Byggðarráð Borgarbyggðar

Lögð fram endurskoðuð, uppfærð og yfirfarin útgáfa af Brunavarnaráætlun Borgarbyggðar, Skorradalshrepps og Eyja- og Miklaholtshrepps fyrir 2014 - 2019.
Samþykkt að fela umhverfis- og skipulagssviði að yfirfara áætlunina.

Lagt fram minnisblað slökkviliðsstjóra vegna skýrslu Mannvirkjastofnunar um úttekt á slökkviliði Borgarbyggðar.
Samþykkt að senda Orkuveitu Reykjavíkur erindi varðandi þær athugasemdir sem fram koma í skýrslunni varðandi vatnsöflun.

Lagt fram yfirlit slökkviliðsstjóra um útköll og starfssemi slökkviliðs Borgarbyggðar á árinu 2013.

Rætt um erindi frá slökkviliðsstjóra vegna tilboðs sem slökkviliðið hefur fengið vegna innkaupa á klippum til björgunar á fólki úr bílum eða húsum.
Samþykkt að athuga hvort hægt sé að fá fleiri kostunaraðila, sé það möguleiki verður málið tekið upp aftur í byggðarráði.

Lögð fram fundargerðar 134. fundar starfsmanna Safnahúss Borgarfjarðar.
Byggðarráð lýsir yfir ánægju með fjölgun gesta í Safnahúsinu á milli ára.

Lagt fram erindi frá Borgarverki vegna verðkannana Borgarbyggðar.
Lögð fram umsögn frá lögfræðingi Sambands íslenskra sveitarfélaga varðandi innkaupareglur og upplýsingar frá öðrum sveitarfélögum um verklag við gerð samninga.
Samþykkt að fela innkauparáði Borgarbyggðar að gera tillögu til byggðarráðs að verklagsreglum um framkvæmd útboða og verðfyrirspurna/verðkannana.

Jóhannes vék af fundi.

Rætt um verðkönnun á snjómokstri í Borgarnesi.
Í ljósi framkominna gagna m.a. frá lögfræðingi Sambands íslenskra sveitarfélaga samþykkir byggðarráð að ganga til samninga við HSS-verktak sem átti lægsta verðið í verkið.

Rætt um verðkönnun vegna niðurrifs á útihúsum.
Í ljósi framkominna gagna m.a. frá lögfræðingi Sambands íslenskra sveitarfélaga samþykkir byggðarráð að ganga til samninga við HSS-verktak sem átti lægsta verðið í verkið.

Jóhannes kom aftur á fundinn.

Rætt um áherslur Borgarbyggðar í atvinnu- markaðs- og menningarmálum árið 2014.
Samþykkt að óska eftir að fulltrúar frá Vesturlandsstofu og Samtökum sveitarfélaga á Vesturlandi komi á næsta fund byggðarráðs til viðræðna.

Á fundinn mætti Davíð Freyr Jónsson til viðræðna um fyrirhugaða matarsmiðju í Borgarnesi og aðra starfsemi sem fyrirhuguð er að Vallarási 7-9 í Borgarnesi.

Lagt fram erindi frá Kolbeini Magnússyni, Láru Gísladóttur, Kjartani Ragnarssyni og Sigríði M. Guðmundsdóttur um Miðaldaböð við Brúarás.
Samþykkt að fela sveitarstjóra að boða alla eigendur Brúaráss til fundar til að ræða erindið.

Lögð fram greinargerð frá félagsmálastjóra um könnun á launajafnrétti hjá Borgarbyggð.
Byggðarráð tekur undir sjónarmið velferðarnefndar að jafna beri launamun kynjanna og felur sveitarstjóra og skrifstofustjóra að leggja fram tillögur um hvernig það verði gert.

Rætt um verkefnið umhverfið mitt um aðkomu íbúa að ákvarðanatöku varðandi umhverfismál o.fl.
Samþykkt að fela sveitarstjóra að taka saman upplýsingar um málið og leggja fram á næsta fundi byggðarráðs.

Lagt fram erindi frá Samtökum sveitarfélaga á Vesturlandi þar sem óskað er eftir tilnefningu á fulltrúa í menningarnefnd SSV, en nefndin kemur í stað Menningarráðs Vesturlands.
Sveitarstjóra falið að ljúka málinu í samstarfi við sveitarstjóra Dalabyggðar og oddvita Skorradalshrepps.

Lögð fram tillaga að umsögn Borgarbyggðar vegna breytinga á stjórnskipulagi Samtaka sveitarfélaga á Vesturlandi.
Byggðarráð samþykkti tillöguna.

Lagðir fram leigusamningar við Ólaf Guðmundsson á Sámsstöðum og Eyjólf Andrésson á Síðumúla um land norðan afréttargirðingar á Síðufjalli.
Afréttarnefnd Þverárréttarafréttar hefur fjallað um málið.
Byggðarráð samþykkti samningana.

Lögð fram fundargerð frá 116. fundi stjórnar Faxaflóahafna.

Lagt fram bréf Alþýðusambands Íslands dags. 13.01."14 varðandi gjaldskrárhækkanir sveitarfélaga.
Í kjölfar erindis Stéttarfélags Vesturlands varðandi gjaldskrárhækkanir ákvað sveitarstjórn að hækka ekki gjaldskrár í félagsþjónustu, fræðslumálum og íþrótta- og æskulýðsmálum.
Samþykkt að fela sveitarstjóra að svara erindinu.

Lagt fram minnisblað frá Verkís varðandi útreikning á malarfyllingu í lóðinni Fitjar 2 í Borgarnesi.
Samþykkt að fela sveitarstjóra að semja við lóðarhafa um uppgjör á grundvelli minnisblaðsins.