Byggðarráð Borgarbyggðar

Guðmundur Daníelsson ráðgjafi mætti til fundarins. Eins sat Eiríkur Ólafsson fundinn undir þessum lið.
a) Guðmundur kynnti stöðuna varðandi undirbúning að vinnu útboðsgagna vegna lagningu ljósleiðara um dreifbýli Borgarbyggðar. Gerð hefur verið verðkönnun hjá Verkfræðistofunni Eflu, Verkfræðistofunni Verkís og Berki Brynjarssyni (Frostverk)vegna vinnu við uppsetningu útboðsgagna til notkunar fyrir Ríkiskaup vegna útboðs verksins. Samþykkt var að ganga til samninga við Verkfræðistofuna Eflu um að ljúka gerð útboðsgagna vegna útboðs á verkefninu.
b) Komið hafa upp vandkvæði á að nota heitið "Borgarljós" um ljósleiðaraverkefni Borgarbyggðar þar sem fyrirtæki á höfuðborgarsvæðinu hafði undirbúið notkun nafnsins "Borgarljós" við starfsemi sína sem meðal annars byggir á innflutningi listafólks til landsins. Byggðarráð samþykkti að breyta nafni verkefnisins í "Ljósleiðari Borgarbyggðar".
c) Lagður fram undirskriftalisti 42 íbúa í Lundarreykjadal þar sem þeir óska eftir því að undinn verði bráður bugur að því að leggja ljósleiðara að hverju heimili í dalnum.

Fjárfestingaáætlun 2018.
Byggðarráð ræddi um nauðsyn þess að endurskoða fjárfestingaáætlun fyrir árið 2018 og árin 2019-2021 í sambandi við fyrirhugaðar framkvæmdir við Grunnskóla Borgarness og byggingu leikskólans Hnoðrabóls á Kleppjárnsreykjum. Framkvæmdakostnaður við þessar framkvæmdir er hærri en áætlað var í fjárhagsáætlun Borgarbyggðar sem samþykkt var í desember 2017. Byggðarráð fól sveitarstjóra og sviðsstjóra fjármála- og stjórnsýslusviðs að annast verkið. Eiríkur Ólafsson sat fundinn undir þessum lið.

Fjárhagsáætlun og starfsemi Slökkviliðs Borgarbyggðar 2018 o.fl. tekin til umræðu. Bjarni Kr. Þorsteinsson slökkviliðsstjóri og Ragnar Frank Kristjánsson sviðsstjóri umhverfis- og skipulagssviðs mættu til fundarins.

Tilboð í eignarhluta sveitarfélagsins í Laugagerðisskóla í Eyja- og Miklaholtshreppi. Þann 21. mars sl. gerði oddviti Eyja- og Miklaholtshreppi sveitarfélögunum Snæfellsbæ, Borgarbyggð og Dalabyggð tilboð í eignarhluta þeirra í eignum Laugagerðisskóla að fjárhæð 32,5 m.kr. Eignarhlutföll sveitarfélaganna í eignum Laugagerðisskóla eru sem hér segir: Eyja og Miklaholtshreppur: 43,0%, Borgarbyggð: 24,1%, Dalabyggð: 13,7% og Snæfellsbær: 19,2%. Byggðarráð samþykkti að fela sveitarstjóra að vinna áfram að málinu og að kallað verði eftir verðmati óháðs aðila á eignunum.

Framlögð til kynningar fundargerð húsnefndar Þinghamars dags. 16. Janúar sl. þar sem farið er yfir ýmis aðkallandi viðhaldsverkefni. Fundargerðinni vísað til umsjónarmanns eignasviðs til úrvinnslu svo og til vinnslu fjárhagsáætlunar fyrir árið 2019.

Framlögð umsókn eigenda Hlöðutúns, lnr. 134877, Brynjólfs Guðmundssonar kt. 080262-6559 og fleiri um stækkun lóðar Hlöðutúns 1, lnr. 220500. Byggðarráð samþykkti erindið.

Framlagt bréf Ikan ehf, dags. 22. Mars. 2018 þar sem lögð er fram kvörtun yfir stjórnsýslu Borgarbyggðar á árunum 2013-2017 er varðar rekstur gistiheimilis að Egilsgötu 6, útgáfu byggingarleyfis, grenndarkynningu og fleira.

Framlagt bréf Sorpurðunar Vesturlands hf, dags. 20. mars 2018, þar sem tilkynnt er um arðgreiðslu að upphæð kr. 1.018.875.- að frádregnum fjármagnstekjuskatti vegna starfseminnar á árinu 2017.

Öryggisstefna Borgarbyggðar í tölvumálum. Lögð fram tillaga að öryggisstefnu Borgarbyggðar í tölvumálum ásamt erindisbréfi fyrir öryggisnefnd. Öryggisstefnan var unnin af Bjarna Júlíussyni ráðgjafa í tölvumálum. Byggðarráð samþykkti framlagða tillögu að öryggisstefnu ásamt erindisbréfi öryggisnefndar.

Framlögð skýrsla forstöðumanns safnahúss Borgarfjarðar sem fór í kynnisferð um safnamál til Skotlands ásamt tveimur öðrum forstöðumönnum í febrúar og mars 2018.

Framlögð skýrsla Byggðastofnunar útg. í mars 2018 um mannfjöldaþróun einstakra sveitarfélaga og landshluta á næstu árum. Slóðin á skýrsluna er:
https://www.byggdastofnun.is/is/frettir/category/1/spa-um-throun-mannfjolda-eftir-sveitarfelogum

Framlögð drög að nýjum samningi milli Borgarbyggðar og Fornbílafjelags Borgarfjarðar um leigu Fornbílafélagsins á húsnæði undir starfsemi sína úti í Brákarey. Tveir eldri samningar eru settir upp í einum samning og þeir samstilltir í tíma. Byggðarráð lýsti yfir samþykki við drögin og fól sveitarstjóra að ganga frá samningi við Fornbílafjelagið sem verði lagður fyrir byggðarráð til staðfestingar.