Byggðarráð Borgarbyggðar

Rætt um vinnufund sveitarstjórnar um tillögu að deiliskipulagi fyrir gamla miðbæinn í Borgarnesi. Tillagan verður lögð fyrir umhverfis-, skipulags- og landbúnaðarnefnd.

Lagðir fram stofnefnahagsreikningar dótturfélaga Orkuveitu Reykjavíkur.
Byggðarráð staðfesti efnahagsreikningana.

Lögð fram kjörskrá vegna sveitarstjórnarkosninganna sem fram eiga að fara 31. maí n.k.
Á kjörskrá eru 2.598.
Byggðarráð samþykkti kjörskrána.

Lögð fram drög að bráðabirðasamningi milli Borgarbyggðar og Íslenska gámafélagsins til tveggja mánaða meðan verið er að innleiða breytingar á sorphirðu í dreifbýli.
Samþykkt að fela umhverfis- og landbúnaðarfulltrúa að ganga frá samkomulaginu.
Björg Gunnarsdóttir umhverfis- og landbúnaðarfulltrúi sat fundinn meðan þessi liður og liður nr. 6 voru ræddir.

Lögð fram beiðni Ingimundar Grétarssonar dags. 19.05."14 þar sem farið er fram á að settur verði tengill inn á heimasíðu Borgarbyggðar sem vísar á vefsíðu hans.
Samþykkt með 2 atkv að hafna erindinu. 1 (JFS) sat hjá.
Samþykkt var að fela skrifstofustjóra að gera tillögu að reglum um heimasíðu Borgarbyggðar.

Rætt um athugasemdir Umhverfisstofnunar og kröfu um úrbætur á Bjarnhólum við Borgarnes.
Umhverfis- og landbúnaðarfulltrúi útskýrði stöðu málsins.

Lögð fram fundargerð 201. fundar stjórnar Orkuveitu Reykjavíkur sem haldinn var 25.04. 2014.

Lagður fram samstarfssamningur um uppsetningu og rekstur Matarsmiðju að Vallarási í Borgarnesi.
Byggðarráð samþykkti samninginn.

Lagt fram bréf Ungmennasambands Borgarfjarðar, Skátafélags Borgarness og Skógræktarfélags Borgarfjarðar dags. 06. maí 2014 um aðstöðu í landi Kárastaða.
Samþykkt að taka erindið upp við gerð rammaskipulags

Lögð fram fundargerð aðalfundar Grímshúsfélagsins sem fram fór 23. apríl s.l.
Í fundargerðinni kemur fram tillaga að breytingu á samkomulagi milli Borgarbyggðar og Grímshúsfélagsins um Grímshús og samþykkti byggðarráð breytinguna. Sveitarstjóra var falið að ljúka gerð samkomulagsins.

Rætt um niðurrif á húsinu að Borgarbraut 57 í Borgarnesi og lagt fram tilboð Borgarverks í niðurrif á kjallara hússins.
Byggðarráð samþykkti tilboðið.
Á fundinn mætti Jökull Helgason forstöðumaður umhverfis- og skipulagssviðs.

Rætt um rekstur salerna, umhirða og uppbyggingu á aðstöðu við Hraunfossa.
Samþykkt að fela sveitarstjóra að gera formlegan samning við umsjónaraðila aðstöðunnar um reksturinn.

Rætt um skilti og merkingar við ferðamannastaði í Borgarbyggð.
Samþykkt að fela umhverfis- og landbúnaðarfulltrúa að taka saman minnisblað um málið.

Rætt um nettengingar í dreifbýli Borgarbyggðar.
Sveitarstjóri hefur sent erindi til Mílu og óskað eftir fundi um málið.
Einnig var óskað eftir upplýsingum um ljósleiðaralagnir í sveitarfélaginu.

Lögð fram útboðsgögn vegna skólaaksturs að grunnskólum Borgarbyggðar. Um er að ræða skólaakstur í Borgarnesi, ein leið að Grunnskólanum í Borgarnesi, tvær leiðir að Grunnskóla Borgarfjarðar á Varmalandi og tómstundaakstur frá Varmalandi í Borgarnes.
Byggðarráð samþykkti útboðsgögnin.

Lagt fram erindi Framfarafélags Borgarfjarðar þar sem óskað er eftir styrk vegna kynningar á sveitamarkaði í uppsveitum Borgarfjarðar sem fyrirhugað er að halda í júní.
Byggðarráð samþykkti að styrkja verkefnið um kr. 150.000

Lagt fram erindi frá Elíasi Jóhannessyni á Ferjubakka þar sem spurst er fyrir um stuðning vegna endurnýjunar rotþróar.
Samþykkt að veita styrk í samræmi við reglur um niðursetningu rotþróa í dreifbýli.