Byggðarráð Borgarbyggðar

Sveitarstjóri sagði frá fyrirhuguðum fundi með eftirlitsnefnd um fjármál sveitarfélaga. Fundurinn verður föstudaginn 17. apríl næstkomandi. Á fundinn fara sveitarstjóri, forseti sveitarstjórnar, formaður byggðarráðs og fulltrúi endurskoðenda frá KPMG.

Lagt fram bréf frá Unnsteini Elíassyni þar sem hann segir sig úr byggingarnefnd Grunnskólans í Borgarnesi.
Sigríður Júlía Brynleifsdóttir tekur sæti Unnsteins í nefndinni.

Á fundinn kom Kristján Finnur Kristjánsson umsjónarmaður fasteigna og kynnti minnisblað um áætlaðan kostnað við að setja upp brunaviðvörunarkerfi í félagsheimilin Lindartungu og Þinghamar.
Byggðarráð samþykkir að sett verði upp brunaviðvörunarkerfi samkvæmt minnisblaði umsjónarmanns þar sem fram kemur að dregið verði úr öðru viðhaldi til að mæta kostnaði við verkefnið.

Lagt fram bréf frá Fornbílafjelagi Borgarfjarðar ásamt nýjum tillögum félagsins um leigusamning vegna Brákarbrautar 25.
Byggðarráð felur umsjónarmanni fasteigna að ræða við fulltrúa Fornbílafjelagsins á grundvelli fyrirliggjandi samningsdraga af hálfu Borgarbyggðar. Byggðarráð leggur áherslu á að samningurinn feli ekki í sér fjárhagslegar skuldbindingar fyrir Borgarbyggð.
Kristján Finnur Kristjánsson umsjónarmaður fasteigna sat fundinn á meðan þessi liður var ræddur.

Lögð fram áskorun frá formannafundi UMF Skallagríms frá 9. apríl 2015 vegna aðstöðu íþróttafólks í Borgarbyggð.
Kristján Finnur Kristjánsson umsjónarmaður fasteigna sagði frá fyrirhuguðum framkvæmdum og viðhaldi í íþróttamiðstöðinni á árinu.

Lagt fram erindi frá Golfklúbbnum Glanna þar sem farið er fram á að byggðarráð endurskoði afstöðu sína til styrkbeiðni klúbbsins frá því í nóvember. Beiðnin varðaði ósk um þátttöku Borgarbyggðar í kostnaði við starfsmann á golfvellinum er svaraði til greiðslu 3ja mánaða atvinnuleysisbóta.
Það er ekki á fjárhagsáætlun Borgarbyggðar að taka þátt í atvinnuátaki á árinu 2015. Byggðarráð ítrekar því fyrri afgreiðslu erindisins.
Erindinu er að öðru leyti vísað til UMSB í samræmi við ákvæði í samstarfssamningi Borgarbyggðar og UMSB um að sveitarfélaginu beri að senda öll erindi íþróttahreyfingarinnar til þjónustumiðstöðvar UMSB til samráðs, úrvinnslu eða ákvarðanatöku.

Lögð fram beiðni um endurupptöku beiðnar um námsvist utan lögheimilissveitarfélags.
Byggðarráð hafnar beiðni um endurupptöku málsins.

Lögð fram bókun umhverfis-, skipulags- og landbúnaðarnefndar þar sem nefndin beinir því til byggðarráðs að Húsverndunarsjóður Borgarbyggðar verði endurvakinn með aðkomu fyrirtækja á svæðinu.
Vísað til vinnu við fjárhagsáætlun næsta árs.

Lagt fram til kynningar boð á ársfund Brákarhlíðar, hjúkrunar- og dvalarheimilis, sem haldinn verður mánudaginn 27. apríl nk. í Borgarnesi. Seturétt á aðalfundi Brákarhlíðar eiga kjörnir fulltrúar í sveitarstjórnum aðildarsveitarfélaga ásamt fulltrúa frá Sambandi borgfirskra kvenna.

Lagt fram fundarboð á aðalfund Orkuveitu Reykjavíkur, sem fram fer í Reykjavík 27. apríl.
Kolfinna Jóhannesdóttir sveitarstjóri verður fulltrúi Borgarbyggðar á aðalfundinum.
Fyrir aðalfundinn þarf Borgarbyggð að tilnefna áheyrnarfulltrúa og varaáheyrnarfulltrúa í stjórn OR til eins árs. Björn Bjarki Þorsteinsson verður áheyrnarfulltrúi Borgarbyggðar og Helgi Haukur Hauksson til vara.

Framlagt fundarboð á ársfund/aðalfund Landbúnaðarsafns Íslands, ásamt skipulagsskrá og stefnu. Fundurinn fer fram í Landbúnaðarháskóla Íslands 29. apríl næstkomandi.
Ragnar Frank Kristjánsson er fulltrúi í stjórn Landbúnaðarsafnsins og situr fundinn fyrir hönd Borgarbyggðar.

Fundargerð 131. fundar stjórnar Faxaflóahafna sf. lögð fram til kynningar.

Lagt fram boð á opinn kynningarfund um niðurstöður umhverfisvöktunar iðnaðarsvæðisins á Grundartanga.
Á iðnaðarsvæðinu á Grundartanga starfa fjögur fyrirtæki undir eftirliti og í samræmi við starfsleyfi sem gefin eru út af Umhverfisstofnun. Í starfsleyfum þessara fyrirtækja eru ákvæði sem skilyrða þau til þess að framfylgja umhverfisvöktun á sínu nánasta umhverfi.
Þessi fyrirtæki eru Norðurál á Grundartanga, Elkem Ísland, Kratus og GMR. Fyrirtækin standa fyrir kynningarfundi um niðurstöður umhverfisvöktunar iðnaðarsvæðisins á Grundartanga fyrir hagsmunaaðila og almenning. Fundurinn verður haldinn hjá Norðuráli á Grundartanga 30. apríl n.k. og hefst klukkan 14:30.

Ársreikningur Sorpurðunar Vesturlands fyrir árið 2014, ásamt grænu bókhaldi fyrirtækisins, lögð fram til kynningar.

Lagt fram bréf frá Hollvinasamtökum Heilbrigðisstofnunar Vesturlands þar sem þakkað er fyrir veittan stuðning vegna kaupa á tölvusneiðmyndatæki og sveitarstjórnarmönnum boðið að sitja aðalfund samtakanna sem fram fer á Akranesi laugardaginn 25. apríl nk.