Byggðarráð Borgarbyggðar

Lagt fram bréf frá Guðbrandi Brynjúlfssyni vegna fyrirhugaðrar sölu á jörðinni Syðri-Hraundal.

Byggðarráð þakkar bréfritara ábendingarnar.

Lögð fram umsögn landbúnaðarnefndar á endurskoðun á leigugjaldi í samningi við Sauðfjáreigendafélag Borgarness.

Byggðarráð samþykkti tillögu landbúnaðarnefndar.

Á fundinn mætti Þorsteinn Óli Sigurðsson frá Þurrfiski ehf til viðræðna um fyrirhugaða fiskþurkun að Refsstöðum.
Jökull Helgason forstöðumaður umhverfis- og skipulagssviðs sat fundinn meðan liðir nr. 3 og 4 voru ræddir.

Rætt um þá stöðu sem komin er upp varðandi samninga um áhaldahúsvinnu og snjómokstur fyrir Borgarbyggð.

Í ljósi forsögu og stöðu þessa máls samþykkti byggðarráð að segja upp samningum um áhaldahúsvinnu og snjómokstur með þriggja mánaða fyrirvara og miðast uppsögnin við næstu mánaðarmót.
Umhverfis- og skipulagssviði er falið að undirbúa verðkönnun á verkunum.
Þar sem ljóst er að mistök voru gerð við samningsgerð felur byggðarráð sveitarstjóra að gera skýrar verklagsreglur varðandi gerð og úrvinnslu útboða og verðkannana á vegum sveitarfélagsins.

Rætt um tillögur að framtíðarskipulagi Skallagrímsgarðs. Íbúafundur var haldinn um tillögurnar í síðustu viku.

Byggðarráð þakkar þær umræður sem orðið hafa um Skallagrímsgarð. Garðurinn hefur verið bæjarprýði undanfarin ár, ekki síst fyrir tilstilli þeirra starfsmanna sem þarf hafa starfað.
Byggðarráð samþykkir að á þessu ári verði einungis farið í nauðsynlega grisjun í garðinum. Ákvörðun um frekari aðgerðir verður tekin að loknum frekari umræðum og athugunum.

Á fundinn mætti Einar G. Pálsson fjármálafulltrúi og lagði fram yfirlit um stöðu rekstrar Borgarbyggðar í samanburði við fjárhagsáætlun í maí-lok.
Lagt var fram minnisblað fræðslustjóra varðandi framúrkeyrslu í Grunnskólanum í Borgarnesi.

Rætt um verkefnið The Leader in Me.
Samþykkt að fresta ákvörðun um þátttöku fram á haust í ljósi þess að ekki hafa allar skólastofnanir fengið kynningu á verkefninu.

Lagt fram erindi Álfheiðar Marinósdóttur varðandi þrif á lóðum í eigu fjármálastofnana, aksturshraða í Arnarkletti og frágang eftir framkvæmdir við Fálkaklett.

Byggðarráð þakkar ábendingarnar og hvetur fjármálastofnanir sem eiga lóðir í sveitarfélaginu að sjá til þess að þær séu snyrtilegar og valdi ekki óþægindum fyrir nágranna.
Erindinu var að öðru leiti vísað til umfjöllunar umhverfis- og skipulagsnefndar.

Lagt fram erindi Neðri-bæjarsamtakanna þar sem farið er fram á að varða sem gerð var í tilefni Brárkarhátíðar fái að standa áfram.

Samþykkt að verða við erindinu.

Lagt fram minnisblað Sambands íslenskra sveitarfélaga um forsendur fjárhagsáætlana sveitarfélaga 2014.

Löðg fram fundargerð aðalfundar Reiðhallarinnar Vindási ehf sem haldinn var 25. júní ásamt ársreikningi 2012.

Lögð fram umsókn dags. 23. júní 2013, frá Hlíf Steingrímsdóttur og Halldóri Zoéga um stofnun 7000 m² sumarbústaðalóðar úr landi Kletts 2.

Samþykkt að lóðin verði stofnuð.