Byggðarráð Borgarbyggðar

Lögð fram umsókn Orkuveitu Reykjavíkur um að stofnuð verði lóð fyrir dælustöð í landi Hraunsnefs í Norðurárdal vegna beiðni Vegagerðarinnar um að dælustöðin verði færð.
Samþykkt að lóðin verði stofnuð.

Rætt um vinnu við fjárhagsáætlun ársins 2014 og kom Einar G. Pálsson fjármálafulltrúi á fundinn og kynnti þær tillögur sem borist hafa frá forstöðumönnum stofnana og sviðsstjórum.
Einnig var rætt um gjaldskrár ársins 2014.
Samþykkt að óska eftir skýringum frá forstöðumönnum og sviðsstjórum um þær breytingar á starfseminni frá fyrra ári sem áhrif hafa á áætlunina.

Lagt fram minnisblað vegna lántöku vegna byggingar hjúkrunarheimilisins að Brákarhlíð.
Afgreiðslu frestað.

Lagt fram bréf Eddu Arinbjarnar f.h. undirbúningsnefndar Saga Jarðvangs dags. 21.10."13 þar sem kynnt er það starf sem hópurinn hefur unnið að ásamt verkáætlun.
Vísað til umsagnar umhverfis- og skipulagsnefndar.

Lagt fram bréf Ungmennasambands Borgarfjarðar dags. 17.09."13 þar sem óskað er eftir húsnæði við íþróttasvæðið í Borgarnesi fyrir þjónustumiðstöð íþrótta- og æskulýðsmála.
Samþykkt að fela sveitarstjóra og formanni byggðarráðs að ræða við bréfritara.

Lagt fram bréf Ungmennasambands Borgarfjarðar dags. 17.09."13 varðandi umsókn UMSB að halda Unglingalandsmót UMFÍ sumarið 2016. Farið er fram á að Borgarbyggð tilnefni fulltrúa í undirbúningsnefnd fyrir mótið.
Samþykkt að fela sveitarstjóra og formanni byggðarráðs að ræða við bréfritara um erindið.

Lagt fram bréf dags. 20.10."13 vegna afgreiðslu á beiðni um starfsþjálfun fyrir fatlaðan einstakling.
Einnig var lagt fram minnisblað félagsmálastjóra vegna möguleika fólks með fötlun á vinnu/starfsþjálfun hjá Borgarbyggð.

Byggðarráð samþykkti að stefna Borgarbyggðar sé að fólki með fötlun sé gefinn kostur á vinnu og/eða starfsþjálfun hjá öllum stofnunum sveitarfélagsins og við ákvörðun í hverju tilviki fyrst og fremst tekið mið af þörfum, áhuga og getu hins fatlaða auk möguleika stofnunar á að skapa viðkomandi verkefni við hæfi.

Á fundinn mættu Stefán Skarphéðinsson sýslumaður og Theodór Kr. Þórðarson yfirlögregluþjónn til viðræðna um málefni lögreglunnar í Borgarfirði og Dölum.
Einnig var rætt um almannavarnamál.
Samþykkt að ræða málið á fundi með fjárlaganefnd Alþingis og sveitarstjóra falið að taka saman minnisblað um þróun fjárveitinga til löggæslumála.

Rætt um legu og umferðaröryggi á þjóðvegi 1 við Borgarnes.
Samþykkt að óska eftir fundi með vegamálastjóra um málið.

Á fundinn mætti Jökull Helgason forstöðumaður umhverfis- og skipulagssviðs til viðræðna um forgangsröðun verkefna í skýrslu um fasteignir Borgarbyggðar.
Byggðarráð fór yfir minnisblað um forgangsröðun verkefna, gerði á því breytingar og samþykkti með áorðnum breytingum.

Rætt um ritun á Sögu Borgarness.
Samþykkt að fela sveitarstjóra að ræða við Egil Ólafsson um verkefnið.

Lagt fram bréf Þuríðar Helgadóttur um aðgengismál í nágrenni Brákarhlíðar.
Byggðarráð þakkar góðar ábendingar bréfritara og felur umhverfis- og skipulagssviði að kostnaðarmeta ábendingarnar.