Byggðarráð Borgarbyggðar

Viðauki við fjárhagsáætlun 2018. Eiríkur Ólafsson, sviðsstjóri stjórnsýslu- og fjármálasviðs, mætti til fundarins og skýrði út þær breytingar sem lagt er til að gera á fyrirliggjandi fjárhagsáætlun. Í breytingum á rekstrarkostnaði vegur aukinn kostnaður við snjómokstur þyngst. Fjárfestingaráætlun er færð að fyrirliggjandi forsendum um framkvæmdaáætlun við Grunnskólann í Borgarnesi og leikskólann á Kleppjárnsreykjum. Byggðarráð samþykkti framkominn viðauka og vísaði endanlegri afgreiðslu þeirra til næsta fundar sveitarstjórnar.

Framlagt bréf Ikan ehf til byggðarráðs frá 22. apríl 2018. Formaður byggðarráðs og sveitarstjóri svara bréfinu.

Framlagt bréf eigenda Egils Guesthouse, dags 23. Apríl 2018, þar sem óskað er eftir samstarfi og fjárhagslegum stuðning við að setja upp stiga að vestanverðu að minnismerkinu um Brák. Byggðarráð samþykkti erindið og fólk sviðsstjóra umhverfis- og skipulagssviðs að annast verkið og ganga frá samkomulagi við hlutaðeigandi aðila um aðgengi.

Framlagt minnisblað sveitarstjóra, dags. 23. apríl 2018, varðandi umræðu um uppsetningu öryggismyndavéla.
Fyrr í vetur hófst umræða milli Akraneskaupstaðar, Hvalfjarðarsveitar og Borgarbyggðar við lögregluna á Vesturlandi um gagnsemi þess að til staðar væru eftirlitsmyndavélar við helstu aðkomuleiðir í stærstu þéttbýliskjarna á sunnanverðu Vesturlandi.

Framlögð beiðni Landbúnaðarsafns Íslands á Hvanneyri um styrk að upphæð 250.000 kr. til uppbyggingar gestastofu í tengslum við alþjóðlegt griðland fugla (Ramsa svæði) á Hvanneyri. Byggðarráð samþykkti erindið.

Framlagt fundarboð á aðalfund Veiðifélags Norðurár sem haldinn verður þann 4. maí n.k. Byggðarráð samþykkti að tilnefna Kristján Axelsson sem fulltrúa sveitarfélagsins á aðalfundinum.

Framlögð beiðni Sigríðar Þóru Óðinsdóttir frá Einarsnesi, dags. 24. Apríl 2018, um samstarf við undirbúning menningarviðburðar árið 2019 í tengslum við umsókn um styrk til fjármögnunar verkefnisins úr Nordisk Kulturfond. Byggðarráð samþykkti erindið og fól sveitarstjóra að annast það.

Framlagt minnisblað sveitarstjóra frá 24. Apríl 2018 um undirbúning að málshöfðun á hendur ríkisvaldinu til ógildingar ákveðnum þáttum í úrskurði Óbyggðanefndar frá 11. Október 2018. Byggðarráð fól sveitarstjóra að gefa Óðni Sigþórssyni í Einarsnesi formlegt umboð til samstarfs með lögfræðingum þeim sem annast málssóknina fyrir hönd sveitarfélagsins.

Framlögð tillaga að eigendastefnu Faxaflóahafna ohf með bréfi dags. 13. Apríl 2018. Samþykkt að fresta umræðu til næsta fundar.

Framlögð til kynningar stefna Borgarbyggðar í íþrótta - og tómstundamálum sem fræðslunefnd hefur unnið. Samþykkt að taka stefnuna til umræðu á næsta fundi byggðarráðs.

Framlögð drög að samningi milli Borgarbyggðar og Fornbílafjelags Borgarfjarðar um samræmingu leigusamninga og framlengingu á leigu á húsnæði því sem félagið hefur haft til umræða í Brákarey. Byggðarráð samþykkti samninginn.