Byggðarráð Borgarbyggðar

Miðvikudaginn 26. ágúst verður undirritaður þjóðarsáttmáli um læsi við athöfn í Safnahúsi Borgarbyggðar. Með sáttmálanum skuldbinda sveitarfélög og ríki sig til að vinna að eflingu læsis.

Framlagt bréf Lögreglustjórans á Vesturlandi varðandi Samstarfsnefnd lögreglu og sveitarfélaga á Vesturlandi. Boðað er til fundar 14. september n.k. hér í Borgarnesi. Sveitarstjóri er fulltrúi sveitarfélagsins á fundinum.

Kauptilboð í íbúð 201 á Kveldúlfsgötu 28 lagt fram. Byggðarráð samþykkir tilboðið og felur sveitarstjóra að ganga frá kaupsamningi.

Framlögð umsókn Hlédísar Sveinsdóttur um styrk vegna Sauðamessu 2015. Byggðarráð samþykkir að veita styrk að upphæð 150.000.- kr. Færist af 05-710-4912.

Framlögð beiðni Fornbílafjelags Borgarfjarðar um styrk til viðhalds gömlu fjárréttarinnar í Brákarey. Erindi vísað til gerðar fjárhagsáætlunar.

Samningar um skólaakstur við Laugargerðisskóla eru lausir. Samþykkt að heimila sviðsstjóra að semja um skólaakstur til eins árs en stefna að útboði fyrir næsta skólaár. Aðrir samningar um skólaakstur eru lausir næsta vor. Framlagt minnisblað frá Inga Tryggvasyni varðandi skólaaksturssamninga við Laugargerðisskóla.

Bréf Bjarna Guðmundssonar á Hvanneyri lagt fram en þar segir hann sig frá þeim trúnaðarstörfum fyrir Borgarbyggð sem hann hefur verið kjörinn til, þ.e. aðalmaður í kjörstjórn Kleppjárnsreykjakjördeildar og varamaður í fulltrúaráði EBÍ. Byggðarráð þakkar Bjarna vel unnin störf í þágu sveitarfélagsins á liðnum árum. Byggðarráð samþykkir að Bergur Þorgeirsson taki sæti í kjörstjórn Kleppjárnsreykjakjördeildar og varamanns í fulltrúaráð EBÍ.

Framlögð tillaga um viðtalstíma sveitarstjórnarmanna. Byggðarráð samþykkir að auglýsa viðtalstímana.

Framlögð ályktun og undirskriftarlisti frá starfsmönnum Grunnskóla Borgarfjarðar varðandi breytingar á tilhögun fræðslumála.

Framlagt erindi Fjallskilanefndar Suður - Dala varðandi aðstöðu í Sveinatungulandi. Byggðarráð samþykkir að vísa erindinu til afréttarnefndar Þverárréttar.

Framlagður samningur um landleigu undir Oddstaðarétt ásamt athugasemdum sem borist hafa. Samþykkt að fela fjallskilanefnd Oddstaðaréttar að vinna að gerð samnings á grundvelli fyrirliggjandi gagna.

Byggðarráð hafði óskað eftir umsögn fjallskilanefndar Borgarbyggðar um erindi þar sem óskað er eftir að Rauðsgilsrétt verði lögð niður. Fjallskilanefnd Borgarbyggðar tekur undir álit fjallskilanefndar Rauðsgilsréttar um að réttin verði áfram á þessum stað. Samþykkt að láta kostnaðarmeta nauðsynlegar endurbætur.

Nokkur óvissa hefur ríkt um fjármagn til viðhalds á varnargirðingum m.a. til að viðhalda girðingu frá Arnarvatni Stóra í Langjökul. Mýra- og Borgarfjarðarsýsla hefur verið svæði laust við riðu. Viðbótarfjármagn fékkst í sumar til að viðhalda framangreindri varnarlínu. Byggðaráð leggur áherslu á mikilvægi þess að fjármagn til viðhalds sauðfjárveikivarnargirðinga verði áfram tryggt þannig að hægt verði að sinna viðhaldi að vori.

Fjallskilanefnd Borgarbyggðar leggur til að tekið verði upp bæjarnúmer fyrir sveitarfélagið svo merkja megi ómerkinga að hausti. Erindinu vísað til afgreiðslu Umhverfis - og skipulagssviðs.

Framlögð beiðni eigenda Hæls í Flókadal um að jörðin verði undanskilin fjallskilum. Erindinu vísað til afréttarnefndar Rauðsgilsréttar til umsagnar.

Ný fjallskilasamþykkt fyrir sveitarfélagið o. fl. lögð fram.