Byggðarráð Borgarbyggðar

Lögð fram beiðni leikskólans Klettaborgar um aukafjárveitingu til tölvukaupa en fræðslunefnd vísaði erindinu til byggðarráðs.
Samþykkt að verða við beiðninni.

Lagt fram bréf Skipulagsstofnunar dags. 17.07."14 varðandi breytingu á Svæðisskipulagi miðhálendisins í tengslum við gerð ísgangna í Langjökli.
Samþykkt að óska eftir fundi með Skipulagsstofnun varðandi málið.

Lagt fram bréf Vigdísar Pálsdóttur dags. 15.07."14 varðandi samning um stofnun vaxtaklasa sem Borgarbyggð, Háskólinn á Bifröst og Atvinnuráðgjöf Vesturlands standa að.

Lögð fram beiðni Nemendafélags Landbúnaðarháskólans á Hvanneyri um afslátt fyrir nemendur skólans í sundlaugina í Borgarnesi.
Samþykkt að verða við beiðninni og breyta gjaldskrá íþróttamiðstöðva Borgarbyggðar á þann hátt að nemar í háskólum Borgarbyggðar fái afslátt á sama hátt og framhaldsskólanemar gegn framvísun nemendaskírteinis.

Lögð fram gögn frá Inga Tryggvasyni hrl varðandi girðingar o.fl. í landi Króks í Norðurárdal.

Lagt fram bréf Sambands íslenskra sveitarfélaga dags. 16.07."14 um málþing um þjónustu við nýja íbúa af erlendum uppruna.
Samþykkt að vísa erindinu til velferðarnefndar.

Lagt fram erindi Bjarna Johansen f.h. íbúa í nágrenni Bjössaróló þar sem hvatt er til að spennistöð á horni Helgugötu og Skúlagötu verði fjarlægð.
Samþykkt að vekja athygli Rarik á erindinu og óska eftir að kannað verði hvort hægt sé að færa spennistöðvar frá íbúabyggð í Borgarbyggð.

Lagt fram bréf Parkinsonsamtakanna á Íslandi þar sem boðið er að halda félagsfund í Borgarbyggð og sótt um styrk til verkefnisins.
Samþykkt að verða ekki við erindinu að þessu sinni.

Samþykkt var að óska eftir tilnefningu frá fjallskilanefnd Borgarbyggðar á fulltrúum í yfirstjórn fjallskilaumdæmis Akraneskaupstaðar, Hvalfjarðarsveitar, Skorradalshrepps og Borgarbyggðar.

Lagður var fram ráðningarsamningur við Kolfinnu Jóhannesdóttur sveitarstjóra.

Lagt fram fundarboð á landsþing Sambands íslenskra sveitarfélaga sem haldið verður á Akureyri 24.-26. september n.k.

Á fundinn mætti Einar G. Pálsson fjármálafulltrúi og fór yfir stöðu málaflokka í samanburði við fjárhagsáætlun eftir fimm fyrstu mánuði ársins.

Lögð fram beiðni Sigurbjargar Áskelsdóttur f.h. landeigenda um stækkun lóðarinnar Langholt úr 200 m2 í 2.133 m2 og að heiti lóðarinnar breytist í Laugarhóll 2. Stækkun lóðarinnar kemur úr landi Langholts 133895.
Samþykkt að verða við beiðninni.

Lögð fram beiðni Ásbjörns Pálssonar og Helgu Jóhannsdóttur um stofnun nýrrar lóðar Haukatungu syðri 3.
Samþykkt að lóðin verði stofnuð.

Á fundinn mætti Jökull Helgason forstöðumaður umhverfis- og skipulagssviðs og sat fundinn á meðan að liðir 15 til 22 voru ræddir.

Rætt um flutning á lausri kennslustofu frá Varmalandi að tómstundaskólanum í Borgarnesi.
Fræðslunefnd vísaði erindinu til byggðarráðs.
Lögð fram kostnaðaráætlun um flutninginn og upplýsingar frá fræðslustjóra varðandi málið.

Byggðarráð samþykkti að hætta við þá hugmynd að flytja kennslustofuna.
Samþykkt að óska eftir tillögum frá fræðslusviði Borgarbyggðar um hvernig húsnæðismálum tómstundaskólans skuli háttað.

Rætt um skipulagsmál í Brákarey.
Byggðarráð leggur áherslu á að vinnu við skipulagsmál í Brákarey verði hraðað sem kostur er.

Lögð fram teikning að breytingu á lóð Gunnlaugsgötu 17 í Borgarnesi. Eftir breytinguna verður lóðin 387 m2 að stærð.
Byggðarráð samþykkti breytingu á lóðinni en ákvörðun um sölu er frestað þar til fyrir liggja tillögur um húsnæðismál skólans.

Lögð fram teikning að breytingu á lóð fyrir einbýlishús í eigu Borgarbyggðar á Varmalandi. Eftir breytinguna verður lóðin 923 m2 að stærð.
Byggðarráð samþykkti breytingu á lóðinni og húsið verður sett í sölu eins og fyrirhugað var.

Á fundinn mætti Björg Gunnarsdóttir umhverfis- og landbúnaðarfulltrúi og sat fundinn meðan að liðir 19 til 25 voru ræddir.

Lagt fram minnisblað frá umhverfis- og landbúnaðarfulltrúa varðandi efnistökusvæði við Kárastaðaflugvöll.
Vísað til umfjöllunar í umhverfis-, skipulags- og landbúnaðarnefnd.

Lagt fram bréf Bjargar Gunnarsdóttur umhverfis- og landbúnaðarfulltrúa varðandi endurbætur á opnu svæði sjávarmegin við Klettavík í Borgarnesi. Sótt er um aukafjárveitingu að upphæð kr. 600.000 til að ljúka verkinu.
Samþykkt að verkefnið verði unnið á næsta ári og sett á fjárhagsáætlun þess árs.

Rætt um innleiðingu á breytingu á sorphirðu í dreifbýli Borgarbyggðar.

Rætt um málefni Skallagrímsgarðs.
Samþykkt að óska eftir áætlun um hvað kostar að setja drenlagnir í garðinum.
Samþykkt að fela umhverfis-, skipulags- og landbúnaðarnefnd að skoða hvort rétt sé að stofna hollvinasamtök Skallagrímsgarðs.

Lagt fram bréf, dagsett 10. júlí 2014, frá Umhverfisstofnun um endurgreiðslu til sveitarfélaga vegna refaveiða auk samningsdraga um refaveiðar 2014-2016.
Samþykkt að fela umhverfis- og landbúnaðarfulltrúa að gera athugasemdir við samninginn.

Lagt fram bréf umhverfis- og landbúnaðarfulltrúa varðandi aukafjárveitingu til refaveiða í Stafholtstungum.
Byggðarráð samþykkti beiðnina.

Lögð fram drög að samningi um styrk vegna salernisaðstöðu við Snorrastaði.
Vísað til umfjöllunar í umhverfis-, skipulags- og landbúnaðarnefnd.

Lögð fram fundargerð 202. fundar stjórnar Orkuveitu Reykjavíkur sem haldinn var 16. maí s.l.

Lögð fram fundargerð 817. fundar stjórnar Sambands íslenskra sveitarfélaga sem haldinn var 27. júní s.l.

Lögð fram fundargerð aðalfundar Veiðifélags Norðurár sem haldinn var 02. júní s.l.