Byggðarráð Borgarbyggðar

Framlagt minnisblað sveitarstjóra um undirbúning útboðs vegna lagningu ljósleiðara í Borgarbyggð. Byggðarráð fól sveitarstjóra að taka upp viðræður við Ríkiskaup um að annast undirbúning og framkvæmd útboðsins.

Framlagt álit Samgöngu- og sveitarstjórnarráðuneytisins, dags. 15. Febr. 2018 í stjórnsýslumáli er varðar samning við Hús og lóðir ehf um greiðslu gatnagerðargjalda. Sviðsstjóri fjármála - og stjórnsýslusviðs sat fundinn undir þessum lið. Byggðarráð fól sveitarstjóra og sviðsstjóra stjórnsýslu- og fjármálasviðs að undirbúa svar sveitarfélagsins við áliti ráðuneytisins fyrir tilskilinn tíma. Í tengslum við það verða reglur um innheimtu gatnagerðargjalda endurskoðaðar og niðurstöður þess lagðar fyrir byggðarráð og umhverfis - og skipulagssvið.

Ástand þaka á frystihúsi úti í Brákarey. Kristján Finnur Kristjánsson, umsjónarmaður fasteigna Borgarbyggðar kom til fundarins. Hann lýsti ástandi á þaki hússins yfir fyrrum vélasal sem hefur versnað eftir mikil snjóalög að undanförnu. Hætta getur stafað af ástandi þess ef ekki verður brugðist við. Byggðarráð fól Kristjáni Finni að kanna með kostnað við að rífa þakið til að koma í veg fyrir að það skapist hætta af lélegu ástandi þess.

Framlögð drög að samkomulagi frá Lögreglustjóranum á Vesturlandi, dags. 22. febrúar 2018, um skipan sameiginlegrar almannavarnanefndar í umdæmi lögreglunnar á Vesturlandi. Í fyrrgreindum drögum er lagt til að nýtt fyrirkomulag taki gildi að afloknum sveitarstjórnarkosningum þann 26. Maí n.k. Byggðarráð samþykkti tillöguna og fól sveitarstjóra að undirrita samkomulagið fyrir hönd Borgarbyggðar.

Framlagt erindi Markaðsstofu Vesturlands, dags. 15. febrúar 2018, um að kosta auglýsingu frá Borgarbyggð í kort fyrir Borgarfjörð, Hvalfjörð og Akranes. Kortið verður framleitt í 30.000 eintökum. Byggðarráð samþykkti erindið.

Beiðni um stofnun lögbýlis í Túni í Reykholtsdal frá eigendum Túns, Helgu Björg Valgeirsdóttur og Gunnari Konráðssyni. Byggðarráð samþykkti að gefa jákvæða umsögn um erindið.

Byggðarráð samþykkir að skipa í vinnuhópinn á næsta fundi sveitarstjórnar. Ennfremur samþykkti byggðarráð nokkrar breytingar á áður samþykktu erindisbréfi.

Fundargerð frá fundi byggingarnefndar dags. 21.febrúar 2018 framlögð.