Byggðarráð Borgarbyggðar

Lögð fram ályktun frá Búnaðarsamtökum Vesturlands þar sem skorað er á sveitarfélög á starfssvæði Búnaðarsamtaka Vesturlands að tryggja greiðan aðgang að timbur- og járnagámum og einnig að huga að förgun á lífrænum úrgangi og spilliefnum.
Borgarbyggð stendur fyrir umhverfisátaki í dreifbýli í byrjun júní. Sviðsstjóra umhverfis- og skipulagssviðs falið að vera í sambandi við bréfritara vegna átaksins.
Ályktuninni vísað til umhverfis-, skipulags- og landbúnaðarnefndar.

Lögð fram umsókn frá Margréti Jónsdóttur Njarðvík um aðstöðu í grunnskólum Borgarbyggðar og aðgang að tómstundaaðstöðu endurgjaldslaust sumarið 2015 vegna sumarbúða Mundo.
Sveitarstjóra falið að ræða við Margréti.

Rætt um ósk Sögufélags Borgarfjarðar um afnot af húsnæði í eigu Borgarbyggðar, sem tekið var fyrir á 341. fundi byggðarráðs.
Samþykkt að Sögufélagið fái afnot af skrifstofuherbergi í húsnæði Slökkviliðs Borgarfjarðar í eitt ár. Umsjónarmanni eigna falið að ganga frá samningi við félagið.

Kristján Finnur Kristjánsson umsjónarmaður eigna kom á fundinn og kynnti stöðu málsins.
Byggðarráð samþykkir breytingu á lóðinni samkvæmt teikningu. Í lóðarleigusamningi verður gert ráð fyrir lágmarksfjarlægð milli bygginga í samræmi við ákvæði byggingareglugerðar, sbr. gr. 9.7.5.

Kristján Finnur kynnti stöðu framkvæmda við Félagsheimilið Lyngbrekku.

Kolfinna kynnti ákvæði um rekstur þjónustumiðstöðvar í samningi UMSB og Borgarbyggðar.
Samþykkt að ganga frá samningi við UMSB um þjónustumiðstöð að Skallagrímsgötu 7a.

Fulltrúar Borgarbyggðar í stjórn Háskólans á Bifröst verða Matthías Páll Imsland, aðalmaður, og Björn Bjarki Þorsteinsson, varamaður.

Lagt fram fundarboð á aðalfund Faxaflóahafna sf sem fram fer í Reykjavík föstudaginn 29. maí næstkomandi.
Fulltrúi Borgarbyggðar á aðalfundinum verður Kolfinna Jóhannesdóttir sveitarstjóri.

Á fundinn komu Snorri Hjartarson, Jóhannes Stefánsson og Sigursteinn Sigurðsson og kynntu hugmyndir að skipulagi á lóðunum að Borgarbraut 57 og 59.

Lögð fram ályktun frá Íbúasamtökum Hvanneyrar og nágrennis. Í ályktuninni kemur meðal annars fram: "Íbúar Hvanneyrar og nágrennis telja mikilvægt að viðhalda grunnstoðunum til þess að efla íbúaþróun á svæðinu. Svo áframhaldandi íbúafjölgun verði á svæðinu teljum við mjög mikilvægt að grunnskóli sé á Hvanneyri. Skólinn er forsenda þess að fólk komi í sveitafélagið og velji Hvanneyri sem framtíðarheimili."
Borgar Páll Bragason, Sólrún Halla Bjarnadóttir, Álfheiður Sverrisdóttir, Sigurður Guðmundsson, Birgitta Sigþórsdóttir og Þóra Geirlaug Bjartmarsdóttir fulltrúar frá íbúasamtökum Hvanneyrar og nágrennis komu á fundinn og lögðu fram undirskriftalista frá íbúum á starfssvæði Grunnskóla Borgarfjarðar þar sem skorað er á sveitarstjórn að halda starfsemi grunnskóla áfram á öllum stöðvum í núverandi mynd.

Velferðarnefnd Alþingis sendi til umsagnar frumvarp til laga um breytingu á húsaleigulögum (réttarstaða leigjanda og leigusala), 696. mál.
Lagt fram.