Byggðarráð Borgarbyggðar

Með tilvísun til jafnræðis gagnvart starfsmönnum mun Borgarbyggð ekki loka stofnunum sínum þann 19. júní.

Byggðaráð samþykkir að Eiríkur Ólafsson verði fulltrúi Borgarbyggðar á aðalfundin LímtréVírnet hf.

Erindi framlagt og vísað til Umhverfis - skipulags og landbúnaðarnefndar.

Byggðaráð samþykkir að hefja undirbúning að stofnun vinnuhóps og felur sveitarstjóra að undirbúa næstu skref.

Sveitarstjóri sagði frá undirbúningi 17. júní hátíðarhalda.

Ályktun frá íbúafundi í Logalandi 25. maí lögð fram.

Þar sem skólastjóri Grunnskólans í Borgarnesi hefur sagt lausu starfi sínu af persónulegum ástæðum og aðstoðarskólastjóri hefur verið ráðinn skólastjóri í Snæfellsbæ er samþykkt að hefja ráðningarferil nýrra skólastjórnenda. Byggðaráð óskar fráfarandi stjórnendum velfarnaðar í framtíðinni og þakkar þeirra störf.

Fundargerð Eldriborgararáðs frá 22. maí lögð fram. Byggðaráð samþykkir að fela sveitarstjóra að boða fulltrúa ráðsins til fundar.

Guðrún Hilmisdóttir sviðsstjóri kemur á fundinn og fór yfir stöðu fyrirhugaðra framkvæmda við Kveldúlfsgötu. Framlagt bréf frá Guðsteini Einarssyni og Pétri Geirssyni vegna framkvæmda við Kveldúlfsgötu þar sem þeir mæla því mót að einvörðungu verið unnið í gangstéttum og lögnum undir þeim. Byggðaráð þakkar bréfriturum bréfið en áréttar þá framkvæmdaáætlun sem unnið er eftir.

Fyrir liggur að þjónustufulltrúi á Umhverfis- og framkvæmdasviði er að hætta störfum. Sviðsstjóri óskar heimildar til að auglýsa eftir þjónustufulltrúa í fullt starf. Byggðaráð samþykkir beiðnina.