Byggðarráð Borgarbyggðar

Framlagðar tillögur að fjárheimildum fyrir rekstur og fjárfestingar Borgarbyggðar á árinu 2018 ásamt rekstrar og fjárfestingaráætlun fyrir árin 2019 - 2121. Eiríkur Ólafsson sviðsstjóri stjórnsýslu- og fjármálasviðs mætti til fundarins og kynnti framlögð gögn. Fjárhagsáætlun fyrir árið 2018 afgreidd til fyrri umræðu í sveitarstjórn. Fundur sveitarstjórnar verður haldinn þann 9. nóvember n.k.

Rætt um bílastæðamál við Brákarbraut 8. Sigurður Friðgeir Friðriksson skipulagsfulltrúi mætti til fundarins og skýrði stöðu málsins.

Lagt fram mæliblað og lóðarleigusamningur vegna stækkunar lóðar við Sólbakka 17 - 19. Byggðarráð samþykkti framlögð gögn.

Pálmi Blængsson framkvæmdastjóri UMSB og Sólrún Helga Bjarnadóttir formaður UMSB mættu til fundarins. Áherslur formannafundar UMSB, sem haldinn var þann 5. Október sl., um framkvæmdir í íþrótta - og tómstundamálum í sveitarfélaginu voru ræddar. Byggðarráð var sammála um nauðsyn þess að ræða ítarlega framtíðarsýn í uppbyggingu íþróttamannvirkja í sveitarfélaginu með hliðsjón af fjárhagslegri getu samfélagsins.

Framlögð tillaga Byggingarnefndar Grunnskólans í Borgarnesi um að Ríkiskaup annist framkvæmd útboðs fyrir nýbygginguna. Tilboð Ríkiskaupa í umsýslu útboðsins hljóðaði upp á um 500 þúsund kr. Byggðaráð samþykkti tillöguna.

Framlögð drög að leigusamningi um land undir Oddstaðarétt með tilheyrandi girðingu. Sveitarstjóri fór yfir viðræður við landeigendur og niðurstöðu þeirra. Byggðarráð samþykkti tillöguna og fól sveitarstjóra að undirrita samninginn.

Framlagt bréf Golfklúbbs Borgarness dags. 26.10.2017 þar sem sett er fram ósk um viðræður um samstarf vegna vélakaupa. Byggðarráð felur sveitarstjóra að vinna úr þeim upplýsingum sem fram komu á fundinum og koma á viðræðum um mögulegt samstarf.

Byggðarráð samþykkir að fela sveitarstjóra að auglýsa starf sviðsstjóra umhverfis- og skipulagssviðs.