Byggðarráð Borgarbyggðar

Lagt fram erindi frá Landgræðslu ríkisins dags. 20.11."13 þar sem óskað er eftir styrk vegna samstarfsverkefnisins "Bændur græða landið".
Samþykkt að óska eftir umsögn frá umhverfis- skipulags- og landbúnaðarnefnd um erindið.

Lagt fram bréf frá eftirlitsnefnd sveitarfélag dags. 25.11."13 vegna endurskoðun á ársreikningum.

Á fundinn mætti Björg Gunnarsdóttir umhverfis- og landbúnaðarfulltrúi.
Lögð fram umsögn umhverfis-, skipulags- og landbúnaðarnefndar um minkaveiði auk tillögu að samningi við veiðifélög í sveitarfélaginu um minkaveiði.
Byggðarráð samþykkti tillögu nefndarinnar um að gert verði samkomulag við veiðifélag Borgarfjarðar um fyrirkomulag minkaveiðanna.

Lagt fram erindi frá Félagi aldraðra í Borgarfjarðardölum dags. 28.11."13 þar sem óskað er eftir styrk vegna vinnu við varðveislu örnefna.
Samþykkt að styrkja verkefnið um 100.000 kr á árinu 2014

Framlagt erindi frá Sögufélagi Borgfirðinga dags. 22.11."13 þar sem óskað er eftir styrk til útgáfustarfs félagsins.
Samþykkt að styrkja verkefnið um 100.000 kr á árinu 2014.

Lagt fram erindi frá Samtökum sveitarfélaga á Vesturlandi dags. 29.11."13 um samstarf varðandi menningarmál og framtíð menningarsamnings.
Byggðarráð lýsir yfir vilja Borgarbyggðar til að halda áfram samstarfi um menningarmál á Vesturlandi með svipuðum hætti og verið hefur.

Lögð fram umsögn umhverfis-, skipulags- og landbúnaðarnefndar um verkefnið Saga jarðvangur. Nefndin telur jákvætt að jarðvangurinn verði stofnaður.

Lagt fram mat frá Verkís á verðmæti malarfyllingar við Bílasöluna Geisla í Borgarnesi.

Á fundinn mætti Einar G. Pálsson fjármálafulltrúi og kynnti yfirlit yfir rekstur Borgarbyggðar fyrstu 10 mánuði ársins sem og frávikagreiningu.

Fjármálafulltrúi lagði fram tillögu að viðauka við fjárhagsáætlun ársins 2013.
Byggðarráð samþykkti tillöguna.

Rætt um fjárhagsáætlun 2014 - 2017.
Í samræmi við áskorun Stéttarfélags Vesturlands var ákveðið að hækka ekki gjaldskrár þjónustugjalda varðandi félagsþjónustu, fræðslumál og íþrótta- og æskulýðsmál.
Samþykkt að fela starfsmönnum að ljúka vinnu við útfærslu áætlunarinnar.
Samþykkt að vísa áætluninni til síðari umræðu í sveitarstjórn.

Lagt fram erindi Samtaka sveitarfélaga á Vesturlandi um stjórskipulag samtakanna og óskað umsagnar Borgarbyggðar um framkomna tillögu um breytingar á stjórnskipulaginu.
Samþykkt að fela sveitarstjóra að gera drög að umsögn og leggja fyrir byggðarráð.

Sveitarstjóri kynnti umsögn Inga Tryggvasonar hrl. varðandi mögulegar bótakröfur eiganda Brákarbrautar 19 Borgarnesi.

Lagt fram endurskoðað minnisblað frá fjármálafulltrúa um fjárhagsleg áhrif viðbyggingar við Grunnskólann í Borgarnesi á sveitarsjóð.

Lagt fram minnisblað frá fjármála- og stjórnsýslusviði um lántöku vegna byggingar hjúkrunarálmu við Brákarhlíð, en framkvæmdum við álmuna er lokið og þarf að fjármagna framkvæmdina til lengri tíma.
Samþykkt að heimila sveitarstjóra að ganga til samninga við Arion-banka um fjármögnunina.

Lagt fram bréf Akraneskaupstaðar dags. 01.11."13 þar sem lagt er til að rekstur Fjöliðjunnar í Borgarnesi verði yfirtekin af Borgarbyggð.
Samþykkt að Borgarbyggð taki við rekstrinum um næstu áramót.

Sveitarstjóri greindi frá viðræðum við Húnaþing vestra um skipan vinnuhóps sveitarstjórnanna um Arnarvatnsheiði.
Samþykkt að fela sveitarstjórn að skipa í vinnuhópinn á næsta fundi.

Lögð fram fundargerð 810. fundi stjórnar Sambands íslenskra sveitarfélaga.