Byggðarráð Borgarbyggðar

Framlögð erindisbréf fyrir vinnuhópa sem stofnaðir verða um hagræðingu í rekstri málaflokka á sviði félagsþjónustu, menningarmála, æskulýðs- og íþróttamála og á sviði umhverfis- og skipulagsmála.

Framlagt kauptilboð í einbýlishús 1 á Varmalandi. Byggðarráð samþykkir tilboðið.

Framlagt erindi Hjúkrunarheimilisins Brákarhlíðar um framlag árið 2016. Byggðarráð samþykir að vísa erindinu til gerðar fjárhagsáætlunar.

Framlögð beiðni skólameistara MB um þátttöku í húsgagnakaupum f. Hjálmaklett. Samþykkt að vísa erindinu til gerðar fjárhagsáætlunar.

Framlagður úrskurður Úrskurðarnefndar umhverfis - og auðlindamála vegna kæru IKAN vegna Egilsgötu 6. Samþykkt að vísa úrskurðinum til umhverfis-skipulags og landbúnaðarnefndar.

Framlagt fundarboð frá Veiðifélagi Álftár. Byggðarráð samþykkir að Einar Ole Pedersen verði fulltrúi Borgarbyggðar á fundinum.

Framlögð fundargerð heilbrigðisnefndar frá 7. sept. og úrskurður vegna framsals þvingunarúrræða (v. númerslausra bíla) frá Heilbrigðiseftirliti Vesturlands. Samþykkt að vísa málinu til umfjöllunar hjá umhverfis - og skipulagssviðs.

Framlögð ályktun Heimilis og skóla varðandi dekkjakurl á fótboltavöllum. Ennfremur lagt fram minnisblað frá verkefnisstjóra á umhverfis og skipulagssviði Borgarbyggðar. Byggðarráð telur fulla ástæðu til að fylgjast með umræðum og rannsóknum sem gerðar eru á notkun dekkjakurls á íþróttavöllum.

Framlögð beiðni frá framkvæmdaaðilum Sauðamessu 2015 um heimild til að halda 16 ára ball í Hjálmakletti. Með tilvísun til samþykktar sveitarstjórnar 2013 hafnar byggðarráð beiðninni.

Framlagt boðsbréf Snorrastofu v. 20 ára afmælis. Menningar- og miðaldastofnunin Snorrastofa býður til dagskrár í tilefni af 20 ára afmæli sínu, laugardaginn 3. október næstkomandi kl. 15. Byggðarráð óskar Snorrastofu til hamingju með áfangann og farsælt starf síðustu 20 ára.

Framlagt fundarboð og ársreikningur fyrir Reiðhöllina Vindási ehf. Byggðarráð samþykkir að Eiríkur Ólafsson fjármálastjóri sæki fundinn fyrir hönd Borgarbyggðar.

Framlögð viljayfirlýsing frá Gagnaveitu Reykjavíkur varðandi ljósleiðaravæðingu. Þar kemur fram að fyrirtækið lýsir vilja sínum til að leggja ljósleiðara í öll hús í Borgarnesi og á Hvanneyri á næstu tveimur árum.
Sveitarstjóri greindi frá undirbúningsvinnu varðandi ljósleiðaravæðingu í dreifbýli. Ákveðið hefur verið að gera könnun í dreifbýli til að meta umfang verkefnisins.

Oddur Jónsson frá KPMG og Aldís Arna Tryggvadóttir sviðsstjóri komu á fundinn og fóru yfir reikningsskilaaðferðir.

Byggðarráð leggur til að reikningsskilaleg framsetning samnings milli ríkissjóðs og Borgarbyggðar um byggingu, fjármögnun og rekstur hjúkrunarheimilis verði, frá og með árinu 2015, hagað þannig að farið verði með hann sem fjármögnunarleigusamning og beitt hefðbundnum reikningsskilareglum í samræmi við það. Er það mat byggðarráðs að sú framsetning endurspegli betur efnahagsleg áhrif samningsins á samningstíma. Breyting fjárhæða sbr. fyrirliggjandi gögn færist sem tilfærslur í fjárhagsáætlun ársins 2015 ásamt innri leigu í samræmi við reikningsskilareglur sveitarfélaga.

Framlagt til umsagnar 10. mál frá nefndasviði Alþingis

Framlagt til umsagnar 140. mál frá nefndasviði Alþingis.

Framlagt til umsagnar 140. mál frá nefndasviði Alþingis.

Frá nefndasviði Alþingis, velferðarnefnd, - 35. mál til umsagnar

Framlagt til umsagnar 133. mál frá nefndasviði Alþingis.

Framlögð fundargerð 136. fundar stjórnar Faxaflóahafnar.

Til umsagnar 101. mál frá umhverfis- og samgöngunefnd Alþingis

Til umsagnar 3. mál frá velferðarnefnd Alþingis

Framlögð fundargerð 160. fundar Safnahúss Borgarfjarðar.

Til umsagnar 4. mál frá velferðarnefnd Alþingis

Fundargerð 377. fundar stjórnar Hafnasambands Íslands framlögð.