Byggðarráð Borgarbyggðar

Lögð fram beiðni Ólafs Flosasonar og Elísabetar Halldórsdóttur um uppsetningu ljósastaurs á Breiðabólsstað.
Einnig er meðfylgjandi áætlun framkvæmdasviðs um kostnað.
Byggðarráð samþykkti að láta setja upp ljósastaura í samræmi við reglur sveitarfélagsins.
Einnig var samþykkt að láta endurskoða reglurnar.

Lagt fram erindi vegna stuðnings Borgarbyggðar við Brákarhátíð 2014.
Samþykkt að styrkja hátíðina um kr. 150.000 ásamt því að veita aðgang að Skallagrímsgarði og tækjum sveitarfélagsins.

Rætt um skipan vinnuhóps um málefni leikskólans Hnoðrabóls.
Samþykkt að fela skrifstofustjóra að gera tillögu að erindisbréfi fyrir vinnuhópinn.

Lagt fram bréf Jöfnunarsjóðs sveitarfélaga um framlag Borgarbyggðar vegna tímabundinnar breytingu á verkaskiptingu ríkis og sveitarfélaga. Framlagið er um 2,7 millj kr.

Lögð fram umsókn, dagsett 16. júní 2014, frá Björgu Gunnarsdóttur umhverfis- og landbúnaðarfulltrúa um aukafjármagn til hellulagnar við nýjan setbekk í Skallagrímsgarði.
Samþykkt að vísa verkefninu til fjárhagsáætlunar fyrir árið 2015.

Lagt fram minnisblað, dagsett 16. júní 2014, frá Björgu Gunnarsdóttur umhverfis- og landbúnaðarfulltrúa um skilti og merkingar við ferðamannastaði.

Lögð fram umsókn,dagsett 16. júní 2014,frá Björgu Gunnarsdóttur umhverfis- og landbúnaðarfulltrúa um aukafjárveitingu vegna sláttar.
Byggðarráð samþykkti að auka fjárveitingu til sláttar um eina milljón kr.

Sveitarstjórn vísaði eftirfarandi tillögu til afgreiðslu byggðarráðs:
"Sveitarstjórn samþykkir að færa fyrstu Oddstaðarétt í haust fram um eina viku. Réttardagur verður þá 10. september."
Byggðarráð samþykkti tillöguna.

Lagt fram bréf frá afréttarnefnd Oddstaðaréttar sama efnis.

Á fundinn mætti Einar G. Pálsson fjármálafulltrúi og lagði fram gögn varðandi viðauka við fjárhagsáætlun ársins 2014.

Lagt var fram yfirlit yfir tilboð sem bárust í skólaakstur sem boðinn var út í maí s.l.

Lögð fram fundargerð 9. fundar ritnefndar um Sögu Borgarness sem haldinn var 28. maí s.l.

Lagt fram fundarboð á aðalfund Orkuveitu Reykjavíkur sem haldinn verður 23. júní n.k.
Samþykkt að skrifstofustjóri fari með umboð Borgarbyggðar á fundinum.

Lagt fram fundarboð á aðalfund Faxaflóahafna sem haldinn verður 27. júní n.k.
Samþykkt að skrifstofustjóri fari með umboð Borgarbyggðar á fundinum.

Á fundinn mættu Guðrún Kristjánsdóttir og Erla Jónsdóttir til viðræðna um eignarhald á húsunum í Englendingavík í Borgarnesi.

Lagt fram erindi Ikan ehf. dags. 05.06.´14 þar sem kvartað er yfir ítrekuðum brotum á rekstrarleyfi vegna Egilsgötu 6 í Borgarnesi.
Skrifstofustjóra var falið að svara bréfritara.

Lagt fram samkomulag við Grímshúsfélagið um Grímshúsið í Brákarey.

Rætt um skipan vinnuhóps um stefnumótun um málefni fólks með fötlun.
Skrifstofustjóra var falið að gera drög að erindisbréfi fyrir vinnuhópinn.

Lagt fram erindi Hvalfjarðarsveitar þar sem kynnt er breyting á aðalskipulagi iðnaðar- og athafnasvæðisins á Grundartanga.

Lagt fram bréf Hvalfjarðarsveitar þar sem kynnt er breyting á aðalskipulagi er varðar stefnumörkun iðnaðarsvæða í sveitarfélaginu.

Lögð var fram beiðni Guðrúnar Jónsdóttir um stofnun eftirtaldra lóða á Grjóteyri í Borgarbyggð:
Grjóteyri I - 1 ha lóð fyrir útihús.
Grjóteyri III - 2 ha lóð fyrir íbúðarhús.
Grjóteyri II - stækkun á lóð (landnr. 198898) í 1,16 ha.
Grjóteyri II og III - óskipt land 16,84 ha að stærð.

Byggðarráð samþykkti að lóðirnar verði stofnaðar.

Rætt um útboð á rotþróarhreinsun.
Skrifstofustjóra falið að afla frekari upplýsinga.

Rætt um eignarhald á Vatnsveitu Bæjarsveitar, en íbúar hafa sýnt því áhuga að taka yfir rekstur veitunnar.
Byggðarráð samþykkti drög að samningi sem lagður var fram á fundinum.

Á fundinn mætti Óðinn Sigþórsson til að fara yfir stöðu varðandi þjóðlendumál.
Byggðarráð samþykkti með vísan til 15. gr. þjóðlendulaga að veita Óðni umboð til að kanna sáttagrundvöll í þeim málum sem snerta hagsmuni sveitarfélagsins.

Lagt fram erindi flugklúbbsins Kára þar sem farið er fram á aðkomu Borgarbyggðar að frekari uppbyggingu Kárastaðaflugvallar.
Samþykkt að óska eftir fundi með fulltrúum Isavia um erindið.

Lagt fram bréf Fluklúbbsins Kára þar sem farið er fram á heimild sveitarfélagsins til að nýta efni úr grjótnámu sem nýtt hefur verið við gerð Kárastaðaflugvallar.
Vísað til umsagnar umhverfis-, skipulags- og landbúnaðarnefndar.

Lögð fram fundargerð 121. stjórnarfundar Faxaflóahafna sem haldinn var 06. júní 2014.

Lögð fram fundargerð frá 140 starfsmannafundi í Safnahúsi Borgarfjarðar sem haldinn var 6. maí s.l.