Byggðarráð Borgarbyggðar

Framlögð til kynningar dagskrá Hafnafundar sem haldinn verður á Húsavík þann 21. september n.k.
Ekki er gert ráð fyrir að Borgarbyggð sendi fulltrúa á fundinn.

Framlagt erindi Úrskurðarnefndar umhverfis - og auðlindamála dags. 24.8.2017 um stjórnsýslukæru IKAN ehf vegna útgáfu byggingarleyfis fyrir Egilsgötu 6 þar sem óskað er eftir gögnum vegna málsins. Sveitarstjóra falið að svara erindinu.

Nýuppsett girðing við Hellisá. Sveitarstjóri skýrði frá girðingaframkvæmdum við Hellisá á Holtavörðuheiði sem loka rekstrarleið fjár af afréttinum til réttar. Byggðarráð áréttar að með öllu sé óheimilt að hindra umferð sauðfjár um hefðbundna leið af afrétti. Sveitarstjóra falið að annast málið fyrir hönd sveitarfélagsins ásamt forsvarsmönnum Afréttarnefndar Þverárréttarupprekstrar.

Framlagt erindisbréf fyrir vinnuhóp um undirbúning að breytingum að aðalskipulagi Borgarbyggðar.
Eftirfarandi voru skipuð í vinnuhópinn: Jónína Erna Arnardóttir, Stefán Gíslason, Ragnar Frank Kristjánsson og Sveinbjörn Eyjólfsson

Safnamál í Borgarbyggð - framhald frá síðasta fundi.
Formaður byggðarráðs og sveitarstjóri skýrðu frá viðræðum sem hafa átt sér stað um málið frá síðasta fundi ráðsins. Sveitarstjóra falið að vinna að verkefnalýsingu í samræmi við umræður á fundinum.

Rætt um ráðningu byggingarstjóra vegna framkvæmda við Grunnskólann í Borgarnesi.
Lögð fram drög að auglýsingu vegna starfsins. Byggðarráð samþykkti að auglýsa eftir byggingarstjóra vegna framkvæmdanna.

Rætt um umhirðu í þéttbýli. Gísli Karel kynnti hugmyndir um umhverfisátak sem er í undrbúningi.