Byggðarráð Borgarbyggðar

Lagt fram bréf Skipulagsstofnunar dags. 05.07."13 þar sem tilkynnt er að ekki verði fallist á að breyting á aðalskipulagi í Brákarey teljist óveruleg.
Byggðarráð lýsti yfir vonbrigðum með niðurstöðu Skipulagsstofnunar í málinu og unir ekki niðurstöðunni.
Skipulagsfulltrúa var falið að vinna áfram að málinu.

Rætt um ábendingar Bjarna Þorsteinssonar slökkviliðsstjóra varðandi umgengni Íslenska Gámafélagsins í húsnæði Borgarbyggðar í Brákarey.
Samþykkt að fela sveitarstjóra að ræða við forsvarsmenn Íslenska gámafélagsins um málið.

Rætt um viðbrögð við frávikum frá fjárhagsáætlun.
Sveitarstjóri greindi frá að Borgarbyggð, ásamt fleiri sveitarfélögum, er að vinna með Sambandi ísl sveitarfélaga að tillögum um vinnubrögð við áætlanagerð sveitarfélaga.

Lögð fram fundargerð umhverfis- og skipulagsnefndar frá 05. júlí s.l.
Varðandi 3. lið, Refsstaðir breytt notkun á fjósi, var umhverfis- og skipulagssviði falið að afla frekari gagna.
Byggðarráð samþykkti fundargerðina að öðru leiti.

Lögð fram bókun fjallskilanefndar Borgarhrepps, Stafholtstungna (Ystu-Tungu) og Norðurárdals frá fundi nefndarinnar þann 1. júlí 2013 varðandi nýtingu á afréttarlandi á Bjarnadal.
Samþykkt að fela nefndinni að ræða við fjallskilanefnd Hörðudals og Miðdala um málið.

Lagt fram bréf Rafta, bifhjólafélags Borgarfjarðar þar sem óskað er eftir aðstöðu fyrir starfsemi félagsins í gamla sláturhúsinu í Brákarey.
Samþykkt að vísa erindinu til vinnuhóps um húsnæðismál sem mun skila niðurstöðu í ágúst.

Lögð fram beiðni Rúnars og Ingu á Þverfelli í Lundarreykjadal dags. 08.07."13 þar sem farið er fram á að Borgarbyggð auki fjárveitingu til grenjavinnslu.
Framlag sveitarfélagsins til grenjavinnslu á þessu ári hefur verið notað og er óvissa um mótframlag ríkisins. Ekki er því hægt að verða við erindinu.

Lagt fram bréf, dagsett 15. júlí 2013, frá Björgu Gunnarsdóttur umhverfis- og landbúnaðarfulltrúa auk yfirfarinnar samþykktar um búfjárhald.
Vísað til afgreiðslu sveitarstjórnar.

Lagt fram minnisblað , dagsett 15. júlí 2013, frá Björgu Gunnarsdóttur umhverfis- og landbúnaðarfulltrúa um fyrirhugaðan samning við Skotfélag Vesturlands um skotæfingasvæðið við Ölduhrygg.
Byggðarráð samþykkti að fela umhverfis- og skipulagssviði að vinna áfram að málinu.

Lögð fram bókun Fjallskilanefndar Borgarhrepps, Norðurárdals og Stafholtstungna vestan Norðurár frá fundi þann 1. júlí 2013 þar sem óskað er m.a. eftir framlagi til viðhalds á réttunum við Svignaskarð og Brekku.
Samþykkt að fela sveitarstjóra að ræða við formann nefndarinnar.

Lagt fram afrit af kæru frá Ikan ehf. til Úrskurðarnefndar umhverfis- og auðlindamála vegna málsmeðferðar við grenndarkynningu og útgáfu framkvæmdaleyfis.
Byggðarráð samþykkti að fela sveitarstjóra og forstöðumanni umhverfis- og skipulagssviðs að vinna áfram að málinu og afhenda nefndinni umbeðin gögn.

Lögð fram bókun Fjallskilanefndar Borgarhrepps, Norðurárdals og Stafholtstungna, vestan Norðurár, frá fundi þann 1. júlí 2013 þar sem óskað er eftir heimild til að senda aðliggjandi afréttarnefndum þ.e. Álftaneshrepps og Hraunhrepps, ósk um að einungis verði vika á milli allra leita á svæðinu.
Byggðarráð gerir ekki athugasemdir við að fjallskilanefndir hafi samráð sín á milli um tímasetningu á smalamennsku. Byggðarráð bendir á að rétt sé að ræða málið í fjallskilanefnd Borgarbyggðar.

Lagt fram erindi Andra Arnþórssonar um verkefni á Bifröst með aðkomu Borgarbyggðar.
Byggðarráð getur ekki orðið við erindinu.

Á fundinn mætti Jökull Helgason forstöðumaður umhverfis- og skipulagssviðs og gerði grein fyrir tilboðum sem bárust í rotþróahreinsun í Borgarbyggð og opnuð voru 10. júlí s.l.
Sex tilboð bárust í verkið frá fjórum fyrirtækjum.
Ekki er lokið yfirferð tilboðanna og var afgreiðslu frestað.

Jökull Helgason fór yfir viðhaldsþörf á Hraunborg. Í kjölfar fjölgunar barna er ljóst að nýta þarf gamla rektorsbústaðinn undir leikskóladeild og því hefur Hjallastefnan farið fram að salerni í húsinu verði endurbætt. Áætlaður kostnaður er kr. 1.000.000
Samþykkt að láta vinna verkið og verður kostnaður færður á viðhaldsliði í eignasjóði.

Jökull Helgason gerði grein fyrir viðhaldi á húsnæði Grunnskólans í Borgarnesi. Ráðast þarf í lagfæringar og lagði Jökull fram tillögu að úrbótum og er kostnaðaráætlun við viðhald og búnaðarkaup um 12 millj kr. til viðbótar því sem áður hafði verið gert ráð fyrir.
Samþykkt að láta vinna verkið og verður kostnaður færður á viðhaldsliði í eignasjóði.

Lagt fram bréf Bjargar Gunnarsdóttur umhverfis- og landbúnaðarfulltrúa dags. 15.07."13 varðandi girðingu milli afréttarlands Borgarbyggðar og Gilsbakka.
Samþykkt að fela sveitarstjóra að afla frekari gagna.

Lagt fram bréf Bjargar Gunnarsdóttur umhverfis- og landbúnaðarfulltrúa dags. 15. júlí 2013 varðandi viðgerð á hestagerði á merkjum Hraunsmúla og Skóga.
Samþykkt að fela umhverfis- og landbúnaðarfulltrúa að afla frekari gagna um skyldur sveitarfélagsins í þessum efnum.

Lögð fram fundargerð aðalfundar Veiðifélags Gljúfurár sem haldinn var 3. júní s.l.

Lögð fram fundargerð 807. fundar stjórnar Sambands ísl sveitarfélaga sem haldinn var 28. júní s.l.