Byggðarráð Borgarbyggðar

Sveitarstjórn vísaði fundargerð 30. fundar afréttarnefndar Oddstaðaréttar til byggðarráðs.
Byggðarráð samþykkti að óska eftir minnisblaði frá umhverfis- og landbúnaðarfulltrúa varðandi athugasemdir nefndarinnar við fjárhagsáætlun og rekstrarniðurstöður.
Samþykkt að fela umhverfis- og landbúnaðarfulltrúa að gera drög að lóðaleigusamningi vegna Oddstaðaréttar.

Lögð fram fundargerð starfsmannafundar Safnahússins frá 22. janúar 2014.

Lagt fram erindi Hallsteins Sigurðssonar dags. 21.01.´14 varðandi höggmyndagarð sem hann hyggst reisa í landi Nýhafnar II.
Samþykkt að bjóða Hallsteini að koma á fund byggðarráðs.

Lögð fram drög að bréfi frá Björgu Gunnarsdóttur umhverfis- og landbúnaðarfulltrúa vegna afnota af landspildum.
Samþykkt að bréfin verði send.

Lagðar fram til kynningar athugasemdir atvinnuvega- og nýsköpunarráðuneytisins við samþykkt um búfjárhald.
Samþykkt að samþykktin verði birt með athugasemdum ráðuneytisins.

Lögð fram tilkynning frá Vélabæ ehf. um hækkun á hlutafé fyrirtækisins.
Byggðarráð samþykkti að Borgarbyggð auki ekki hlutafé sitt í fyrirtækinu.

Á fundinn mætti Jökull Helgason forstöðumaður umhverfis- og skipulagssviðs og kynnti niðurstöður úr verðkönnun vegna viðhalds fasteigna Borgarbyggðar.
Byggðarráð samþykkti tillögu Jökuls við hvaða aðila skuli samið.

Rætt um nýtingu húsnæðis í Brákarey og fyrirspurn Fornbilafjelags Borgarfjarðar um afnot af auknu rými.
Byggðarráð tók jákvætt í erindi Fornbílafjelagsins og var sveitarstjóra falið að ræða við hlutaðeigandi aðila.

Lögð fram til kynningar skýrsla Capasent um niðurstöður þjónustukönnunar haustið 2013.
Samþykkt að senda niðurstöðurnar til umfjöllunar í nefndum sveitarfélagsins.
Samþykkt að halda fund sveitarstjórnar og forstöðumanna stofnana þar sem niðurstöðurnar verða kynntar.

Lagt fram fundarboð á félagsfund í Veiðifélaginu Hvítá sem haldinn verður 02. febrúar n.k. í Valfelli.
Samþykkt að Ingibjörg Daníelsdóttir verði fulltrúi Borgarbyggðar á fundinum.

Lagt fram erindi frá Saman-hópnum þar sem óskað er eftir fjárstuðningi við starfsemi hópsins árið 2014. Auk þess er lögð fram umsögn forvarnarfulltrúa vegna þessa erindis.
Samþykkt að styrkja verkefnið um kr. 50.000

Á fundinn mættu Elín Smáradóttir lögfræðingur Orkuveitu Reykjavíkur og Ebba Schram lögfræðingur Reykjavíkurborgar og kynntu sameignarsamning og eigendastefnu Orkuveitu Reykjavíkur sem nú eru í endurskoðun.

Byggðarráð þakkar kynninguna og tekur undir þær breytingar sem tillögur eru gerðar um frá fyrri samþykktum.
Byggðarráð leggur áherslu á fyrri kröfur um að sömu gjaldskrár gildi hjá öllum eigendum Orkuveitunnar.

Lögð fram ályktun frá formannafundi Ungmennasambands Borgarfjarðar vegna framkvæmda við Íþróttamiðstöðina í Borgarnesi.
Á fundinn mætti Kristján Finnur Kristjánsson af framkvæmdasviði Borgarbyggðar til viðræðna um framkvæmdirnar.