Byggðarráð Borgarbyggðar

Eiríkur Ólafsson fjármálastjóri mætti á fundinn og fór yfir fjárhagsstöðuna í lok júlí miðað við fjárhagsáætlun. Í flestum liðum er kostnaður undir áætlun en jafnframt eru tekjur nokkuð undir áætlun. Þrátt fyrir fjölgun íbúa og góða atvinnustöðu virðast útvarstekjur ekki vera í samræmi við væntingar. Rætt um áhrif starfsmats og verðbólguþróunar á niðurstöður ársuppgjörs.

Fundargerð 158. fundar í safnahúsi Borgarfjarðar lögð fram.

GE og BBÞ lögðu fram svohljóðandi tillögu með vísan í tillögur um stofnun vinnuhópa um atvinnu - og upplýsingarmál.
"Varðandi verkefni í tengslum við atvinnumál annarsvegar og upplýsingamál hinsvegar þá leggja undirrituð til að byggðarráð sinni þeim verkefnum. Gerð verði skýr markmiða- og verkáætlun fyrir bæði verkefnin og sveitarstjóra falið að leggja fram til umræðu á næsta fundi byggðarráðs. Samkvæmt samþykktum Borgarbyggðar eru fyrrgreind verkefni á ábyrgð byggðarráðs og því eðlilegt að umsjónin sé hjá því."
Tillagan samþykkt með tveimur atkvæðum. GJ situr hjá.

Vísað er til afgreiðslu máls 1505074.

Lögð fram beiðni Finns Torfa Hjörleifssonar um leiðréttingu fasteignagjalda. Erindinu vísað til Umhverfis - og skipulagssviðs.

Framlagt bréf skólastjóra Grunnskólans í Borgarnesi þar sem sótt er um hækkun á stöðuhlutfalli v. stuðnings. Byggðarráð samþykkir beiðnina og færist kostnaður, 779 þús. á liðinn 04-090.

Framlagt bréf Hringiðunnar um uppsögn á samningi um fjarskipti.

Bréf frá foreldrafélagi Andabæjar varðandi skipan leikskólastjóra lagt fram. Sveitarstjóri sagði frá fundi sem hann átti með fulltrúum í stjórn foreldrafélags Andabæjar.

Framlagt bréf Barnaheilla um gjaldfrjálsan grunnskóla.

Kynningargögn varðandi Evrópsku samgönguvikuna í sept. lögð fram. Forstöðumenn stofnana og fyrirtækja í Borgarbyggð hvattir til að nota tækifærið og huga að vistvænum samgöngum.

Framlögð bréf varðandi friðlýsingu gömlu bæjartorfunnar á Hvanneyri. Byggðarráð lýsir ánægju sinni með friðlýsinguna.

Byggðarráð samþykkir að skipa Guðrúnu S. Hilmisdóttir í stjórn Hitaveitu Kleppjárnsreykja.

Framlagður þjóðarsáttmáli um læsi, undirritaður af menntamálaráðherra, sveitarstjóra f.h. Borgarbyggðar og fulltrúa Heimilis og skóla.