Byggðarráð Borgarbyggðar

Fundargerð 121. fundar stjórnar SSV lögð fram.

Fundargerð 139. fundar stjórnar Faxaflóahafna sf. lögð fram.

Framlagðar skýrslur hagræðingarhópa á sviði umhverfis - og skipulagsmála og fjölskyldu- menningar - íþrótta og tómstundamála. Helgi Haukur Hauksson og Jónína Erna Arnardóttir formenn hagræðingarhópanna kynntu skýrslurnar. Byggðarráð þakkar formönnum kynninguna og vinnuhópunum góða vinnu. Byggðarráð felur sveitarstjóra og sviðsstjórum að vinna tillögur að næstu skrefum.

Framlagt minnisblað félagsmálastjóra um NPA samning. Hjördís Hjartardóttir félagsmálastjóri og Anna Magnea Hreinsdóttir sviðsstjóri fjölskyldusviðs sátu fundinn undir þessum lið. Rætt um kostnaðarhækkun vegna launahækkana. Kynntu þær hækkun sérstakra framlaga Jöfnunarsjóðs vegna NPA úr 20% í 25% vegna ársins 2016.

Framlagður úrskurður innanríkisráðuneytis í stjórnsýslukæru Íbúasamtaka Hvanneyrar og nágrennis á hendur Borgarbyggð. Ráðuneytið vísar kærunni frá.

Lögð fram beiðni íbúa um endurreikning fasteignagjalda vegna breyttrar skráningar fasteignamats, fimm ár aftur í tímann. Erindið samþykkt.

Framlagður póstur frá UMSB þar sem beðið er um tilnefningu fulltrúa í valnefnd skv. reglugerð þar um. Samþykkt að tilnefna Írisi Grönfeld fulltrúa Borgarbyggðar í valnefndinni.

Gestur J. Grjetarsson umsjónarmaður tölvumála og Helga Margrét Friðriksdóttir innheimtufulltrúi sátu fundinn undir þessum lið. Kynntu þau stöðu vinnu við endurskoðun á fjarskipta - og tölvumálum með það að markmiði að tryggja rekstraröryggi og aukna hagkvæmni. Samþykkt að endursemja við Símann um far - og borðsímaþjónustu. Samningurinn gerir ráð fyrir að kostnaður lækki um 2 millj. á ársgrunni.

Framlögð leiðrétting á gjaldskrá akstursþjónustu 2016. Byggðarráð samþykkir leiðréttingu á gjaldskrá ferðaþjónustu þannig að gjald fyrir hverja ferð verði 210 kr. og 125 kr. með afsláttarmiða.

Framlagt bréf Kjartans Ragnarssonar varðandi hugmyndir að sýningum er lúta að sögu þjóðveldisins. Byggðarráð samþykkir að fela sveitarstjóra að ræða við bréfritara og fulltrúa SSV.

Byggðarráð Borgarbyggðar mælir ekki með því við Alþingi að frumvarp um breytingu á lögum um tekjustofna sveitarfélaga 263. mál, verði samþykkt.

Ljóst er, ef af verður, munu sveitarfélög á höfuðborgarsvæðinu fá stóran hluta þess framlags sem rennur til Jöfnunarsjóðs vegna bankaskattsins. Það hefur í för með sér að sveitarfélög á landsbyggðinni munu fá minna en ef að framlagið færi í hefðbundinn farveg úthlutunar Jöfnunarsjóðs.

Byggðarráð áréttar að hlutverk Jöfnunarsjóðs er að jafna fjárhagslega stöðu sveitarfélaga.

Framlögð tillaga að tekjumörkum vegna afsláttar af fasteignaskatti elli - og örorkulífeyrisþega á áriu 2016. Byggðarráð samþykkir tillöguna.

Framlögð skýrsla Veiðifélags Norðurár um veiði árið 2015.

Framlagt bréf EFS dags. 2.12.2015. Í bréfinu kemur fram að ekki er óskað eftir frekari upplýsingum vegna ársins 2014 og útkomuspár 2015. Í bréfinu er hvatt til áframhaldandi aðhalds í rekstri og nauðsyn þess að jafnvægisreglu verði náð.

Framlögð beiðni Fornbílafjelags Borgarfjarðar um heimild til að framleigja hluta af húsnæði því er það hefur til afnota hjá Borgarbyggð. Byggðarráð tekur jákvætt í erindið og er sveitarstjóra falið að afla frekari gagna.

Framlagt bréf SSV um endurskoðun á samningi um sameiginlegt þjónustusvæði Vesturlands um málefni fatlaðra. Byggðarráð lýsir yfir vilja til að vinna að endurskoðun samnings.

Fundargerðir 223. og 224. funda stjórnar Orkuveitu Reykjavíkur lagðar fram.