Byggðarráð Borgarbyggðar

Sveitarstjóri kynnti drög að samningum um ráðgjöf á sviði fjármála og fræðslumála.
Sveitarstjóra falið að ganga frá samningi við KPMG um ráðgjöf á sviði fjármála og StarfsGæði um ráðgjöf á sviði fræðslumála og jafnframt að sækja um styrk í Jöfnunarsjóð sveitarfélaga vegna verkefnisins.

Lagt fram kauptilboð í Syðri-Hraundal.
Samþykkt að taka tilboðinu.

Lagt fram kauptilboð í einbýlishús 2 á Varmalandi.
Samþykkt að taka tilboðinu.

Lagt fram minnisblað frá umsjónarmanni fasteigna um einbýlishús 1 á Varmalandi.
Samþykkt að fela umsjónarmanni að auglýsa húsið til sölu og að stofnuð verði lóð um húsið.

Lögð fram umsókn frá Gjáholt ehf. um skiptingu lóðarinnar Stafholtsveggja II.
Byggðarráð samþykkir að lóðinni verði skipt.

Lögð fram drög að verklagsreglum um kaup og notkun starfsmanna Borgarbyggðar á símum.
Byggðarráð samþykkir verklagsreglurnar.

Pálmi Blængsson framkvæmdastjóri UMSB og Sigurður Guðmundsson tómstundastjóri UMSB komu á fundinn til viðræðna um starfsemi UMSB og nýtingu húsnæðis þjónustumiðstöðvar að Skallagrímsgötu 7a sem og nýtingu félagsmiðstöðvarinnar Óðals og þess búnaðar sem þar er.
Afgreiðslu frestað til næsta fundar.

Lagt fram svarbréf forstöðumanns íþróttamannvirkja vegna áskorunar frá formannafundi Skallagríms sem lögð var fram á síðasta fundi byggðarráðs.
Samþykkt að byggðarráð ásamt sviðsstjóra fjölskyldu- og fjármálasviðs fari í skoðunarferð í Íþróttamiðstöðina í Borgarnesi.

Lagðar fram tilnefningar í Ungmennaráð Borgarbyggðar. Skipunartími ráðsins er fram í október 2015 en þá mun sveitarstjórn skipa nýtt ráð til eins árs. Tómstundastjóri UMSB er tengiliður sveitarfélagsins við ráðið, starfar með því og er því til aðstoðar og kemur í stað forstöðumanns félagsmiðstöðva.
Í ungmennaráð sem starfar frá maí til október 2015 eru skipuð:
Frá Menntaskóla Borgarfjarðar
Aðalmenn: Herdís Ásta Pálsdóttir, Ingibjörg J. Kristjánsdóttir og Helena Rós Helgadóttir
Frá Nemendafélagi GBF á Kleppjárnsreykjum
Aðalmaður: Melkorka Sól Pétursdóttir
Frá Nemendafélagi GBF á Varmalandi
Aðalmaður: Þórður Brynjarsson
Frá Laugargerðisskóla
Aðalmaður: Þórður Már Jónsson
Varamaður: Guðbrandur Tumi Gíslason
Frá Nemendafélagi Grunnskólans í Borgarnesi
Aðalmaður: Thelma Karen Bjarnfinnsdóttir
Varamaður: Helena Jakobína Jónsdóttir

Lagt fram bréf starfsmanna Heilbrigðisstofnunar Vesturlands í Borgarnesi um samstarf í málefnum barna með hegðunar- og þroskavanda.
Erindinu er vísað til umfjöllunar í velferðarnefnd og fræðslunefnd.

Lagt fram bréf Hollvinasamtaka Borgarness um samstarf um upplýsingaskilti.
Vísað til fjárhagsáætlunar næsta árs.

