansfélag Borgarfjarðar hafa verið tæpar kr. 80 þúsund á mánuði. Ofan á þessa upphæð hefur bæst kostnaður vegna rafmagns og hita um kr. 30 þúsund á mánuði.
Byggðarráð leggur áherslu á að leitað verði leiða í samráði við Evu Karenu og Dansfélag Borgarfjarðar til að tryggja áframhaldandi danskennslu í sveitarfélaginu enda hefur starfsemi Dansskólans verið til fyrirmyndar.
Byggðarráð samþykkti að fela sveitarstjóra að vinna að málinu.

Lögð fram fundargerð aðalfundar Sorpurðunar Vesturlands ásamt ársskýrslu og ársreikningi.

Lagður fram ársreikningur Menntaskóla Borgarfjarðar fyrir árið 2012.

Lagt fram bréf frá Björgu Gunnarsdóttur umhverfis- og landbúnaðarfulltrúa dags. 23.04."13, um kostnaðarmat varðandi framlagða skýrslu um framtíðarskipulag sorphirðu.
Samþykkt að fela umhverfis- og skipulagssviði að leggja fram nákvæmari tillögu um framkvæmd og kostnað við sorphirðu í dreifbýli.

Lagt fram erindi frá Bifreiðaíþróttaklúbbi Reykjavíkur dags. 22.04."13 þar sem óskað er heimildar Borgarbyggðar fyrir rallýkeppni innan sveitarfélagsins 25. maí n.k.
Byggðarráð lýsir áhyggjum yfir að rallkeppni sé haldin í sveitarfélaginu á þessum tíma m.a. vegna þess að nýbúið er að sleppa lambfé í haga og getur því ekki fallist á að keppnin sé haldin á vegum í umsjón sveitarfélagsins. Jafnframt bendir byggðarráð á að þennan dag hefst veiði í Hítarvatni og því mikil umferð veiðimanna á landsveginum. Því telur byggðarráð ekki rétt að heimila keppni á veginum.


Jóhannes vék af fundi.

Á fundinn mætti Jökull Helgason forstöðumaður umhverfis- og skipulagssviðs og kynnti framkvæmdir við Grunnskóla Borgarfjarðar á Kleppjárnsreykjum.
Samþykkt að fela umhverfis- og skipulagssviði að láta fara fram verðkönnun á grundvelli framlagðra gagna.

Jökull fór yfir þær framkvæmdir sem fyrirhugaðar eru í Borgarbyggð sumarið 2013.
Samþykkt að heimila að samið verði við verktaka um gerð snúningsplans við grunnskólans á Hvanneyri.
Samþykkt að heimila útboð á breytingum á þreksal íþróttamiðstöðvarinnar í Borgarnesi og vinna verkið í framhaldi af því.
Samþykkt að heimila verðkönnun á framkvæmdum við bílaplan á horni Brákarbrautar og Bjarnarbrautar og ganga til framkvæmda þegar niðurstaða liggur fyrir.
Samþykkt að heimila að samið verði við Borgarverk ehf um framkvæmdir við Brúartorg á grundvelli tilboðs frá árinu 2012.
Samþykkt að heimila uppsetningu götulýsingar við Vallarás í samræmi við tilboð Rarik í verkið.
Samþykkt að semja við Borgarverk ehf um breikkun Ánahlíðar í tengslum við lóðarframkvæmdir við Borgarbraut 65.
Samþykkt að semja við Borgarverk ehf um malbikun götu og bílaplans á Bifröst á grundvelli tilboðs frá 2012.
Samþykkt að heimila að fara í fyllingu lóðar fyrir gámasvæði á Sólbakka í samræmi við fjárhagsáætlun.
Samþykkt að heimila stígagerð við Bjargsafleggjara í samræmi við fjárhagsáætlun með fyrirvara um samþykki landeigenda.
Samþykkt að heimila stígagerð frá Kjartansgötu að Íþróttamiðstöðinni í Borgarnesi í samræmi við fjárhagsáætlun með fyrirvara um samþykki Umhverfisstofnunar.
Rætt um framkvæmdir við Oddstaðarétt.
Rætt um beiðni Borgarverks um þátttöku í kostnaði við uppsetningu milliveggs í Brákarbraut 25 og var samþykkt að vísa erindinu til fjárhagsáætlunar 2014.