Byggðarráð Borgarbyggðar

Lagt fram erindi Péturs Oddssonar dags. 17.12."13 þar sem hann skilar inn tveimur parhúsalóðum sem hann fékk úthlutað á Varmalandi.
Samþykkt að fela fjármála- og stjórnsýslusviði að ganga frá málinu.

Lögð fram tillaga um tekjumörk vegna afsláttar elli- og örorkulífeyrisþega af fasteignaskatti á árinu 2014. Tekjumörkin hækka um 4% frá árinu 2013.
Tillagan var samþykkt samhljóða.

Lögð fram niðurstaða úr verðkönnun á snjómokstri í Borgarnesi frá janúar til júní 2014 sem opnuð var 27. desember s.l.
Samþykkt að fela umhverfis- og skipulagssviði að semja við HSS-verktak ehf sem var með lægstu fjárhæðina í verkið.

Lagt fram erindi Veiðifélags Arnarvatnsheiðar dags. 17.12."13 vegna eignarhalds á veiðihúsum í Álftakrók og við Úlfsvatn.
Samþykkt að fela sveitarstjóra að skoða málið.

Lögð fram umsögn frá Mannvirkjastofun um stöðu slökkviliðs Borgarbyggðar, en gerð var úttekt á öllum slökkviliðum á Vesturlandi árið 2013.
Samþykkt að óska eftir minnisblaði frá slökkviliðsstjóra um þær ábendingar sem fram koma í skýrslunni.

Á fundinn mætti Óðinn Sigþórsson til viðræðna við byggðarráð um viðbrögð Borgarbyggðar við kröfum ríkisins um þjóðlendur í Borgarbyggð.
Samþykkt að boða fund þeirra aðila í Borgarbyggð sem hagsmuna hafa að gæta varðandi málið.

Lagt fram bréf frá Gleðigjöfum kór eldri borgara dags. 15.12."13 þar sem óskað er eftir stuðningi við starfsemi kórsins árið 2014.
Samþykkt að vísa erindinu til Menningarsjóðs Borgarbyggðar.

Rætt um sameiginlegan fund sveitarstjórna Borgarbyggðar og Skorradalshrepps sem fram fer á Hvanneyri föstudaginn 3. janúar n.k.

Sveitarstjóri greindi frá fundi sem hann átti með fulltrúa frá Bílasölunni Geisla um innlausn Borgarbyggðar á malarfyllingu við Engjaás sem hefur verið starfssvæði bílasölunnar.
Samþykkt að fela sveitarstjóra að vinna áfram að málinu.

Sveitarstjóri kynnti tillögu að fjármögnun á rekstri Upplýsinga- og kynningarmiðstöðvar í Borgarnesi árið 2014. Tillagan felur í sér að Borgarbyggð hækki framlag sitt úr 1.900 þúsund í 2.700 þúsund.
Samþykkt að fela sveitarstjóra að gera drög að samkomulagi við Samtök sveitarfélaga á Vesturlandi um málið.

Lagt fram erindi frá stjórn Brákarhlíðar þar sem gerð er grein fyrir rekstri heimilisins á árinu 2013, auk þess sem farið er fram á endurskoðun á fjárveitingu til þess.
Samþykkt að óska eftir fundi með stjórn Brákarhlíðar og meðeigendum um málið.

Björn Bjarki vék af fundi meðan þessi liður var ræddur.

Lagt fram tilboð í tækjakaup í þreksal Íþróttamiðstöðvarinnar í Borgarnesi.
Byggðarráð samþykkti tilboðið.

Á fundinn mætti Magnús V. Jóhannsson svæðisstjóri Vegagerðarinnar til viðræðna um þjóðveg 1 við Borgarnes.
Jökull Helgason forstöðumaður umhverfis- og skipulagssviðs sat fundinn meðan þessi liður var ræddur.
Samþykkt að fela sveitarstjóra að gera drög að erindi til Vegagerðarinnar varðandi málið.

Lagt fram erindi frá Georgi Magnússyni Norðtungu vegna færslu Íslandspósts á póstkössum.
Lagt var fram svarbréf Íslandspósts dags. 05.12."13 við bókun byggðarráðs frá því í nóvember þar sem færslu póstkassa var mótmælt.

Byggðarráð ítrekar fyrri bókun að færsla á póstkössum skerði verulega þjónustu Íslandspóst við íbúa í dreifbýli.

Rætt um verkefni Borgarbyggðar árið 2014 í atvinnu-, markaðs- og menningarmálum.

Sveitarstjóri kynnti drög að umsögn Borgarbyggðar um tillögu að stjórnskipulagi Samtaka sveitarfélaga á Vesturlandi.

Rætt um málefni háskólanna í Borgarbyggð.

Byggðarráð Borgarbyggðar samþykkir að setja á stofn vinnuhóp um framtíð háskólanna í Borgarbyggð.

Óskað verður eftir aðild fulltrúa frá Háskólanum á Bifröst, Landbúnaðarháskóla Íslands, Bændasamtökum Íslands og atvinnulífinu, auk þess sem fulltrúar frá sveitarfélaginu verða í hópnum.

Verkefni hópsins er að leita allra leiða til að styrkja starfsemi Háskólans á Bifröst og Landbúnaðarháskóla Íslands með það að markmiði að þeir verði áfram sjálfstæðar og öflugar stofnanir sem hér eftir sem hingað til bjóði nemendum sínum upp á góða menntun sem er undirstaða framfara í þjóðfélaginu. Auk þess verði skoðað sérstaklega hvort skólarnir geti styrkt stöðu sína með auknu samstarfi og fetað nýjar brautir í rekstri og skipulagi.

Skólarnir hafa verið helsti vaxtarbroddurinn í Borgarbyggð undanfarin ár og starfsemi þeirra er gríðarlega mikilvæg fyrir nærumhverfi sitt. Sterk tenging þeirra við atvinnulífið gerir að verkum að atvinnulífið á þátttakendur í vinnuhópnum.

Samþykkt að fela sveitarstjóra að boða til fundar sem fyrst í vinnuhópnum.