Byggðarráð Borgarbyggðar

Umsókn Jóns Gíslasonar um að lóð fyrir sumarbústað verði stofnuð og tekin úr landbúnaðarnotkun.
Samþykkt að heimila að lóðin verði stofnuð og tekin úr landbúnaðarnotkun.

Lagt fram fundarboð á aðalfund Veiðifélags Gljúfurár sem haldinn verður 5. júní að Edduveröld í Borgarnesi.
Samþykkt að Sigurjón Jóhannsson verði fulltrúi Borgarbyggðar á fundinum.

Lagt fram fundarboð á aðalfund Veiðifélags Norðurár sem haldinn var 2. júní s.l.

Lögð fram brunavarnaráætlun fyrir Borgarbyggð, Skorradal og Eyja- og Miklaholtshrepp eftir endurskoðun.
Byggðarráð samþykkti brunavarnaráætlunina.

Rætt um kaup á björgunarklippum fyrir slökkvilið Borgarbyggðar.
Samþykkt að kaupa klippurnar.

Lagður fram ársreikningur Heilbrigðiseftirlits Vesturlands fyrir árið 2013.

Lagt fram samkomulag við Ferðafélag Íslands um byggingu göngubrúar á stíflu við Langá.
Byggðarráð samþykkti samkomulagið.

Lagðir fram nýir kjarasamningar Sambands ísl. sveitarfélaga og Kennarsambands Íslands grunnskólakennara.

Lagt fram erindi frá Skotfélagi Vesturlands þar sem óskað er eftir bráðbirgðaleyfi til að halda skotpróf í malarnámu við Ölduhrygg í Borgarbyggð.
Samþykkt að verða við erindinu.

Lagt fram erindi frá fundi foreldra og starfsmanna leikskólann Hnoðrabóls.
Auk þess var lögð fram kostnaðaráætlun um breytingar á húsnæði skólans.
Byggðarráð tekur vel í hugmyndir fundarins að stofnaður verði vinnuhópur um málefni leikskólans og vísar því til sveitarstjórnar.

Lögð fram drög að húsaleigusamningi við Fornbílafjelag Borgarfjarðar um hluta af fjárrétt og Gúanóhúsi í Brákarey.
Byggðarráð samþykkti samninginn með áorðnum breytingum.

Lagt fram afrit af skýrslu til Hagstofu Íslands um úrslit sveitarstjórnakosninganna í Borgarbyggð 31. maí s.l.
Rætt um fjölda kjördeilda og hvort ástæða sé til að gera breytingar í þeim efnum.

Rætt um leigusamning um Brákarbraut 15 við Landnám Íslands ehf.
Byggðarráð samþykkti samninginn.

Á fundinn mætti Einar G. Pálsson fjármálafulltrúi.
Sveitarstjóri kynnti tillögu að viðauka við fjárhagsáætlun 2014 og fjármögnun nýrra verkefna í framkvæmdaáætlun.
Samþykkt að vísa málinu til nýrrar sveitarstjórnar.

Á fundinn mætti Ásthildur Magnúsdóttir fræðslustjóri.
Rætt um stöðugildi og afleysingar í Íþróttamiðstöðinni í Borgarnesi.

Á fundinn mætti Jökull Helgason forstöðumaður umhverfis- og skipulagssviðs til viðræðna um stofnun áhaldahúss.
Samþykkt að auglýsa eftir starfsmönnum og munu þeir hefja störf 01. september n.k.

Rætt um tilboð sem bárust eftir útboð í rotþróarhreinsun s.l. sumar.
Samþykkt að óska eftir lögfræðiáliti á málinu.