Byggðarráð Borgarbyggðar

Lögð fram drög að áætlun frá Umhverfisstofnun um refaveiðar árin 2014 - 2016.
Vísað til umsagnar umhverfis-, skipulags- og landbúnaðarnefndar.

Lagður fram dómur Hæstaréttar frá 3. apríl 2014 og bókun frá fundi afréttarnefndar Þverárréttar 10. apríl 2014.
Í dómsorðum kemur fram að sá hluti jarðarinnar Króks, sem málið snýst um, sé eign eiganda Króks í Norðurárdal.
Samþykkt að fela Inga Tryggvasyni hrl að ræða við lögmann eiganda Króks.

Lagt fram bréf, dagsett 14. apríl frá Jökli Helgasyni forstöðumanni umhverfis- og skipulagssviðs og Björgu Gunnardóttur umhverfis- og landbúnaðarfulltrúa varðandi endurgerð á gosbrunni og styttu í Skallagrímsgarði. Fram kemur að kostnaður er meiri en upphaflega var gert ráð fyrir.
Samþykkt að láta bronsa styttuna en óskað eftir kostnaðaráætlun varðandi verkið í heild.

Rætt um samþykkt um búfjárhald en sveitarstjórn vísaði málinu til umfjöllunar í byggðarráði.
Samþykkt að óska eftir fundi með Bændasamtökunum um samþykktina.
Einnig var samþykkt að óska eftir fundi með Vegagerðinni vegna málsins.

Rætt um sláttusvæði í Borgarbyggð en sveitarstjórn vísaði málinu til umfjöllunar í byggðarráði.
Samþykkt að heimila að farið verði í uppmælingu á þeim svæðum sem falla undir sláttusvæði á vegum Borgarbyggðar.

Rætt um samþykktir og sameignarsamning Orkuveitu Reykjavíkur.

Lögð voru fram tilboð í lagningu slitlags á bílaplan við Reykholtskirkju. Tilboð bárust bæði í lagninu malbiks og tvöfalda klæðningu.
Samþykkt að gengið verði til samninga við lægstbjóðanda í lagningu malbiks.

Sveitarstjóri kynnti drög að samningi við Brákarhlíð um rekstur á hjúkrunarálmu heimilsins til ársins 2052.
Byggðarráð samþykkti samninginn.

Byggðarráð fagnar því að samþykkt hefur verið að fjölga hjúkrunar- og dagdvalarrýmum við Brákarhlíð

Bjarki vék af fundi meðan að þessi liður var ræddur.

Á fundinn mætti Óli Jón Gunnarsson framkvæmdastjóri Loftorku til viðræðna um Borgarbraut 57 og 59.
Samþykkt að fela sveitarstjóra að ganga til viðræðna við forsvarsmenn Loftorku um möguleg kaup sveitarfélagsins á eignunum.

Lögð fram drög að yfirlýsingu um nýtingu á félagsheimilinu Brúarási í tengslum við uppbyggingu náttúrubaða.
Samþykkt að fela sveitarstjóra að vinna áfram að málinu.

Lagt fram tilboð í gerð gangstétta og göngustíga í Borgarnesi.
Samþykkt að ganga til samninga við JBH-vélar sem áttu tilboðið.

Lögð fram drög að samkomulagi við Grímshúsfélagið um endurgerð hússins.
Sveitarstjóra var falið að vinna áfram að málinu.