Byggðarráð Borgarbyggðar

Á fundinn mættu kennarar úr Grunnskólanum í Borgarnesi en grunnskólakennarar eru í verkstöðvun í dag til að leggja áherslur á launakröfur sínar í samningaviðræðum við samninganefnd Sambands íslenskra sveitarfélaga.
Byggðarráð hvetur samningsaðila til að ljúka gerð samninga sem fyrst til að eyða óvissu hjá bæði kennurum og nemendum grunnskóla.

Lögð fram fundargerði 140. fundar starfsmanna Safnahúss Borgarfjarðar sem haldinn var 06. maí s.l.

Lögð fram drög að starfsleyfi fyrir eggjabú að Stafholtsveggjum sem Heilbrigðiseftirlit Vesturlands hefur sett í auglýsingu.
Byggðarráð gerir ekki athugasemdir við að leyfið verði veitt.

Lagt fram bréf, dagsett 9. maí 2014, frá Björgu Gunnarsdóttur umhverfis- og landbúnaðarfulltrúa með beiðni um mótframlag vegna styrks.
Byggðarráð tók jákvætt í erindið og var sveitarstjóra falið að gera tillögu að fjárveitingu.
Byggðarráð vekur þó athygli á að það er mikilvægt að skýrt verði hvernig verkaskiptingin er milli Umhverfisstofnunar og Borgabyggðar við Hraunfossa.

Lagt fram bréf frá Björgu Gunnarsdóttur umhverfis- og landbúnaðarfulltrúa dags. 13. maí 2014 varðandi umhverfismál í Bæjarsveit.
Samþykkt að fela sveitarstjóra að halda íbúafund í Bæjarsveit til að ræða ýmis mál hverfisins.

Lagt fram bréf frá Björgu Gunnarsdóttur umhverfis- og landbúnaðarfulltrúa dags. 13. maí 2014 varðandi umhirðu, stígagerð og gróðursetningu við Kleppjárnsreyki.
Byggðarráð samþykkti það fyrirkomulag sem lagt er til í bréfinu.

Rætt um raforkukaup og sparnað við að draga úr götulýsingu.
Byggðarráð samþykkti að slökkt verði á götulýsingu Borgarbyggðar í júní og júlí sumarið 2014.

Á fundinn mætti Jökull Helgason forstöðumaður umhverfis- og skipulagssviðs og sat fundinn meðan liðir 8 - 10 voru ræddir.

Rætt um kostnaðarmat á framkvæmdum við breytingar á götum og opnum svæðum vegna deiliskipulags fyrir gamla miðbæinn í Borgarnesi.
Kynningarfundur fyrir sveitarstjórn verður haldinn þriðjudaginn 20. maí n.k.

Rætt um starfsemi áhaldahúss í Borgarbyggð sem áætlað er að taki til starfa 1. september n.k.
Samþykkt að óska eftir tillögum um starfsmannahald fyrir næsta fund byggðarráðs.

Lögð fram fundargerð frá opnun tilboða í lagfæringar á kirkjugarðinum í Borgarnesi. Sóknarnefnd Borgarneskrikju hefur umsjón með verkinu, en Borgarbyggð tekur þátt í kostnaði í samræmi við reglugerð um kostnaðarþátttöku sveitarfélaga.

Lagt fram minnisblað frá fjármálafulltrúa varðandi stuðning Borgarbyggðar við Golfklúbb Borgarness.
Samþykkt að fela sveitarstjóra að vinna áfram að málinu.

Lagt fram bréf frá Óbyggðanefnd vegna þjóðlendumála. Í bréfinu kemur fram hver verði næstu skref nefndarinnar í vinnu með þjóðlendukröfur ríkisins í Borgarbyggð.

Lagt fram erindi frá Bifhjólafélagi Borgarfjarðar dags. 10.05."14 þar sem óskað er eftir aðstöðu fyrir félagið í Brákarey.
Samþykkt að óska eftir kostnaðarmati frá umhverfis- og skipulagssviði varðandi húsnæðið.

Lagt fram bréf frá ungum mótorhjólakappa Almari Kristinssyni þar sem hann skorar á sveitarfélagið að setja upp aðstöðu fyrir mótorkross.
Byggðarráð þakkar Almari fyrir erindið og var samþykkt að vísa því til umsagnar fræðslunefndar og Ungmennasambands Borgarfjarðar.

Lagt fram bréf frá slökkviliðsstjóra þar sem óskað er eftir aðstöðu undir æfingar slökkviliðsins á gömlu þvottaplani við núverandi æfingahúsnæði liðsins.
Samþykkt að fela umhverfis- og skipulagssviði að skoða erindið.

Lögð fram fundargerð frá 120. fundi stjórnar Faxaflóahafna sem haldinn var 09. maí s.l.

Lögð fram fundargerð 200. fundar stjórnar Orkuveitu Reykjavíkur sem haldinn var 21. mars s.l.

Lagt fram erindi frá Hollvinasamtökum Heilbrigðisstofnunar Vesturlands þar sem óskað er eftir stuðningi við tækjakaup.
Samþykkt að styrkja verkefnið um kr. 150.000