Byggðarráð Borgarbyggðar

Lögð fram beiðni Óskars Halldórssonar dags. 20.06."13 um heimild til að aka fé á Oddstaðaafrétt í byrjun júlí.

Þar sem forsendur hafa ekki breyst á milli ára hafnar byggðarráð beiðninni eins og undanfarin ár.

Lagt fram bréf Sóknarnefndar Reykholtskirkju dags. 20.06."13 varðandi álagningu fráveitugjalda kirkjunnar.

Samþykkt að óska eftir svörum frá forstjóra Orkuveitunnar um álagningu vatns- og fráveitugjalda á kirkjur á veitusvæði OR og vekja athygli stjórnar Orkuveitu Reykjavíkur á málinu.

Lögð fram tillaga um launagreiðslur fyrir setu í vinnuhópum og nefndum með skilgreind verkefni.

Tillagan var samþykkt með áorðnum breytingum.

Lagður fram tölvupóstur dags. 21. júní 2013 frá Þorsteini Sigurðssyni f.h. Þurrfisks ehf. þar sem óskað er eftir afstöðu Borgarbyggðar til þess að fjósi á Refsstöðum verði breytt í fiskþurrkunarhús.

Lagt fram bréf Heilbrigðiseftirlits Vesturlands dags. 25.06."13 varðandi starfsleyfi fyrir fiskverkunina.

Erindið er til umfjöllunar hjá umhverfis- og skipulagssviði Borgarbyggðar. Samþykkt að bjóða forsvarsmönnum fyrirtækisins á fund byggðarráðs.

Lagðar fram 2. og 3. fundargerð ritnefndnar Sögu Borgarness sem haldnar voru 20. júní og 24. júní s.l.

Lögð fram umsókn dags. 20. júní 2013 frá Sigurgeir Sindra Sigurgeirssyni um stofnun nýrrar 870 m² íbúðarhúsalóðar úr jörðinni Bakkakot sem nefnd yrði Bakkakot II.

Samþykkt að verða við beiðninni.

Lagðar fram upplýsingar um endurmat fasteigna vegna fasteignamats 2014.

Lögð fram beiðni Pétur Steins Guðmundssonar hdl f.h. Sturlu Stefánssonar um að samningur um skólaakstur verði fluttur á fyrirtæki sem er í eigu Sturlu og eiginkonu hans.

Samþykkt að verða við beiðninni.

Lagt fram bréf, dagsett 26. júní 2013, frá Björgu Gunnarsdóttur umhverfis- og landbúnaðarfulltrúa auk gildandi samnings við Sauðfjáreigendafélag Borgarness.

Vísað til umsagnar landbúnaðarnefndar.

Rætt um erindi frá Orkuveitu Reykjavíkur þar sem óskað er eftir samþykki eigenda varðandi tilboð sem borist hefur til OR.

Byggðarráð samþykkti tilboðið fyrir sitt leyti.

Lagt fram erindi frá Orkuveitu Reykjavíkur þar sem óskað er eftir samþykki eigenda varðandi framlengingu og endurnýjun á rekstrarlánalínu við íslenskar bankastofnanir.

Byggðarráð samþykkti erindið fyrir sitt leyti.

Lagt fram erindi frá Hestamannafélögunum Skugga og Faxa vegna Íslandsmeistarmóts í hestaíþróttum sem fram fer í Borgarnesi í júlí n.k.

Samþykkt að veita kr. 850.000 í uppbyggingu á svæði hestamanna vegna Íslandsmeistarmótsins og kr. 150.000 styrk til Faxa vegna 80 ára afmæli félagsins.
Fjárhæðin verður tekin af framlagi frá Jöfnunarsjóði sem er hærra en áætlun gerði ráð fyrir.
Geirlaug sat hjá við afgreiðslu.

Lögð fram umsögn frá Juris lögmönnum varðandi beiðni um aðilaskipti á samningi um áhaldahúsvinnu.

Afgeiðslu frestað og samþykkt að bíða niðurstöðu fundar lögfræðings og skiptastjóra.

Lagt fram bréf Hagsmunasamtaka heimilanna dags. 18.06."13 varðandi stöðvun á nauðungarsölum án dómsúrskurðar.

Lagðar fram fundargerðir frá 187. og 188. fundi stjórnar Orkuveitu Reykjavíkur sem og fundargerð frá aðalfundi OR sem haldinn var 21. júní s.l.

Lagðar fram niðurstöður úr Cranet rannsókn um starfsánægju sem hluti starfsmanna Borgarbyggðar tók þátt í árið 2012.

Byggðarráð lýsir ánægju með að starfsánægja er vaxandi meðal starfsmanna Borgarbyggðar skv. því sem fram kemur í rannsókninni.