Byggðarráð Borgarbyggðar

Lagt fram bréf Skákfélagsins Hróksins þar sem farið er fram á stuðning við starf félagsins í þágu barna og ungmenna á Grænlandi og Íslandi.
Ekki er hægt að verða við beiðninni að þessu sinni.

Lagt fram erindi Önnu Berg Samúelsdóttur varðandi búfjárhald í þéttbýli Borgarbyggðar.
Samþykkt að fela skrifstofustjóra að ræða við bréfritara.

Lagt fram erindi Samtaka sveitarfélaga á Vesturlandi um uppfærslu og áframhaldandi samstarf um visit-vefina.
Samþykkt að verða við beiðninni.

Lagt fram erindi Karls Sigurhjartarssonar varðandi lágan hita á heitu vatni að Álfabrekku 4.
Byggðarráð tekur undir það sjónarmið bréfritara að viðmið í reglugerð Orkuveitunnar hvað varðar hita sé of lágt og hvetur til að það verði endurskoðað.

Lagt fram bréf Fjölbrautaskóla Vesturlands um breytingar á lóð heimavistar skólans og beiðni um þátttöku í kostnaði við framkvæmdirnar. Áætlaður kostnaður eru 20 milljónir og hlutur Borgarbyggðar yrði því 1,2 millj króna.
Kynningarfundur verður 11. ágúst n.k. og var sveitarstjóra falið að mæta á hann.

Rætt um málefni leikskóla m.a. hvort hægt sé að taka 12 mánaða gömul börn inn í leikskóla Borgarbyggðar.
Lagt var fram minnisblað frá Ásthildi Magnúsdóttur fræðslustjóra varðandi málið.
Samþykkt að vísa málinu til fræðslunefndar.

Lögð fram drög að erindisbréfi fyrir vinnuhóp um málefni leikskólans Hnoðrabóls.
Byggðarráð samþykkti erindisbréfið og vísaði því til fræðslunefndar.

Lögð fram drög að erindisbréfi fyrir vinnuhóp um þjónustu við fólk með fötlun.
Byggðarráð samþykkti erindisbréfið og vísaði því til velferðarnefndar.

Lögð fram beiðni Hvítársíðu ehf þess efnis að skráningu sumarhússins að Nestúni verði breytt í einbýlishús og þar með að lögheimili viðkomandi íbúa.
Samþykkt að verða við beiðninni.

Rætt um notkun á Skallagrímsgarði og hvort hægt sé að fara í einhverjar aðgerðir til að hægt sé að nota garðinn meira.
Samþykkt að ræða málið aftur á næsta fundi.

Rætt um umferð húsbíla um bryggjuna í Brákarey en kvörtun hefur borist um slæma umgengni. Stafar hann af því að gestir hafa náttstað á bryggjunni.
Samþykkt að athuga með uppsetningu skilta sem beinir gestum á viðeigandi staði.

Lögð fram beiðni Sigurðar Halldórssonar um að breyta landnotkun á Lundi IIIb úr annað land í íbúðarhúsalóð.
Samþykkt að verða við beiðninni.

Lagt fram bréf eftirlitsnefndar með fjármálum sveitarfélaga dags. 12. júní 2014 varðandi fjármálastjórn sveitarfélaga.

Lagt fram bréf Innanríkisráðuneytisins dags. 18.06."14 varðandið viðauka við fjárhagsáætlanir sveitarfélaga.

Lögð fram umsókn Sigrúnar Halldórsdóttur um stofnun 770 ferm íbúðarhúsalóðar út úr Bær 2 í Borgarbyggð.
Byggðarráð samþykkti að lóðin verði stofnuð.

Lögð fram drög að samningi milli Borgarbyggðar og Háskólans á Bifröst um vinnu að stofnun vaxtarklasa til eflingar atvinnulífs á svæðinu.
Byggðarráð samþykkti samninginn og verður verkefnisstjórn skipuð á næsta fundi sveitarstjórnar.

Rætt um stofnun heimavistar við Menntaskóla Borgarfjarðar.
Lögð fram drög að stofnsamningi fyrir Nemendagarða MB ehf sem verður félag í eigu Borgarbyggðar og Menntaskóla Borgarfjarðar ehf.
Einnig voru lögð fram drög að samþykktum fyrir Nemendagarða MB ehf.
Byggðarráð samþykkti fyrirliggjandi gögn og var skrifstofustjóra falið að mæta á stofnfund, undirrita stofnsamning og samþykktir félagsins f.h. Borgarbyggðar.

Lögð fram fundargerð aðalfundar Veiðfélags Gljúfurár sem haldinn var 5. júní s.l. ásamt skýrslu um fiskirannsóknir í ánni 2013

Lögð fram fundargerð aðalfundar Orkuveitu Reykjavíkur frá 23. júní s.l.