Byggðarráð Borgarbyggðar

Lagðir fram kostnaðarreikningar og teikningar vegna fyrirhugaðar byggingar leikskólans Hnoðrabóls á Kleppjárnsreykjum ásamt fundargerð byggingarnefndar frá 21. Febrúar 2018. Byggðarráð samþykkir að bjóða út 1. og 2. áfanga sbr. minnisblað frá 16. febr. s.l. (trúnaðargagn) og leggur áherslu á að vinnu verði hraðað eins og kostur er. Ennfremur leggur byggðarráð áherslu á að niðurrif eldra húsnæðis fari fram í sumar meðan skólahald liggur niðri. Kostnaðaráætlun framkvæmda skv. 1. og 2. áfanga er í samræmi við fjárhagsáætlun sveitarfélagsins.

Framlagt fundarboð á aðalfund SSV sem haldinn verður á Hótel Hamri 19. mars n.k.

Byggðarráð samþykkir að tilnefna Finnboga Leifsson og Ástu Kristínu Guðmundsddóttur til setu í stjórn Sorpurðunar Vesturlands.

Framlagt erindi Sambands íslenskra sveitarfélaga dags. 28. Febrúar sl. vegna fyrirhugaðra breytinga á mannvirkjalögum. Sveitarstjóri skýrði erindið og lagði fram tillögu að umsögn. Byggðarráð samþykkti umsögnina og fól sveitarstjóra að afgreiða það.

Framlagt minnisblað sveitarstjóra vegna samtals við fulltrúa norsks orkufyrirtækis um vindorkuver. Sveitarstjóri skýrði minnisblaðið og hvað hefur gerst síðan samtalið átti sér stað. Fulltrúar hins norska orkufyrirtækis munu koma til Íslands í apríl til að kynna sér aðstæður betur.

Framlögð umsókn eiganda Akra 1, dags. 8. nóvember 2017. um stofnun tveggja lóða, Akrar 4 og Akrar 5 í landi Akra 1 skv. fyrirliggjandi gögnum. Byggðarráð samþykkti erindið að því tilskyldu að erindið uppfylli formkröfur.

Byggðarráð samþykkir erindið.

Framlagt bréf Óbyggðanefndar, dags. 23. Febrúar 2018 þar sem líst er kröfum nefndarinnar á svæði 9B. Byggðarráð taldi ekki ástæðu til að aðhafast neitt þar sem lýstar kröfur á þessu svæði tengjast ekki landi innan Borgarbyggðar. Sveitarstjóra falið að fylgjast með framgangi málsins.

Framlögð til kynningar umsögn Sambands íslenskra sveitarfélaga, dags.1. mars 2018 varðandi drög að landsáætlun um uppbyggingu innviða til verndar náttúru og menningarsögulegum minjum. Í erindinu eru sveitarstjórnir og þá starfsmenn þeirra sem vinna að málefnum ferðaþjónustu hvattar til að kynna sér landsáætlunina og senda umsögn ef talið er tilefni til. Byggðarráð tók undir erindi sambandsins.

Framlagt kauptilboð Sigvaldasona ehf. dags. 8. mars 2018 í eitt sperrubil að Brákarbraut 25 - 27. Greiðsla fyrir húsnæðið yrði innt af hendi með smíði eldveggjar milli húsnæðis Fornbílafélagsins (fjárréttar) og húsnæðis Sigvaldasona ehf sem uppfyllir allar kröfur um brunavarnir. Um er að ræða húsnæði sem er um 73 m2. Byggðarráð samþykkti að ganga að tilboðinu.

Framlagt fundarboð SSV dags, 7. Mars sl. vegna fundar með Samgönguráði Alþingis sem haldinn er í Borgarnesi þann 15. Mars kl. 14:00. Byggðarráð hvatti til að fulltrúar Borgarbyggðar sæktu fundinn.

Framlögð fyrirspurn Lögfræðistofu Inga Tryggvasonar hdl., dags, 7. mars. sl. um hvort áhugi væri á skiptum á landi á Seleyri handan Borgarfjarðarbrúar og á eign í Borgarnesi. Byggðarráð taldi ekki forsendur fyrir slíkum eignaskiptum.

