Byggðarráð Borgarbyggðar

Erindi GG ráðgjöf ehf um áhættumat stofnana og verndaráætlanir hafna lagt fram.

Framlagt bréf slökkviliðsstjóra Borgarbyggðar varðandi framkvæmdir á lóð Borgarbrautar 57 og 59. Í því kemur fram að slökkviliðið hefur ekki yfir að ráða tækjum til björgunar úr háhýsum. Erindinu vísað til umsagnar sframkvæmda - og skipuagssviðs.

Framlagt þakkarbréf frá Landbúnaðarsafni íslands ásamt tveimur bókum "Konur breyttu búháttum" sem safnið færir Borgarbyggð að gjöf. Byggðarráð þakkar gjöfina.

Á fundinn kom Karl Hálfdánarson frá fyrirtækinu Radíóver. Hann kynnti drög að kostnaðarútreikningum vegna lagningu ljósleiðara um Borgarbyggð í heild sinni. Einnig lagði hann fram útreikninga fyrir lagningu ljósleiðara frá Stóra Kroppi að Reykholti vegna fyrirhugaðrar vinnu Rarik á þeirri leið. Byggðarráð samþykkir að halda áfram vinnu við undirbúning málsins.

Framlögð fundargerð Byggingarnefndar Grunnskólans í Borgarnesi dags. 25.7.2016.

Framlagt bréf frá Trausta Eiríkssyni f.h. Lækjarkots ehf. vegna dráttar á útgáfu rekstrarleyfis.

Byggðarráði Borgarbyggðar hefur borist erindi dagsett 14. júlí 2016 frá Trausta Eiríkssyni 101046-2739 f.h. Lækjarkots ehf 500209-0970 310 Borgarbyggð.
Í erindinu eru m.a. gerðar fjárkröfur á hendur Borgarbyggðar sökum meints taps Lækjarkots ehf vegna samskipta Lækjarkots ehf við skipulags- og byggingarfulltrúa Borgarbyggðar vegna útgáfu rekstrarleyfis til Lækjarkots ehf að reka gististað í flokki IV. Lagður er fram reikningur þar að lútandi að fjárhæð 7.440.000 krónur.
Byggðarráð Borgarbyggðar hafnar greiðsluskyldu í þessu sambandi.

Byggðarráð Borgarbyggðar felur Umhverfis- skipulags- og landbúnaðarnefnd að afla nánari upplýsinga um húsnæði, sem getur fallið undir skilgreininguna hjólhýsi eða áþekk hús, hvað varðar skráningarskyldu til fasteignamats, skipulagsskyldu og annað sem málið kann að varða.
Einnig felur byggðarráð forstöðumanni umhverfis - og skipulagssviðs að ræða við Trausta Eiríksson f.h. Lækjarkots ehf um þau efnisatriði sem fram koma í bréfi hans dags. 14. júlí 2016.

Erindi varðandi fjallskil sem vísað var til byggðarráðs. Byggðarráð heimilar beiðni Þorkels Þórðarsonar um að gera fjallsskil í Kolbeinsstaðahreppi með vísun til 7. greinar fjallskilareglugerðar.

Beiðni landeigenda á Signýjarstöðum í Hálsasveit um stofnun lóðar úr landi jarðarinnar. Byggðarráð samþykkir að lóðin verði stofnuð.

Framlögð fyrirspurn KK Hótel ehf um möguleika á leigu á húsnæði Grunnskóla Borgarfjarðar á Hvanneyri. næsta sumar. Byggðarráð þakkar fyrir erindið en að svo stöddu eru ekki forsendur til útleigu.

Framlagt bréf íbúa við Arnklett 20 - 24 varðandi frágang og framkvæmd á gangstétt og innkeyrslu. Byggðarráð samþykkir að fela umhverfis - og skipulagssviði að vinna úr erindinu.

Framlagt bréf frá IKAN ehf til skipulags - og byggingarfulltrúa. Erindið er til úrvinnslu hjá skipulsgs - og byggingarfulltrúa.

Framlagt minnisblað sviðsstjóra fjölskyldusviðs varðandi brýnar viðhaldsframkvæmdir í Tónlistarskóla og Óðals. Umsjónarmaður fsteigna sat fundinn undir þessum lið. Byggðarráð felur umsjónarmanni fasteigna að gera nánari kostnaðar - og framkvæmdaráætlun og leggja fyrir næsta funda byggðarráðs.

Byggðarráð Borgarbyggðar lýsir yfir ánægju sinni með vel heppnað Unglingalandsmót UMFÍ sem haldið var í Borgarnesi dagana 28. ? 31. júlí sl. Samstarf Borgarbyggðar við UMFÍ og UMSB við undirbúning og framkvæmd mótsins var eins gott og hugsast gat. Ungmennafélagshreyfingunni eru því færðar þakkir fyrir gott og ánægjulegt samstarf við þetta stóra verkefni. Starfsmönnum Borgarbyggðar og þeim gríðarlega fjölda sjálfboðaliða úr héraðinu sem komu að framkvæmd mótsins á einn eða annan hátt skulu einnig færðar sérstakar þakkir. Án þess metnaðar og dugnaðar sem einkenndi aðkomu heimafólks væri ógerlegt að standa fyrir viðburði sem þessum. Öll umgengni og nærvera gesta á meðan á mótinu stóð var síðan til fyrirmyndar. Lögreglan lýsti yfir sérstakri ánægju sinni með góð samskipti við mótsgesti. Að lokum má nefna að frágangur á tjaldstæði að mótinu afloknu var einstaklega góður og var hann í samræmi við þann anda sem ríkti meðal mótsgesta alla helgina.

Kjartan Ragnarsson kom á fundinn og kynnti frumhugmynd að nýrri starfsemi á svæði Faxaflóahafna í Brákarey. Byggðarráð þakkar Kjartani kynninguna.

Framlögð umsókn um stofnun lóðar, Múlakot 3, úr landi Múlakots 2. Byggðarráð samþykkir að lóðin verði stofnuð.

Framlagt bréf frá Hestbúinu varðandi afgreiðslu byggðarráðs á erindi um flýtingu Oddstaðaréttar. Ragnhildur Jónsdóttir ritari fjallskilanefndar Oddstaðaréttar mætti á fundinn. Hún fór yfir ástæður þess að ósk barst frá fjallskilanefnd Oddstaðaréttar um að flýta Oddstaðarétt. Meginátæður þess að æskilegt er talið að flýta réttum er að gróður fellur snemma á afrétti í haust sökum hagstæðs veðurfars í vor. Einnig er það fjárhagslegur ávinningur sauðfjáreigenda að geta lagt sláturfé minn til slátrunar meðan sumarverð er í boði. Í ljósi framkominna upplýsinga og þess að um er að ræða vilja mikils meirihluta fjáreigenda a svæðinu og breyting dagsetningar hefur ekki áhrif á önnur fjallskilasvæði telur byggðarráð rétt að breyta afstöðu sinni og heimila umbeðna flýtingu Oddstaðaréttar.