Byggðarráð Borgarbyggðar

Á fundinn mætti Einar G. Pálsson fjármálafulltrúi og fór yfir tillögur sem borist hafa frá forstöðumönnum og sviðsstjórum.
Á fundinn mætti Jökull Helgason forstöðumaður umhverfis- og skipulagssviðs til að viðræðna um framkvæmdaáætlun ársins 2014.

Samþykkt var að vísa tillögu að fjárhagsáætlun 2014 til fyrri umræðu á fundi sveitarstjórnar 14. nóvember n.k.

Rætt um heimild til rjúpnaveiði á jörðum og afréttarlöndum Borgarbyggðar.
Byggðarráð áréttar fyrri samþykkt að rjúpnaveiði er óheimil á jörðum í umsjón og eigu Borgarbyggðar.

Lagt fram bréf Innanríkisráðuneytisins dags. 23.10."13 varðandi fjármál sveitarfélaga.

Lagt fram bréf frá Alþingi þar sem sveitarfélög eru hvött til að helga 8. nóv 2013 baráttuni gegn einelti.
Samþykkt að vísa eirindinu til umfjöllunar fjölskyldusviðs.

Lögð fram erindi Ungmennasambands Borgarfjarðar dags. 06. og 28. okt og knattspyrnudeildar umf. Skallagríms og Golfklúbbs Borgarness dags. 23. okt. varðandi umhirðu og umsjón með íþróttavöllum í Borgarbyggð.
Samþykkt að óska eftir fundi með bréfriturum til að fara yfir málið.

Á fundinn mættu Klara Kristinsdóttir og Hlín Halldórsdóttir úr 10. bekk Grunnskólans í Borgarnesi til viðræðna um starfsemina í félagsmiðstöðinni Óðal í Borgarnesi.
Byggðarráð tekur jákvætt í erindið og felur í fræðslustjóra að vinna áfram að aukinni starfsemi í Óðali.

Á fundinn mætti Jökull Helgason forstöðumaður umhverfis- og skipulagssviðs.
Lagt fram bréf umhverfis- og auðlindaráðuneytisins dags. 21. okt. 2013 varðandi ósk um undanþágu frá starfsleyfi fyrir atvinnurekstur í Brákarey.
Byggðarráð samþykkti að hafin verði vinna við að breyta aðalskipulagi í Brákarey.

Lagt fram bréf frá Lögskilum ehf f.h. Brákarbraut 19 ehf. dags. 14. okt 2013 varðandi skipulagsmál í Brákarey.
Samþykkt að óska eftir áliti lögfræðings á erindinu.

Lagður fram undirritaður samningur um verkefnið "Leiðtoginn í mér".
Byggðarráð samþykkti samninginn.

Lagt fram bréf frá Skólastjórafélagi Vesturlands vegna Skólavogarinnar dags. 08. okt. 2013.
Samþykkt að fela fræðslustjóra að svara bréfinu og útskýra málið.

Lögð fram fundargerð frá 4. fundi vinnuhóps um Staðardagskrá 21 sem haldinn var 22. október 2013.

Lögð fram fundargerð frá 192. fundi stjórnar Orkuveitu Reykjavíkur sem haldinn var 20. september s.l.

Lögð fram fundargerð 129. starfsmannafundar Safnahúss Borgarfjarðar sem fram fór 22. okt 2013.
Samþykkt að boða forstöðumann Safnahússins á næsta fund byggðarráðs.

Lögð fram fundargerð 78. fundi Menningarráðs Vesturlands sem haldinn var 03. júní 2013.

Sveitarstjóri greindi frá athugun á möguleikum varðandi lántöku vegna hjúkrunarálmu.
Samþykkt að fela sveitarstjóra að vinna áfram að málinu með ráðgjafa.

Lagður fram dómur Héraðsdóms Vesturlands í máli Gunnars Jónsson gegn Borgarbyggð varðandi hluta úr landi Króks í Norðurárdal.
Borgarbyggð er sýknað af öllum kröfum í málinu.

Rætt um málefni háskóla í Borgarfirði.

Byggðarráð Borgarbyggðar skorar á menntamálaráðherra og ríkisstjórn Íslands að endurmeta afstöðu sína til háskólaumhverfisins í Borgarbyggð sem fram kemur í fjárlagafrumvarpi. Háskólarnir eru í lykilhlutverki hvað varðar atvinnulíf á Vesturlandi og tækifæri landshlutans til frekari sóknar.
Byggðarráð hefur á undanförnum dögum átt fundi með fjárlaganefnd, yfirstjórn Landbúnaðarháskóla Íslands, yfirstjórn Háskólans á Bifröst og mennta- og menningarmálaráðherra, sem kom í heimsókn í Borgarbyggð miðvikudaginn 23. okt.s.l.
Byggðarráð hefur óskað eftir fundi með þingmönnum NV kjördæmis um þessa grafalvarlegu afstöðu sem fram kemur í fjárlagafrumvarpinu varðandi bæði Bifröst og Hvanneyri.
Byggðarráð hvetur yfirstjórn Landbúnaðarháskóla Íslands og stjórn Háskólans á Bifröst til að standa vörð um sjálfstæði skólanna.

Samþykkt var að boða sem fyrst til íbúafundar um málefni háskólanna og var sveitarstjóra falið að undirbúa fundinn.