Byggðarráð Borgarbyggðar

Sveitarstjóri sagði frá undirbúningi að ráðstefnu um háskólastarf í Borgarbyggð sem fyrirhugað er að halda í Hjálmakletti í janúar n.k. Að ráðstefnunni standa Borgarbyggð, Háskólinn á Bifröst, Landbúnaðarháskóli Íslands, Snorrastofa og Framfarafélag Borgarfjarðar.

Lagt fram bréf dags. 10.11.´14 frá Saga jarðvangur þar sem óskað er eftir fulltrúa í undirbúningsnefnd verkefnisins.
Samþykkt að Guðveig Eyglóardóttir og Hulda Hrönn Sigurðardóttir verði fulltrúar Borgarbyggðar í undirbúningsnefnd.

Lagt fram bréf frá Eignarhaldsfélagi Brunabótafélags Íslands þar sem tilkynnt er að Slökkvilið Borgarbyggðar fái 500 þús kr styrk á næsta ári vegna uppsetningar á æfingaaðstöðu fyrir reykköfun.

Lagður var fram tölvupóstur frá Akraneskaupstað varðandi sameiginlegt útboð sveitarfélaganna á sorphreinsun.
Á fundinn mættu Jökull Helgason forstöðumaður umhverfis- og skipulagssviðs og Björg Gunnarsdóttir umhverfis- og landbúnaðarfulltrúi.
Samþykkt að fela umhverfis- og landbúnaðarfulltrúa að ræða við nágrannasveitarfélög um sameiginlegt útboð.

Lögð fram fjárhagsáætlun Heilbrigðiseftirlits Vesturlands fyrir árið 2015 ásamt fundargerð stjórnar frá 03.11."14 og bréfi framkvæmdastjóra.
Samþykkt að fresta afgreiðslu og óska frekari upplýsinga á hækkunum.

Á fundinn mætti Einar G. Pálsson fjármálafulltrúi.

Sveitarstjóri lagði fram tillögu að fjárhagsáætlun fyrir árið 2015. Áætlunin er lögð fram með fyrirvara um umfjöllun sem eftir á að fara fram á milli fyrstu og annarrar umræðu. Miðað við þann halla sem er á rekstri sveitarfélagsins samkvæmt núverandi áætlun þá er nauðsynlegt að fara í fjárhagslega endurskipulagningu á rekstri sveitarfélagsins. Þá er ennfremur mikilvægt að bregðast við þeirri stöðu sem birtist í ársreikningi ársins 2013 og útkomuspá fyrir árið 2014 þannig að tryggt verði að sveitarfélagið standist jafnvægisreglu sveitarfélaga. Í árslok 2013 var skuldaviðmið sveitarfélagsins 122% sem er undir viðmiðunarmörkum og er mikilvægt að gæta þess að það hækki ekki.
Byggðaráð samþykkir að fela sveitarstjóra að hefja nú þegar frekari vinnu við fjárhagslega endurskipulagningu. Yfir stendur vinna við endurskoðun á stjórnkerfi sveitarfélagsins í samstarfi við Garðar Jónsson hjá R3 Ráðgjöf. Sveitarstjóri kynnti tillögu að umfangsáætlun í samstarfi við framangreindan aðila. Í áætluninni felst að að greina helstu hagræðingarmöguleika í rekstri Borgarbyggðar. Allar rekstrareiningar verði skoðaðar og kannað hvort þar felist raunhæfir möguleikar til lækkunar rekstrarkostnaðar. Samþykkt að veita sveitarstjóra heimild til að ganga til samninga við framangreindan aðila auk þess sem sveitarstjóra er veitt heimild, í samráði við byggðarráð, til að vinna að nauðsynlegum skipulagsbreytingum ef þörf krefur.


Einnig var rætt um viðauka við fjárhagsáætlun ársins 2014 og samþykkt að taka hann fyrir á næsta fundi sveitarstjórnar.

Lagður fram tölvupóstur frá Ingimundi Einari Grétarssyni vegna afgreiðslu á erindi um endurskoðun á deiliskipulagi lands í Ytri-Skeljabrekku.
Sveitarstjóri greindi frá að umhverfis- og skipulagssvið muni svara erindinu og í framhaldi verður haldinn fundur með aðilum málsins þar sem farið verður yfir stöðuna og næstu skref.

Lögð fram fundargerð 147. starfsmannafundar Safnahúss Borgarfjarðar sem haldinn var 4. nóvember s.l.

Lögð fram fundargerð 821. fundar stjórnar Sambands íslenskra sveitarfélaga sem haldinn var 31. október s.l.

Lögð fram ályktun kennara við Tónlistarskóla Borgarfjarðar um áhersluatriði í tengslum við kjaraviðræður sem nú standa yfir milli tónlistarkennara og vinnuveitenda þeirra.
Byggðarráð ítrekar hvatningu til samningsaðila að leysa deiluna sem fyrst.

Að undanförnu hafa staðið yfir athuganir á hvort hægt sé að lækka vexti lánum Borgarbyggðar vegna fasteignarinnar að Borgarbraut 54.
Samþykkt var að fela sveitarstjóra að leita eftir frekari lækkun á vöxtum lánanna og undirrita nauðsynleg gögn til að ljúka málinu.

Rætt um minnisblað frá viðtalstíma sveitarstjórnar 4. nóvember s.l.
a) Nafn á götu sem liggur milli Bjarnarbrautar og Borgarbrautar.
Samþykkt að vísa erindinu til umhverfis-, skipulags- og landbúnaðarnefndar.
b) Umsjón íbúa með opnum svæðum.
Samþykkt að vísa erindinu til umhverfis-, skipulags- og landbúnaðarnefndar.
c) Matarsmiðjan
Samþykkt að óska eftir fundi með forsvarsmönnum Matarsmiðjunnar.
d) Búnaður og umgengni í íþróttahúsum.
Samþykkt að vísa erindinu til forstöðumanns íþróttamannvirkja.
e) Lýsing á göngustígum.
Samþykkt að vísa erindinu til umhverfis-, skipulags- og landbúnaðarnefndar
f) Lýsing fyrir utan Þinghamar og endurbætur á tjaldsvæðinu á Varmalandi. Eyðing illgresis á Varmalandi.
Samþykkt að vísa erindinu til umhverfis-, skipulags- og landbúnaðarnefndar.
g) Fjallskilamál
Samþykkt að vísa erindinu til fjallskilanefndar.