Byggðarráð Borgarbyggðar

Framlagðar tillögur að framkvæmd hugmynda vinnuhópa um hagræðingu í rekstri byggt á skýrslum þeirra. Sveitarstjóri kynnti hugmyndirnar og þá vinnu sem fara þarf í, í kjölfar þessara skýrslna. Byggðarráð samþykkir fyrirliggjandi tillögur að verklagi.

Gestur A. Grjetarsson mætti á fundinn og kynnti hagræðingarmöguleika í netþjónustu. Byggðarráð samþykkti að óska eftir útfærðri tillögu og aðgerðaráætlun fyrir næsta fund.

Ingi Tryggvason og Kristján Finnur Kristjánsson umsjónarmaður fasteigna komu á fundinn og fóru yfir mál varðandi beiðni Fornbílafjelags Borgarfjarðar um framleigu húsnæðis. Byggðarráð felur Inga Tryggvasyni að gera minnisblað um stöðu sveitarfélagsins í ljósi samnings við Fornbílafjelagið og reglur Borgarbyggðar um útleigu fasteigna í Brákarey.

Framlagðar umsagnir skólaráða GB, GBF og foreldraráðs leikskólans Andabæjar varðandi tillögu fræðslunefndar um skólastarf á Hvanneyri. Byggðarráð þakkar framkomnar umsagnir og samþykkir að vísa þeim til fræðslunefndar.

Framlögð umsókn Íbúasamtaka Hvanneyrar og nágrennis um heimild til að stofna sjálfstæðan skóla á Hvanneyri.
Byggðarráð samþykkir eftirfarandi:
Fræðslunefnd hefur lagt fram tillögu um að samrekinn leik- og grunnskóli á Hvanneyri verði fyrir nemendur frá 18 mánaða aldri til loka þriðja bekkjar í Andabæ og að skólaakstur verði að Kleppjárnsreykjum. Þessi tillaga er nú til umfjöllunar í byggðaráði og fræðslunefnd og liggja fyrir umsagnir skóla - og foreldraráða.
Tillaga um sjálfstætt starfandi skóla á Hvanneyri þar sem m.a. er gert er ráð fyrir fjölgun bekkjardeilda upp í 7. bekk og framlagi Borgarbyggðar til reksturs í samræmi við 3. mgr. 43. gr. laga um grunnskóla nr. 91/2008 er ekki í samræmi við fyrirliggjandi tillögu um samrekinn leik - og grunnskóla. Byggðaráð samþykkir að hafna framkominni beiðni Íbúasamtaka Hvanneyrar og nágrennis um heimild til að stofna sjálfstæðan skóla á Hvanneyri. Er það gert með vísan til 1. mgr. 43. gr laga um grunnskóla nr. 91/2008.

Framlögð umsögn Sókn lögmannsstofu varðandi réttarstöðu Borgarbyggðar í tengslum við frumvarp um breytingu á lögum um tekjustofna sveitarfélaga og afturvirkni þeirra. Sveitarstjóra falið að fylgja eftir áliti Sókn lögmannsstofu og kynna það fyrir Jöfnunarsjóði sveitarfélaga. Skv. álitinu kann Borgarbyggð að eiga lögvarða kröfu um framlög úr Jöfnunarsjóði m.v. gildandi reglur á árinu 2014, 2015 og e.t.v. 2016

Fundargerð 166. fundar í Safnahúsi Borgarfjarðar lögð fram.

Framlagt bréf Gunnars Kristjánssonar varðandi fráveitu við Kjartansgötu 21 og 23. Erindinu vísað til Umhverfissviðs til úrvinnslu.

Framlagt bréf Borgarfjarðardeildar Norræna félagsins varðandi Vinabæjarmót 2016. Samþykkt að vísa hugmynd um samstarf um skólaverkefni til fræðslunefndar.

Framlögð skýrsla Veiðimálastofnunar um Norðurá 2016.

Framlagt bréf SSV þar sem óskað er eftir tilnefningu frá Borgarbyggð í vinnuhóp um samgönguáætlun Vesturlands. Byggðarráð samþykkir að tilnefna Björn Bjarka Þorsteinsson til setu í vinnuhópnum.