Byggðarráð Borgarbyggðar

Á fundinn mætti Vífill Karlsson hagfræðingur og kynnti íbúakönnun sem Samtök sveitarfélaga á Vesturlandi gerðu á meðal íbúa á Vesturlandi á síðasta ári. Sambærileg könnun hefur verið gerð á þriggja ára fresti undanfarin 10 ár. Spurt var m.a. um ánægju með búsetu og hvernig skilyrði væru til búsetu á svæðinu.
Byggðarráð hvetur til að SSV haldi áfram að gera slíkar kannanir.

Samkvæmt málefnasamningi meirihluta framsóknarmanna og sjálfstæðismanna í sveitarstjórn Borgarbyggðar er gert ráð fyrir endurskoðun á stjórnsýslu sveitarfélagsins. Sveitarstjóri lagði fram minnisblað þar sem fram koma tillögur um endurskoðun og breytingar á stjórnsýslu Borgarbyggðar. Markmið breytinganna eru aukin skilvirkni í þjónustu sveitarfélagsins og hagræðing í rekstri. Samþykkt að fela sveitarstjóra að hefja vinnu við endurskoðun á stjórnsýslu sveitarfélagsins og afla upplýsinga um kostnað við ráðgjöf við verkefnið.

Á fundinn mætti Björg Gunnarsdóttir umhverfis- og landbúnaðarfulltrúi til viðræðna um beiðni afréttarnefndar Þverárréttar um framlag frá aðalsjóði til að standa undir ákveðnum gjaldaliðum þar til niðurstaða liggur fyrir um réttmæti þeirra.
Byggðarráð samþykkti aukaframlag vegna ársins 2014 til að mæta þessum kostnaði þar til niðurstaða liggur fyrir, en verið er að endurskoða fasteignamat afréttarlands.

Lögð fram beiðni skólastjóra Grunnskóla Borgarfjarðar um aukafjárveitingu til að ráða stuðningsfulltrúa í 70% starf.
Byggðarráð sér ekki fært að verða við erindinu og felur skólastjóra að leita leiða til að leysa málið með núverandi starfsmönnum.

Lögð fram stöðuskýrsla vinnuhóps um stefnumótun þjónustu við fatlað fólk.
Byggðarráð þakkar vinnuhópnum fyrir skýrsluna.

Lögð fram fundargerð starfsmannafundar Safnahússins frá 21. október s.l.

Lögð fram fundargerð 125. fundar stjórnar Faxaflóahafna sem fram fór 15. október s.l.

Lögð fram beiðni um framlag til framkvæmda við kirkjugarðinn við Stafholtskirkju.
Vísað til gerðar fjárhagsáætlunar ársins 2015.

Lögð fram beiðni um framlag vegna framkvæmda við kirkjugarðinn á Borg á Mýrum.
Vísað til gerðar fjárhagsáætlunar ársins 2015.

Lögð fram beiðni Snorrastofu í Reykholti um framlög Borgarbyggðar á næstu þremur árum.
Vísað til gerðar fjárhagsáætlunar ársins 2015.