Byggðarráð Borgarbyggðar

Fjárheimildir fyrir árið 2018 og fjárhagsáætlun fyrir árin 2019-2021. Eiríkur Ólafsson sviðsstjóri stjórnsýslu- og fjármálasviðs lagði fram ýmis vinnugögn vegna gerðar fjárhagsáætlunar 2018.

Framlögð og kynnt stefna Nordik lögfræðiþjónustu ehf. f.h. Hús & Lóðir á hendur forseta sveitarstjórnar f.h. Borgarbyggðar vegna meintra tafa af hálfu Borgarbyggðar varðandi Borgarbraut 57 - 59. Fram kom að stefnan var þingfest í héraðsdómi Vesturlands þriðjudaginn október sl. Kristinn Bjarnason hrl fer með málið fer fyrir hönd Borgarbyggðar. Málið er lagt þannig fram að gerð er krafa um að viðurkennd verði fyrir dómi bótaskylda Borgarbyggðar vegna útgáfu byggingarleyfa vegna Borgarbrautar 57-59 sem Úrskurðarnefnd upplýsinga- og auðlindamála felldi úr gildi.

Framlögð skýrsla Guðmundar Daníelssonar f.h. Snerru ehf varðandi stöðu ljósleiðaramála í Borgarbyggð. Sveitarstjóri skýrði skýrsluna. Hann skýrði einnig frá samræðum við Guðmund Daníelsson um áframhaldandi starf að ljósleiðaramálum fyrir Borgarbyggð. Unnið er að stofnun B hluta fyrirtækis um rekstur ljósleiðarkerfisins, sömuleiðis vill byggðarráð árétta þá skoðun sína að kerfið verði í eigu sveitarfélagsins til framtíðar.

Framlögð skýrsla Samgöngu - og sveitarstjórnarráðuneytis um stöðu og framtíð íslenskra sveitarfélaga. Í skýrslunni eru reifaðar ýmsar hugmyndir um framtíðarskipan sveitarstjórnarstigsins. Skýrslan er aðgengileg á vef ráðuneytisins https://www.stjornarradid.is/raduneyti/samgongu-og-sveitarstjornarraduneytid/

Framlagt bréf Eiríks J Ingólfssonar ehf., dags. 4. Október 2017, þar sem spurst er fyrir um hvort hægt sé að breyta skipulagi á lóðir nr. 2 og 4 við Ugluklett á þann veg að þær verði sameinaðar og byggt á þeim fimm íbúða raðhús.Byggðrráð tekur vel í erindið og vísar því til Umhverfis- og skipulagsnefndar til frekari úrvinnslu.

Framlögð umsókn Ferðaþjónustunnar á Húsafelli ehf, dags. 28. September 2017, um stofnun lóðar að Brekkuskógi 5 - 7 í Húsafelli. Byggðarráð samþykkti erindið.

Framlögð umsókn Ingi Tryggvason hrl. F.h. Gunnars Bjarnasonar kt. 211153-3429, eigenda og ábúenda á Hurðarbaki um að jarðhitahlunnindi eyðijarðarinnar Garðs lnr. 134401, sem er í eigu Gunnars Bjarnasonar, kt. 211153-3429, verði færð yfir á jörðina Hurðarbak lnr. 134409. Byggðarráð samþykkti erindið.

Framlagt til kynningar samantekt frá formannafundi UMSB, sem haldinn var þann 5. okt. sl., þar sem fram koma óskir UMSB um æskilegar framkvæmdir að mati sambandsins í íþróttamannvirkjum í héraðinu á næstu 10 árum.

Framlögð umsókn Sveins Andra Sigurðssonar, kt. 2404675189, til heimils að Túngötu 17 Hvanneyri, dags. 3. 10. 2017, um lóð að Lóuflöt 1 og Sóltúni 13 til vara. Byggðarráð samþykkti að úthluta umsækjanda lóðinni Sóltúni 13 þar sem Lóuflöt 1 hefur þegar verið úthlutað.

Framlögð umsókn Önnu Kristínar Gunnarsdóttur, kt. 0604902879, til heimilis að Sóltún 1a Hvanneyri, dags 20.8.2017 um lóð að Rjúpnaflöt 10 á Hvanneyri. Byggðarráð samþykkir umsóknina.

Framlögð umsókn Hannesar Bjarka Þorsteinssonar, kt. 2312874779, til heimilis að Sóltún 1a Hvanneyri, dags. 21.8.2017 um lóðina að Rjúpnaflöt 9 á Hvanneyri. Byggðarráð samþykkir umsóknina.

