Byggðarráð Borgarbyggðar

Kynnt drög að frávikagreiningu launa fyrir árið 2016 sem sviðsstjóri stjórnsýslu - og fjármálasviðs er með í vinnslu.

Framlagður úrskurður sýslumanns dags, 16.2.2017, vegna kæru eiganda Dalsmynnis í Norðurárdal á álagningu fjallskilagjalda árið 2015. Þar kemur fram að kærunni er vísað frá.

Samþykkt að fá forstöðumann Safnahúss á fund byggðarráðs til að fylgja ársskýrslunni úr hlaði.

Reglur um útlán safngripa Safnahúss Borgarfjarðar lagðar fram til kynningar.

Framlögð tillaga Alta um verklag við gerð umferðaröryggisáætlunar vegna þjóðvegar 1 í gegn um Borgarnes. BBÞ fór yfir tilurð og efni tillögunnar.

Markmið vinnuhóps sveitarfélagsins og vegagerðarinnar er að finna leiðir til að bæta umferðaröryggi í gegn um Borgarnes. Vegagerðin og Borgarbyggð er sammála um að þjóðvegurinn í gegn um efri hluta Borgarnes hefur verið vanræktur og að þörf sé á aðgerðum þar t.d. um gangbrautir, umferðarljós og umferðarhraða. Markmiðið er að láta á það reyna að komast að ásættanlegri niðurstöðu um öryggismál á svæðinu og útfærslu þjóðvegarins, sérstaklega um efri hluta bæjarins.

Byggðarráð samþykkir framlagða áætlun. Kostnaði við hana verður mætt með sérstökum viðauka við fjárhagsáætlun.

Kynnt gjöf frá Tónlistarskóla Borgarfjarðar í tilefni 150 ára verslunarafmælis Borgarness. Er það frumsamið lag og texti eftir Theódóru Þorsteinsdóttur skólastjóra skólans. Byggðarráð þakkar skólanum og Theódóru gjöfina og flutning þess við opnun ljósmyndasýningar í Safnahúsi Borgarfjarðar.

Byggðarráð samþykkir að fulltrúi Borgarbyggðar á fundinum verði Sigurjón Jóhannsson Valbjarnarvöllum.

Byggðarráð samþykkir að sveitarstjóri fari með umboð Borgarbyggðar á fundinum.

Byggðarráð samþykkir framlagða umsögn og felur sveitarstjóra að koma henni á framfæri.