Byggðarráð Borgarbyggðar

Á fundinn mætti Jökull Helgason forstöðumaður umhverfis- og skipulagssviðs og sat fundinn meðan liðir 1 -3 voru ræddir.
Jökull gerði grein fyrir niðurstöðum á verðkönnun vegna breytinga á þreksal í íþróttamiðstöðinni í Borgarnesi.
Samþykkt að fela umhverfis- og skipulagssviði að gera samning við EIJ ehf um verkið á grundvelli verðkönnunarinnar.

Lagt fram bréf frá Bjarna Þorsteinssyni slökkviliðsstjóra í Borgarbyggð vegna 90 ára afmælis slökkviliðsins.
Byggðarráð samþykkti að haldið verði upp á afmælið með viðeigandi hætti.

Lögð fram fram fundargerð frá opnun verðkönnunargagna vegna bílaplans á horni Bjarnarbrautar og Brákarbrautar.
Samþykkt að fela umhverfis- og skipulagssviði að vinna áfram að málinu.

Á fundinn mætti Björg Gunnarsdóttir umhverfis- og landbúnaðarfulltrúi og gerði grein fyrir fjallskilaseðlum frá öllum afrétta- og fjallskilanefndum í Borgarbyggð en þær eru sjö talsins.

Rætt um stöðu við vinnu við framtíðarskipulag sorphirðu í Borgarbyggð.

Lagt fram erindi skólastjóra Grunnskóla Borgarfjarðar dags. 02.09."13 varðandi aðkomu að Hvanneyrardeild skólans.
Samþykkt að fela umhverfis- og skipulagssviði að gera tillögur að lausnum og vinnum áfram að málinu.

Lögð fram fundargerð frá sameiginlegum fundi sveitarstjórna Borgarbyggðar og Húnaþings vestra um Arnarvatnsheiði sem haldinn var 20.08."13 í Álftárkróki á Arnarvatnsheiði.
Byggðarráð tekur undir tillögu fundarins um að skora á Vegagerðina að hefja undirbúning að því að Norðlingafljót verði brúað.
Einnig samþykkti byggðarráð að skipaður verði sameiginlegur vinnuhópur sveitarstjórnanna og var framkvæmdastjórum sveitarfélaganna falið að gera drög að erindisbréfi.

Lögð fram dagskrá fyrir aðalfund Samtaka sveitarfélaga á Vesturlandi sem fer fram í Reykholti dagana 12. og 13. september n.k.
Borgarbyggð á fimm fulltrúa á fundinum.
Þar sem fundurinn er haldinn í Borgarbyggð mun sveitarfélagið sjá um mótttöku fyrir fundarmenn og var sveitarstjóra falið að undirbúa hana.

Lögð var fram fundargerð frá fundi stjórnar Samtaka sveitarfélaga á Vesturlandi sem fram fór 19. ágúst s.l.
Á aðalfundi SSV verða ræddar tillögur að breytingum á skipulagi á SSV-þróun og ráðgjöf.
Samþykkt að fela sveitarstjóra að gera minnisblað um fyrirhugaðar breytingar.

Lagt fram erindi frá Orkuveitu Reykjavíkur dags. 30.08."13 vegna tengingar Hellisheiðarvirkjunar við borholur í Hverahlíð en tilgangurinn er að treysta framleiðslugetu virkjunarinnar.
Byggðarráð samþykkti erindið fyrir sitt leyti.

Lagt fram erindi frá Orkuveitu Reykjavíkur um tillögu um verklag við fjármálagerninga OR.
Byggðarráð samþykkti tillöguna fyrir sitt leyti.

Lögð fram greinargerð og undirskriftarlisti frá íbúum á Hvanneyri vegna skipulags í Sóltúnshverfinu.
Byggðarráð þakkar erindið og felur umhverfis- og skipulagssviði að taka það til skoðunar.

Á fundinn mætti Einar G. Pálsson fjármálafulltrúi og kynnti tillögu að skiptingu skatttekna á málaflokka fyrir árið 2014.
Samþykkt að vinna áfram að áætlunargerðinni á grundvelli tillögunnar.