Framlagt erindi frá framkvæmdastjóra Brákarhlíðar, dags. 12. Október 2017, varðandi húsnæðisframlag ársins 2018 til Brákarhlíðar. Byggðarráð samþykkir erindið. BBÞ tók ekki þátt í afgreiðslu erindisins vegna tengsla.

Framlagður úrskurður ÚUA í máli nr. 65/2016 er varðar umgengni á einkalóðum og heimild til inngripa. Í úrskurðinum kemur fram að heilbrigðiseftirliti er heimilt að láta fjarlægja númerslausar bifreiðar af einkalóðum, enda séu þær lýti á umhverfinu. Byggðarráð lýsti ánægju sinni með niðurstöðu úrskurðarnefndarinnar og hvetur Heilbrigðiseftirlit Vesturlands til að grípa til hliðstæðra aðgerða í sveitarfélaginu. Felur byggðarráð sveitarstjóra að fylgja málinu eftir við heilbrigðisfulltrúa Vesturlands.

Framlögð umsókn nemendafélags Grunnskólans í Borgarnesi um styrk vegna árlegs jólaútvarps Óðals.
Byggðarráð samþykkir erindið.

Framlagður úrskurður Úrskurðarnefndar umhverfis - og auðlindarmála í máli nr. 45/2017, dags. sorphirðugjald jarðarinnar Sólheimatungu. Krafa landeigenda var að innheimta sorphirðugjalds yrði felld úr gildi vegna þess að ekki væri veitt nein þjónusta varðandi sorphirðu á jörðinni þar sem allt sorp sem til félli á jörðinni væri flutt burt. Í úrskurðinum kemur fram að hafnað var þeirri kröfu kærenda um að álagning Borgarbyggðar á sorpgjöldum fyrir árið 2017 verði felld úr gildi.

Framlagt kauptilboð Sigvalda Arasonar, fh. Verkborgar ehf, kt. 570169-3519, dags. 12.10.2017, í salinn á Borgarbraut 65a. Kauptilboðið hljóðar upp á 25 m.kr. Byggðarráð samþykkti að gera gagntilboð og fól sveitarstjóra að annast það.

Framlagt bréf lögmanns eig. Laugalands dags. 24. ágúst 2017 ásamt minnisblaði lögmanns Borgarbyggðar, dags. 13. Október 2017, varðandi álitamál er varða sölu á heitu vatni á Varmalandi. Til fundarins mætti Gísli Karel Halldórsson, sviðstjóri. Sveitarstjóra falið að funda með málsaðilum.

Framlagt minnisblað vegna kynnisferðar fulltrúa byggðarráðs ásamt sveitarstjóra og forstöðumanni Safnahúss Borgarfjarðar til Dalvíkur og Skagafjarðar þann 13. Október sl.

Framlagt til kynningar álit mennta - og menningarmálaráðuneytis, dags. 2. 10. 2017, til Sæmundar Sigmundssonar, Brákarbraut 18-20, 310 Borgarnesi, er varðar aldurstakmörk við skólaakstur.

Stofnun og hlutverk vinnuhóps um safna - og menningarmál í Borgarbyggð.
Í framhaldi af bókun byggðarráðs þann 24. ágúst sl. og seinni umræðu um tilhögun þess starfs sem þar var ákveðið að hefja þá samþykkti byggðarráð að setja á stofn sérstakan vinnuhóp sem skyldi leggja fram hugmyndir um framtíðarskipan safna í Borgarbyggð. Framlög drög að erindisbréfi vinnuhópsins. Byggðarráð samþykkti erindisbréfið með áorðnum breytingum.
Byggðarráð tilnefnir Björn Bjarka Þorsteinnson, Guðveigu Eyglóardóttir og Guðnýju Dóru Gestsdóttir til setu í vinnuhópnum. Byggðarráð samþykkir ennfremur að fela sveitarstjóra að ganga til samninga við fyrirtækið Nolta um aðkomu að verkefninu.

Ræddar hugmyndir um uppsetningu skjólbeltis og gróðurreits við Hjálmaklett. Byggðaráð samþykkti að láta fara fram lóðahönnun við Hjálmaklett með það að markmiði að draga úr vindálagi á miðsvæði.

Lagt fram erindi frá Gallup, dags. 22.sept. 2017 varðandi þjónustukönnun fyrir árið 2017. Byggðarráð samþykkti að taka þátt í könnuninni og bæta einni spurningu við sem varðar aðkomu sveitarfélagsins að menningarmálum í sveitarfélaginu.

Framlögð umsókn Gagnaveitu Reykjavíkur um framkvæmdaleyfi fyrir lagningu ljósleiðara í Borgarnesi og á Hvanneyri. Byggðarráð samþykkir erindið og felur umhverfis - og skipulagssviði að gefa út framkvæmdaleyfið.