Byggðarráð Borgarbyggðar

Rætt um skipan í afmælisnefnd vegna 150 ára afmælis Borgarness. Samþykkt að vinna áfram að erindisbréfi í samræmi við umræður og leggja það fram á næsta fundi.

Framlögð beiðni fjallskilanefndar Oddstaðaréttar um heimild til flýtingar rétta haustið 2016. Samþykkt að vísa erindinu til fjallskilanefndar Borgarbyggðar.

Framlagt tilboð Hringiðu ehf í áframhaldandi rekstur þráðlauss netkerfis á sunnanverðu Snæfellsnesi. Samþykkt að fela sveitarstjóra að afla frekari upplýsinga um málið fyrir næsta fund.

Framlögð fundargerð 230. fundar stjórnar OR.

Lögð fram áætlun um fundi byggðarráðs í júlí. Samþykkt að halda fundi 7. og 21. júlí.

Framlagt bréf frá Sambandi ísl. sveitarfélaga um landsáætlun um uppbyggingu innviða og kortlagningu ferðamannastaða. Byggðarráð samþykkir að tillnefna Hrafnhildi Tryggvadóttir sem tengilið vegna landsáætlunar um uppbyggingu innviða og kortlagningu ferðamannastaða.

Framhald vinnu við menningarstefnu Borgarbyggðar rædd. Samþykkt að vísa stefnunni til sveitarstjórnar í ágúst með áorðnum breytingum.

Framlagt bréf frá Mótorsportfélagi Borgarfjarðar þar sem mótmælt er settum skilyrðum vegna umsóknar um svæði fyrir mótorkrossbraut.

Framlögð gögn vegna 3ja fasa rafmagns á Mýrum.
Svohljóðandi bokun lögð fram "Byggðarráð Borgarbyggðar lýsir áhyggjum sínum yfir hægagangi varðandi lagningu 3ja fasa rafmagns um héraðið. Samkvæmt upplýsingum frá RARIK liggur fyrir að það muni að óbreyttu taka um 20 ár að ljúka þessu verki. Það er verri staða en víða annarsstaðar á landinu. Þetta er óásættanleg framtíðarsýn fyrir margháttaða atvinnustarfsemi í dreifbýli sveitarfélagsins. Byggðarráð Borgarbyggðar skorar á þingmenn kjördæmisins og ríkisvaldið að taka þessa stöðu til umfjöllunar og leita allra leiða til að flýta lagningu 3ja fasa rafmagns um héraðið til að tryggja búsetu og gera stórum og tæknivæddum fyrirtækjum kleyft að starfa í dreifbýli Borgarbyggðar eins og í öðrum héruðum landsins."
Samþykkt samhljóða

Framlagður ráðningarsamningur við sveitarstjóra. Byggðarráð samþykkir samninginn.

Framlagt bréf Baldurs Jónssonar um samþykkt um hundahald. Í bréfinu kemur fram að reglum sé ekki framfylgt og því rétt að afnema þær. Samþykkt að vísa erindinu til Umhverfis - skipulags - og landbúnaðarnefndar.

Framlagt erindi frá Saga jarðvangi um stuðning við stofnun jarðvangsins. Byggðarráð samþykkir að vísa erindinu til fjárhagsáætlunargerðar.

Framlagt bréf frá Ferðamálastofu um samstarf vegna mats og kortlagningar viðkomustaða ferðafólks.

Rætt um skipulagsbreytingu á fjármálasviði. Byggðarráð samþykkir að heimila sveitarstjóra að ráða Eirík Ólafsson sviðsstjóra fjármála - og stjórnsýslusviðs. Kostnaðarauka vísað til viðauka við fjárhagsáætlun.

Framlagt bréf frá Innanríkisráðuneyti þar sem vakin er athygli á tilraunaverkefni um rafrænar íbúakosningar.

Framlagt minnisblað sviðsstjóra fjölskyldusviðs vegna umsóknar um 1/2 leikskólapláss. Byggðarráð samþykkir að hafna umsókninni.

Framlögð kostnaðaráætlun og tilboð í hjólabrettaramp o. fl. Byggðarráð samþykkir fyrirliggjandi tilboð í hjólabrettaramp og stigatöflu enda rúmist sá kostnaður innan fjárhagsáætlunar.

Framlagt erindi Leikdeildar Umf. Skallagríms um styrk vegna 100 ára afmælishátíðar. Byggðarráð samþykkir erindið.

Framlagt bréf Umboðsmanns Alþingis til Borgarbyggðar vegna afgreiðslu á erindum Þorsteins Mána Árnasonar. Ennfremur lagt fram afrit af bréfi UA til ÞMÁ.

Framlögð fundargerð 231. fundar stjórnar OR

Rætt um bílastæðamál við Arnarklett 28. Byggðarráð samþykkir að fjölga bílastæðum við Arnarklett 28 til að uppfylla ákvæði byggingarreglugerðar og felur umhverfis - skipulagssviði að vinna að útfærslu.

Framlagt bréf frá Faxaflóahöfnum um arðgreiðslur 2016. Hlutur Borgarbyggðar er kr. 12.860.320.-

Framlögð drög að kostnaðaráætlun vegna skotsvæðis frá forsvarsmönnum Skotfélags Borgarfjarðar og bréf frá eigendum Lækjarkots.

Framlagt minnisblað varðandi reglur um bann við gistingu utan tjaldstæða.

Framlögð beiðni Samgöngustofu um umsögn sveitarstjórnar vegna ökutækjaleigu aðHrafnkelsstöðum. Byggðarráð samþykkir að leggjast ekki gegn rekstri ökutækjaleigu fyrir sitt leiti.

Framlagt bréf frá Brynjólfi Guðmundssyni þar sem hann segir sig frá trúnaðarstörfum fyrir Borgarbyggð. Byggðarráð samþykkir að fela sveitarstjóra að skoða feril máls þess sem um ræðir og leggja minnisblað fyrir byggðarráð.