Framlagt erindi formanns sóknarnefndar Borgarsóknar, dags. 8. Mars. sl. varðandi umhirðu grasflata og trjágróðurs á prestssetrinu að Borg á Mýrum. Sveitarstjóra falið að svara erindinu í samræmi við umræður á fundinum.

Framlagt tilboð í auglýsingar í Travel West ferðablaðið. Byggðarráð samþykkti tilboðið.

Framlögð ársskýrsla Safnahúss Borgarfjarðar fyrir árið 2017. Byggðarráð þakkaði skýrsluna og það greinargóða yfirlit um starfsemi safnahúss sem þar kemur fram.

Framlögð endurskoðuð stefna í málefnum eldri borgara í Borgarbyggð, unnin af stýrihópi um endurskoðun stefnunnar. Byggðarráð lýsti ánægju sinni með framlögð drög að stefnu og þá vinnu sem að baki henni liggur þar sem fjölmargir eldri borgarar komu til vinnufunda og lögðu sínar áherslur inn í gerð skýrslunnar.

Framlögð beiðni Umhverfis - og auðlindaráðuneytis, dags. 14. Mars sl. um kostnaðar- - og verkáætlun vegna landsáætlunar um innviði vegna Glanna og Paradísarlautar. Fram kom að lagðar eru 10 m.kr. til rekstrar svæðisins á næstu þremur árum og 1,0 m.kr. til endurbóta á útsýnispalli. Byggðarráð lýsti ánægju sinni með þann árangur sem náðst hefur í að fá fjármagn til styrkingar þessa fjölsótta ferðamannastaðar.

Framlagt bréf IKAN ehf dags. 11. mars 2018 þar sem kvartað er yfir stjórnsýslu sveitarfélagsins. Sveitarstjóri kynnti drög að svari þar sem m.a. er vakin athygli á misræmi sem er milli laga um veitinga- og gististaði og mannvirkjalaga hvað varðar samhengi milli útgáfu rekstrarleyfis og lokaúttektar. Byggðarráð samþykkti þær áherslur sem koma fram í drögum að svari sveitarstjóra við fyrrgreindu bréfi Ikan ehf.

Framlögð ályktun Sambands ísl. Framhaldsskólanema, dags. 28. Febrúar 2018 til stuðnings nemendafélagi MB.

Fulltrúar Nemendafélags MB ásamt fulltrúum Sambands íslenskra framhaldsskólanema komu til fundarins. Komu þeir á framfæri athugasemdum sínum við skýrslu vinnuhóps um safnamál.

Til fundarins mættu fulltrúar MB til viðræðna um málefni skólans í víðu samhengi.

Framlögð fyrirspurn um lóð undir gagnaver á Hvanneyri. Sveitarstjóri kynnti stöðu málsins.

Framlagt bréf Norræna félagsins dags. 2. mars 2018 þar sem farið er fram á að Borgarbyggð ráði til starfa tvo starfsmenn undir merkjum Nordjobb. Byggðarráð fól sviðsstjóra umhverfis- og skipulagssviðs að afgreiða erindið.

Framlagt fundarboð á aðalfund Veiðifélags Langár sem haldinn verður þann 7. apríl n.k. Byggðarráð skipaði Einar Ole Pedersen fulltrúa Borgarbyggðar á aðalfundinn.

Fyrirspurn frá Lögfræðistofu Inga Tryggvasonar hdl, dags. 21. febrúar sl. um mögulega sölu á Tandraseli. Byggðarráð taldi ekki forsendur fyrir að selja jörðina Tandrasel að svo stöddu.

Byggðarráð óskar Körfuknattleiksdeild Skallaríms til hamingju með frábæran árangur í 1. deild og óskar þeim velfarnaðar í efstu deild á næsta ári. Byggðarráð samþykkir styrk að upphæð kr. 250.000. - til deildarinnar af þessu tilefni.