Byggðarráð Borgarbyggðar

Framlagt minnisblað fjármálastjóra v. frávika frá fjárhagsáætlun.

Framlögð tillaga um skiptingu tekna ársins 2016 niður á málaflokka. Byggðarráð samþykkir að heimila fjármálasviði að vinna skv. fyrirliggjandi skiptingu með áorðnum breytingum.

Framlagður undirskriftalisti íbúa við Túngötu þar sem mótmælt er fyrirhugaðri sölu skólahúss á Hvanneyri.

Kristján Finnur Kristjánsson umsjónarmaður fasteigna kom á fundinn og fór yfir fyrirhugaðar breytingar á skólahúsnæði á Varmalandi sem nauðsynlegar eru vegna fyrirhugaðrar sölu á Húsmæðraskólanum. Samþykkt að heimila umsjónarmanni fasteigna að undirbúa framkvæmdir í samræmi við fyrirliggjandi kostnaðaráætlun. Kostnaði verði mætt með tekjum af sölu fasteigna.

Framlagt uppkast frá Skorradalshreppi að skammtímasamningi um skólahald.
Sveitarstjóra falið að funda með oddvita Skorradalshrepps um stöðu málsins. Skýrt þarf að koma fram í því samtali að óréttlætanlegt er fyrir íbúa í Borgarbyggð að Skorradalshreppur greiði lægra gjald pr.nemenda í Grunnskóla Borgarfjarðar en skattgreiðendur í Borgarbyggð. Mikilvægt er að lending fáist í málið fyrir 01.11.2015.

Framlögð gögn vegna NPA samninga. Samþykkt að hækka tímagjald vegna NPA samnings í kr. 3.090 á klst. Hækkunin gildir frá 1. september 2015. Komi ekki til hækkun á framlagi ríkisins til verkefnisins getur sveitarfélagið ekki samþykkt frekari hækkun á yfirstandandi fjárhagsári.

Framlagt tilboð í Gunnlaugsgötu 17 að upphæð 5,6 millj. Byggðarráð samþykkir framkomið kauptilboð.

Framlagt bréf Bjarna S. Ásgeirssonar hrl. v. afréttargirðingar á Króki ásamt niðurstöðu nefndar um girðingarmál. Sveitarstjóra falið að upplýsa bréfritara um afstöðu sveitarfélagsins til þessa máls sbr. afgreiðslu máls nr. 1509059.

Framlagt lögfræðiálit frá LEX lögmannsstofu v. Krókslands. Samþykkt að fela sveitarstjóra að semja við LEX lögmannsstofu um að undirbúa málsókn á grundvelli hefðar.

Framlagt þakkarbréf frá heimilis - og starfsfólki í Brákarhlíð fyrir afnot af Hjálmakletti.

Starfsleyfistillaga fyrir útungun í Múlakoti lögð fram. Byggðarráð gerir ekki athugasemdir við að umbeðið starfsleyfi verði gefið út.

Fundargerðir nr. 1 - 4 og áfangaskýrsla byggingarnefndar GB lagðar fram. Helgi Haukur Hauksson tekur sæti Guðveigar Eyglóardóttur í nefndinni.

Framlögð beiðni Félags nýrra Íslendinga um styrk. Byggðarráð samþykkir að styrkja félagið með afnotum af Hjálmakletti.

Framlagt minnisblað vegna ritunar sögu Borgarness á árinu 2016. Samþykkt að vísa minnisblaðinu til gerðar fjárhagsáætlunar 2016. Guðveig vék af fundi undir þessum lið.

Framlagt bréf frá Íbúaráði Háskólans á Bifröst varðandi fjárhagsáætlun 2016. Byggðarráð samþykkir að vísa erindinu til gerðar fjárhagsáætlunar 2016.

Framlögð tilkynning um fjármálaráðstefnu sveitarfélaga.

Framlagt bréf Alþingis varðandi viðtalstíma Fjárlaganefndar. Gert er ráð fyrir viðtalstíma 9. október.

Framlagt fundarboð v. ársfundar Jöfnunarsjóðs sveitarfélaga. Sveitarstjóri mun sækja þann fund.

Framlagt fundarboð á haustfund SSV 7. október.

Framlögð gögn v. Skipulagsdags 2015.

Fundargerð 159. fundar í Safnahúsi Borgarfjarðar lögð fram.

Fundargerð 119. fundar stjórnar SSV framlögð.