Lagt fram bréf Margrétar Sigurþórsdóttur þar sem hún óskar eftir afnotum af sal Hjálmakletts sunnudaginn 6. september 2015 vegna styrktarsamkomu fyrir Brákarhlíð.
Samþykkt að Borgarbyggð styrki verkefnið með því að leggja til afnot af salnum án endurgjalds. Kostnaður verður færður á lið 05-810.
Bjarki Þorsteinsson vék af fundi á meðan þessi liður var afgreiddur vegna tengsla við aðila málsins.

Lagt fram bréf Sögufélags Borgarfjarðar þar sem óskað er eftir afnotum af skrifstofuherbergi í húsnæði Slökkviliðs Borgarfjarðar til að nýta sem geymslu fyrir bækur sem félagið hefur gefið út og önnur gögn.
Ingibjörg Daníelsdóttir og Guðmundur Brynjúlfsson frá Sögufélagi Borgarfjarðar komu á fundinn og kynntu starfsemi félagsins. Sögufélagið var stofnað árið 1963 og tilgangur þess er að stuðla að skrásetningu og útgáfu borgfirskra æviskráa. Ennfremur að vinna að ritun og útgáfu ýmissa annarra rita, t.d. Borgfirðingabók og Íbúatal Mýra- og Borgarfjarðarsýslu.
Afgreiðslu vísað til næsta fundar.

Lagður fram samningur við Fornbílafjelag Borgarfjarðar um leigu á Brákarbraut 25.
Sveitarstjóra falið að skrifa undir samninginn.

Lögð fram drög að umsögnum Sambands íslenskra sveitarfélaga um tvö lagafrumvörp frá Alþingi, annarsvegar um Verndarsvæði í byggð og hinsvegar um Vexti og verðtryggingu.

Sveitarstjóri kynnti aðkomu Borgarbyggðar að samkomulagi Golfklúbbs Borgarness og Arionbanka.
Samþykkt að styrkur, samkvæmt samningi við golfklúbbinn, vegna ársins 2016 verði greiddur fyrirfram sem lán á árinu 2015.

Eiríkur Ólafsson fjármálastjóri kom á fundinn og fór yfir rekstur málaflokka fyrstu þrjá mánuði ársins.

Lagt fram minnisblað um eignarhlut Borgarbyggðar í Orkuveitu Reykjavíkur.
Eiríkur Ólafsson kynnti samninga frá árinu 2005 um sameiningu Fráveitu Borgarfjarðarsveitar annarsvegar og Fráveitu Borgarbyggðar hinsvegar við Orkuveitu Reykjavíkur .

Lagt fram fundarboð á aðalfund Veiðifélagsins Hvítár sem fram fór þriðjudaginn 28. apríl sl. í félagsheimilinu Valfelli. Fulltrúi Borgarbyggðar á fundinum var Helgi Haukur Hauksson.

Lagt fram fundarboð á aðalfund Veiðfélags Gljúfurár sem fram fer í Edduveröld fimmtudaginn 30. apríl. Fulltrúi Borgarbyggðar á fundinum verður Sigurjón Jóhannsson.

Lagt fram fundarboð á aðalfund Landskerfis bókasafna.

Umhverfis- og samgöngunefnd Alþingis sendi til umsagnar tillögu til þingsályktunar um landsskipulagsstefnu 2015-2016.
Lagt fram.

Allsherjar- og menntamálanefnd Alþingis sendi til umsagnar frumvarp til laga til um verndarsvæði í byggð, 629. mál.
Lagt fram.

Allsherjar- og menntamálanefnd Alþingis sendi til umsagnar frumvarp til laga um lögræðislög (réttindi fatlaðs fólks, svipting lögræðis o.fl.), 687. mál.
Lagt fram.

Lögð fram fundargerð frá 374. fundi stjórnar Hafnarsambands Íslands.

Lögð fram fundargerð 214. fundar stjórnar Orkuveitu Reykjavíkur.

Lögð fram fundargerð 4. fundar vinnuhóps um stefnumótun í málefnum nýbúa.