Byggðarráð Borgarbyggðar

Framlögð tilkynning Þjóðskrár um hækkun fasteignamats 2016. Meðalhækkun í Borgarbyggð er 1,4%.

Fjarskipti vestast í sveitarfélaginu eru að ýmsu leyti óviðunandi. Verið er að vinna að lausn í samstarfi við Vodafone. Sveitarfélagið hefur fengið styrk úr sóknaráætlun í gegn um SSV að upphæð 1 milljón til uppsetningar 4G sendis á Rauðukúlu.

Framlagt erindi frá SSV þar sem leitað er eftir áhuga á samstarfi við fjölmiðlafyrirtækið N4 um samstarf um gerð efnis frá Vesturlandi til sýningar í sjónvarpi. Byggðaráð tekur jákvætt í að Borgarbyggð taki þátt í samstarfinu. Rætt um mögulega aðkomu héraðsfréttamiðla að verkefninu.

Jóhannes Stefánsson frá SÓ húsbyggingum mætti á fundinn varðandi útreikninga og álagningu gatnagerðargjalda vegna Borgarbrautar 57 og 59. Sveitarstjóra falið að afla frekari upplýsinga og vinna áfram að samningum.

Kaupsamningur við GG hús ehf vegna Kveldúlfsgötu 2b lagður fram. Byggðarráð staðfestir samninginn.

Framlagt minnisblað sviðsstjóra fjármálasviðs og fjármálastjóra varðandi lántökur 2015. Heimild er fyrir lántöku upp á 90 millj. í fjárhagsáætlun 2015. Lántakan verður notuð til að fjármagna yfirdráttarlán.

Framlagt bréf Spalar ehf um arðgreiðslur ársins 2015.

Framlögð tillaga að viðauka við fjárhagsáætlun ársins 2015. Sveitarstjóri gerði grein fyrir tillögunni. Byggðaráð samþykkir viðaukann eins og hann liggur fyrir.

Til að bregðast við aukinni aðsókn að sundlaugum á Varmalandi og Kleppjárnsreykjum samþykkir byggðarráð að heimila forstöðumanni íþróttamiðstöðva að ráða viðbótarstarfsmenn í júlí. Auknar tekjur mæta auknum kostnaði.

Sveitarstjóri gerði grein fyrir vinnu vinnuhóps um samstarf og/eða sameiningu þriggja háskóla.

Framlögð umsögn Sambands íslenskra sveitarfélaga um þrjú erindi sem varða undanþágur frá lágmarksíbúafjölda þjónustusvæða.

Sveitarstjóri kynnti fyrirhugaða heimsókn fulltrúa Iceland Water International í Borgarbyggð í næstu viku. Geirlaug vék af fundi undir þessum lið vegna tengsla við aðila máls.

Framlagður húsaleigusamningur við Sögufélag Borgarfjarðar.Byggðarráð staðfestir samninginn.

Framlögð fundargerð frá almennum fundi Upprekstrarnefndar Þverárhlíðar. Byggðarráð tekur undir bókun nefndarinnar og felur sveitarstjóra að kanna möguleika á málsókn.

Tillaga um breytingu leita og rétta frá afréttarnefnd BSN og afréttarnefnd Álftaneshrepps lögð fram. Byggðarráð samþykkir að vísa tillögunni til fjallskilanefndar Borgarbyggðar.

Framlögð tillaga Fjallskilanefndar Oddstaðaréttar um flýtingu rétta. Byggðaráð samþykkir að vísa tillögunni til fjallskilanefndar Borgarbyggðar.

Framlögð tillaga Afréttarnefndar Hraunhrepps um breytingu á göngum og réttum. Byggðarráð samþykkir að vísa tillögunni til fjallskilanefndar Borgarbyggðar.

Fundargerðir stjórnar OR frá fundum 216 og 217 lagðar fram.

Fundargerð 117. fundar stjórnar SSV lögð fram.